1829

فرشتے کہانت کو بَحال کرتے ہیں

خُدا کا کام کرنے کی قُدرت

جب جوزف اور اولیور نے سونے کے اوراق کا ترجمہ کِیا، تو اُنھوں نے جانا کہ یِسُوع چاہتا تھا کہ ہر کوئی بپتِسما پائے۔ اُس نے بپتِسما دینے کی قُدرت لوگوں کو بھی عطا کی۔ جوزف نے بپتِسما نہیں لیا تھا۔ وہ بپتِسما کے بارے میں مزید جاننا چاہتا تھا۔

جوزف سمِتھ—تاریخ 1:‏68؛ مُقدّسین، 1:‏65–66

جوزف اور اولیور حیران تھے کہ اب لوگوں کو بپتِسما دینے کی طاقت کس کے پاس ہے۔ اُنھوں نے خُدا سے پُوچھنے کا فیصلہ کِیا۔ وہ جنگل میں گئے اور دُعا کرنے کے لیے گھٹنے ٹیکے۔

جوزف سمِتھ—تاریخ 1:‏68؛ مُقدّسین، 1:‏66

جب اُنھوں نے دُعا کی، تو ایک فرشتہ ظاہر ہُوا۔ اُس نے کہا کہ وہ یُوحنّا بپتِسما دینے والا ہے، جس نے بُہت پہلے یِسُوع مسِیح کو بپتِسما دیا تھا۔ اُس نے جوزف اور اولیور کو ہارونی کہانت عطا کی۔ کہانت خُدا کی قُدرت ہے۔ یہ خُدا کے بچّوں کو برکت دینے کے لیے استعمال کی جاتی ہے۔

عقائد اور عہُود 13؛ جوزف سمِتھ—تاریخ 1:‏69، 72؛ مُقدّسین، 1:‏66–67

یُوحنّا بپتِسما دینے والے نے کہا کہ ہارونی کہانت کا حامِل شخص لوگوں کو توبہ کرنے کی تعلیم اور اُن کو بپتِسما دے سکتا ہے۔ یُوحنّا نے جوزف اور اولیور کو بپتِسما لینے کو کہا۔ وہ دریا میں گئے اور ایک دُوسرے کو بپتِسما دیا۔ جب وہ پانی سے باہر آئے، تو وہ رُوحُ اُلقدس سے معمُور ہو گئے۔ وہ بُہت خُوش تھے!

جوزف سمِتھ—تاریخ 1:‏70–73

بعد میں، دُوسرے فرشتے آئے۔ یِسُوع کے تین رسُولوں—پطرس، یعقُوب، اور یُوحنّا—نے جوزف اور اولیور کو ملکِ صدق کی کہانت عَطا کی۔ اب جوزف اور اولیور رُوحُ اُلقدس کی نعمت دے سکتے تھے۔ جوزف اور اولیور بھی رَسُول بن گئے۔ وہ کلِیسیا کی راہ نُمائی اور یِسُوع مسِیح کے خاص گواہ بن سکتے تھے۔

عقائد اور عہُود 27:‏12؛ مُقدّسین، 1‏:84