1

E Ka Bibi na Vuli

Taro me Veitalanoataki

1. Raici ira mada na vei itaba oqo. Na cava o raica kina?

2. Era vuli vata tiko vakacava na matavuvale?

3. Na cava na vuna e bibi kina na vuli?”

era vuli vata tiko na matavuvale

era vuli na budra kei na makubudra ena tebeleti

Vulica

era vakavulici ira na gonelalai o ira na itubutubu.

Sa tiki ni ituvatuva ni Kalou na vuli-ka. E cavuti ena ivolanikalou, “Dou vakasaqara mai na ivola vinaka na vosa ni yalomatua; dou vakasaqara na kila ka, io ena vuli kei na vakabauta” (Vunau kei na Veiyalayalati 88:118). Ni da vuli-ka ka tubu, eda na vulica eso tale na ka me baleta na ituvatuva ni Kalou me baleti keda.

O Jisu Karisito e ivakaraitaki cecere ni dua na dauvuli. E vakavulica vei keda na ivolanikalou ni o Jisu “sa tubu cake ena vuku” (Luke 2:52). Ena vakalougatataki iko na Tamada Vakalomalagi ka vukei iko mo vuli-ka. Ena vakalougatataki ira na luvemu o Koya ena nodra vulica ka muria na ivakaraitaki i Jisu.

E vakavuvulitaka o Peresitedi Gordon B. Hinckley ni “vuli sa idola ni kena dolavi na katuba ni madigi” (“Me Savasava Tikoga na Nomu Vakanananu,” Liaona, Me 2007, 116). Sa kena ibalebale oqo ni vuli-ka e rawa ni vukei iko kei ira na luvemu me ra vulica na kila matau vovou. E rawa ni vukei iko mo vakavulici ira na tani ka qarava na nomu matavuvale.

Vakasamataka ka Masulaka

Vakasamataka ka masulaka na veika o sa vulica. Vola na vakanananu cava ga e tiko vei iko se na vakasama eso e vu mai vua na Yalo Tabu. Na cava o nanuma ni na vinakata na Turaga mo na cakava?

iTaviqaravi

Raica na vei itaba era toka e ra. Vakasamataka ka veivosakitaka na veika era cakava tiko na tamata ena vei taba yadua. Na cava na nomu nanuma ni na vukei ira vakacava na tamata ena vei itaba oqo na vuli kei na vuli-ka?

na marama e tali draunikau madu

e dua na turaga e vuli tiko ena monalivaliva

e dua na marama e wili pepa tiko

e tauri vakarau tiko e dua na marama

taravale na turaga

e dua turaga kei na gone

e dua na marama e vakayagataka tiko na rejisita ni lavo

Veitalanoa kei Na Nomu Matavuvale

Veitalanoataka kei na nomu matavuvale na veika o sa vulica. Veivosakitaka na vei taro ka toka e ra. Kerea na lewe ni nomu matavuvale mera wasea na nodra vakasama ka veirogorogoci.

• Ena vukei iko vakacava e koronivuli na nomu muria na ivakaraitaki nei Jisu?

• Ena vukea vakacava na nomu bula na vuli-ka?

• Na cava eda rawa ni cakava me da veivukei kina vakamatavuvale me da vuli-ka ka tubu?

goneyalewa rokataka tiko na iyaloyalo kei na nona matavuvale