« សុខភាពខាងផ្លូវកាយ និង ផ្លូវចិត្ត ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« សុខភាពខាងផ្លូវកាយ និងផ្លូវចិត្ត » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
សុខភាពខាងផ្លូវកាយ និងផ្លូវចិត្ត
សុខភាពខាងផ្លូវកាយ និងផ្លូវចិត្ត
ទិដ្ឋភាពទូទៅ
ពេលយើងឆ្លងកាត់ជីវិតរស់នៅ នោះយើងប្រឈមមុខនឹងស្ថានភាពជាច្រើនដែលធ្វើឲ្យមានបញ្ហាខាងសតិអារម្មណ៍ ។ យើងអាចងាកទៅរកព្រះអម្ចាស់សម្រាប់ជំនួយ ដើម្បីឲ្យកាន់តែមានភាពរឹងមាំខាងផ្លូវចិត្ត ។ មេរៀនខាងក្រោមនេះលើកទឹកចិត្តសិស្សឲ្យថែរក្សារូបកាយរបស់ពួកគេ អភិវឌ្ឍលំនាំនៃការគិតប្រកបដោយសុទិដ្ឋិនិយម ស្វែងរកជំនួយរបស់ព្រះអម្ចាស់នៅពេលមានភាពតានតឹង ការថប់បារម្ភ ភាពសោកសៅ និងការធ្លាក់ទឹកចិត្ត ហើយបង្កើត និងពង្រឹងទំនាក់ទំនង ។
ការផ្ដល់យោលបល់ស្តីពីល្បឿនបង្រៀន ៖ មេរៀនទាំងនេះអាចត្រូវបានបង្រៀននៅពេលណាក៏បានក្នុងឆ្នាំសិក្សា ឬក្នុងអំឡុងពេលសប្តាហ៍ណាមួយ នៅក្នុងល្បឿនបង្រៀនរបស់សៀវភៅ ចូរមកតាមខ្ញុំ ។ ទោះជាយ៉ាងណាក៏ដោយ វាអាចជាការល្អបំផុតក្នុងការបង្រៀន « ការស្ថាបនាកម្លាំងខាងផ្លូវចិត្តនៅលើព្រះអម្ចាស់ » និងមេរៀនបន្តនៅក្នុងពេលកៀកៗគ្នា ។ ការណ៍នេះអាចជួយសិស្សឲ្យរៀន និងអនុវត្តជំនាញដែលជាក់លាក់ចំពោះមេរៀនទាំងនេះ ។
រៀបចំខ្លួនដើម្បីបង្រៀន
ព័ត៌មានខាងក្រោមផ្តល់នូវគំនិតខ្លះៗអំពីអ្វីដែលអ្នកអាចត្រូវរៀបចំជាមុនសម្រាប់មេរៀននីមួយៗ ។
ការមើលថែរូបកាយខាងសាច់ឈាមរបស់យើង
គោលបំណងមេរៀន ៖ ដើម្បីជួយសិស្សឲ្យបង្ហាញពីការដឹងគុណដល់ព្រះវរបិតាសួគ៌ និងព្រះយេស៊ូវគ្រីស្ទតាមរយៈការថែទាំចំពោះរូបកាយរបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យពិចារណាអំពីអារម្មណ៍ដែលពួកគេមានចំពោះរូបកាយរបស់ពួកគេ និងអ្វីដែលពួកគេកំពុងធ្វើដើម្បីថែទាំរូបកាយរបស់ពួកគេ ។ ពួកគេក៏អាចពិចារណាអំពីរបៀបដែលអាកប្បកិរិយា និងសកម្មភាពចំពោះរូបកាយរបស់ពួកគេ ប៉ះពាល់ដល់សុភមង្គល ថាមពល សមិទ្ធផល និងទំនាក់ទំនងរបស់ពួកគេជាមួយនឹងព្រះយ៉ាងណាដែរ ។
-
សំណៅចែក ៖ « ការថែទាំរូបរាងកាយរបស់យើង »
ការស្ថាបនាកម្លាំងខាងផ្លូវចិត្តនៅលើព្រះអម្ចាស់
គោលបំណងមេរៀន ៖ ដើម្បីជួយសិស្សឲ្យមានទំនុកចិត្តថា ព្រះអង្គសង្រ្គោះនឹងគាំទ្រពួកគេនៅក្នុងការកសាងកម្លាំងខាងរាងកាយ និងផ្លូវចិត្ត ។
-
ការរៀបចំសិស្ស ៖ អញ្ជើញសិស្សឲ្យពិចារណាអំពីស្ថានភាពលំបាកខាងផ្លូវចិត្តដែលពួកគេប្រឈមមុខ ឬអាចប្រឈមមុខនៅពេលអនាគត និងអ្វីដែលពួកគេអាចធ្វើនៅក្នុងស្ថានភាពទាំងនោះ ។ ពួកគេអាចពិភាក្សាអំពីគំនិតរបស់ពួកគេជាមួយឪពុក ឬម្ដាយ ឬសមាជិកគ្រួសារ ។ អ្នកអាចចង្អុលបង្ហាញថា ទស្សនវិស័យខាងក្រៅពេលខ្លះអាចមានប្រយោជន៍ក្នុងការដោះស្រាយបញ្ហាផ្លូវចិត្ត ។
ការស្ថាបនាគន្លងនៃការគិតដែលមានភាពវិជ្ជមាន
គោលបំណងមេរៀន ៖ ដើម្បីជួយសិស្សឲ្យអភិវឌ្ឍការយល់ដឹងអំពីគំនិតរបស់ពួកគេផ្ទាល់និងការបង្កើតលំនាំនៃការគិតប្រកបដោយសុទិដ្ឋិនិយម ។
ការរៀបចំសិស្ស ៖ សូមពិចារណាអញ្ជើញសិស្សឲ្យយកចិត្តទុកដាក់ និងសរសេរនូវគំនិតដែលពួកគេមាននៅពេលឆ្លើយតបទៅនឹងស្ថានភាពលំបាក ឬការប្រាស្រ័យទាក់ទងជាមួយអ្នកដទៃ ។
សំណៅចែក ៖ « ការកែតម្រូវគំនិតដែលមិនមានប្រយោជន៍ ឬមិនត្រឹមត្រូវ »
ការគ្រប់គ្រងភាពតានតឹង និងការថប់បារម្ភ
គោលបំណងមេរៀន ៖ ដើម្បីជួយសិស្សឲ្យស្វែងរក និងហាត់រៀនជំនាញដើម្បីងាកទៅរកព្រះអម្ចាស់ ដើម្បីគ្រប់គ្រងភាពតានតឹង និងការថប់បារម្ភ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីគ្រាថ្មីៗនេះនៅពេលពួកគេមានអារម្មណ៍តានតឹង ឬថប់បារម្ភអំពីអ្វីមួយ ។ លើកទឹកចិត្តពួកគេឲ្យពិចារណាអំពីភាពជោគជ័យ និងឧបសគ្គដែលពួកគេបានទប់ទល់ជាមួយនឹងភាពតានតឹង និងការថប់បារម្ភ ។
-
សំណៅចែក ៖ « កម្រិតទាំងបួននៃភាពតានតឹង »
ការស៊ូទ្រាំនឹងភាពសោកសៅ និងជំងឺធ្លាក់ទឹកចិត្ត
គោលបំណងមេរៀន ៖ ដើម្បីជួយសិស្សឲ្យយល់អំពីរបៀបដែលពួកគេអាចទទួលបានជំនួយជាមួយអារម្មណ៍ភាពសោកសៅ និងការធ្លាក់ទឹកចិត្ដ ។
-
ការរៀបចំសិស្ស ៖ ដើម្បីរៀបចំសិស្សឲ្យសិក្សាអំពីវិធីសមរម្យដើម្បីដោះស្រាយភាពសោកសៅ និងការធ្លាក់ទឹកចិត្ត សូមផ្ដល់សេចក្ដីថ្លែងការណ៍ដូចខាងក្រោមនេះ ៖ « ខ្ញុំស្គាល់អំពីរបៀបដែលព្រះវរបិតាសួគ៌ និងព្រះយេស៊ូវគ្រីស្ទអាចជួយខ្ញុំបាន នៅពេលខ្ញុំមានអារម្មណ៍សោកសៅ ឬធ្លាក់ទឹកចិត្ដ » ។ សូមអញ្ជើញសិស្សឲ្យវាយតម្លៃប្រកបដោយការអធិស្ឋានថា តើសេចក្ដីថ្លែងការណ៍នេះអនុវត្តបានល្អប៉ុនណាចំពោះពួកគេ ហើយពួកគេអាចចែកចាយវាដោយទំនុកចិត្តយ៉ាងណាជាមួយអ្នកដទៃ ។
-
វត្ថុដែលត្រូវបង្ហាញ ៖ រូបភាព ឬវីដេអូនៃរលកសមុទ្រ
-
សំណៅចែក ៖ « ការស្វែងរកជំនួយ »
ការមានភាពល្អឥតខ្ចោះនៅក្នុងព្រះយេស៊ូវគ្រីស្ទ
គោលបំណងមេរៀន ៖ ដើម្បីជួយសិស្សឲ្យយល់អំពីកំហុសនៃការគិតទាក់ទងទៅនឹងភាពល្អឥតខ្ចោះ និងរបៀបដែលពួកគេអាចងាកទៅរកព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាអំពីរបៀបដែលពួកគេអាចពិពណ៌នាពីភាពខុសគ្នារវាងភាពឥតខ្ចោះនិយម និងការក្លាយជាមនុស្សល្អឥតខ្ចោះតាមរយៈព្រះគ្រីស្ទ ។ ពួកគេអាចពិចារណាអំពីរបៀបដែលពួកគេអាចមានអារម្មណ៍ថា ត្រូវបានល្បួងឲ្យគិតថាពួកគេត្រូវតែល្អឥតខ្ចោះដោយខ្លួនឯង ។
-
វីដេអូ ៖ « Self-Compassion » ( ២:៥៨ ); « The Imperfect Harvest » ( ១១:០១ មើលចាប់ពីនាទីទី ២:៣៧ ដល់ ៣:០៤ )
-
សំណៅចែក ៖ « ការក្លាយជាមនុស្សល្អឥតខ្ចោះក្នុងព្រះយេស៊ូវគ្រីស្ទ » »
ការស្ថាបនាទំនាក់ទំនងវិជ្ជមាន
គោលបំណងមេរៀន ៖ ដើម្បីជួយសិស្សស្វែងរកជំនួយរបស់ព្រះអម្ចាស់ក្នុងការបង្កើតទំនាក់ទំនងដែលរួមចំណែកដល់សុខភាព និងសុខុមាលភាពទាំងមូលរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាអំពីទំនាក់ទំនងដ៏រឹងមាំដែលពួកគេមានក្នុងជីវិតរបស់ពួកគេ និងអ្វីដែលពួកគេបានធ្វើដើម្បីធ្វើឲ្យទំនាក់ទំនងទាំងនោះរឹងមាំ ។ ពួកគេក៏អាចពិចារណាអំពីនរណាក៏បានដែលពួកគេចង់អភិវឌ្ឍ ឬពង្រឹងទំនាក់ទំនងជាមួយ និងគិតអំពីវិធីដើម្បីធ្វើបែបនេះ ។
-
វីដេអូ ៖ « Of Things That Matter Most » ( ១៩:១២ មើលចាប់ពីនាទីទី ១២:៣៥ ដល់ ១២:៥៦ )
-
សំណៅចែក ៖ « ឧទាហរណ៍អំពីទំនាក់ទំនងដ៏មានអត្ថន័យក្នុងប្រវត្តិសាសនាចក្រ និងគោលលទ្ធិ និងសេចក្តីសញ្ញា »
-
សម្ភារសម្រាប់សិស្ស ៖ ចែកចម្រៀកក្រដាសតូចមួយឲ្យដល់សិស្សម្នាក់ៗ