4

Lalawataka na Takete mo Vukei Ira Kina na Luvemu mera Rawa-ka Vinaka

Taro me Veitalanoataki

1. Raici ira mada na vei itaba oqo. Na cava o raica kina?

2. Na cava e bibi kina na kena tiko na takete?

3. Na cava o vakila ni o rawata e dua na takete?

e volavola tiko e dua na goneyalewa

e taubale tiko o tina kei luvena goneyalewa

Vulica

Kevaka o via walia e dua na leqa se cakava e dua na ka, ena gadreva mo vakatulewataka na sala mo qarava kina. Oqo e vakatokai na lalawataki ni takete. Na nodra vukei na luvemu mera vulica mera cakava na takete ena vukei ira me ra rawa-ka.

O iko kei ira na luvemu e rawa ni dou biuta vata e dua na takete ena va na ikalawa rawarawa:

1. Vakasamataka

2. iTuvatuva

3. Cakava

4. Vakaraica Lesu

Raica na ivakaraitaki e ra mo kunea kina na sala eso e rawa ni na vukei iko kei iratou na luvemu ena lalawataki ni takete.

1. Vakasamataka

   Na cava o na gadreva me vakavinakataki se veisautaki?

   Na luvequ yalewa e dau dredre vua na vulica na vei ka vaka fika. A kerei au me‘u vukei koya, ia au sega ni vinaka ena vei ka vaka fika.

2. iTuvatuva:

   Na ikalawa cava soti o gadreva mo vakayacora?

   Au na veitalanoa kei nona qasenivuli kei ira na itubutubu tale eso me baleta na sala eso me vukei kina na luvequ yalewa ena vei ka vaka fika.

3. Cakava:

   Na ikuri ni veivuke vakacava o na gadreva?

   Au masuta na veituberi. Au vakila ni dodonu me‘u veitalanoa kei na dua na lewenilotu ena noqu tabanalevu ka qasenivuli. A kaya ni na vakavulica na luvequ yalewa. Keirau a vakarautaka e dua na gauna me rau sota kina ena vei macawa.

4. Vakaraica lesu

   Na cava o sa vulica? O gadreva beka mo cakava e dua na lalawa vou se tomana tikoga na lalawa oqo?

   Au gadreva me‘u raica ena veisiga kei luvequ yalewa na sala e cakava tiko kina na nona lesoni ni vulici ni fika ka railesuva na vei ka e vakavola.

Vakasamataka ka Masulaka

Lesuva na veika o sa vulica. Vola na vakanananu cava ga e tiko vei iko se na vakasama eso e vu mai vua na Yalo Tabu. Na cava o nanuma ni na vinakata na Turaga mo na vulica? O na vakarautaka vakacava e dua na ivakaraitaki vei ira na luvemu ena nomu cakava ka vakacavara na takete?

iTaviqaravi

Vakasamataka e dua na ka o via vakavinakataka se veisautaka. Vakayagataka na imatai ni rua na ikalawa mo lalawataka e dua na takete.

Ni o sa cakava oti na nomu ituvatuva, lesu tale mai ki na itaviqaravi oqo ka vakacavara na rua na ikalawa e tarava:

1. Vakasamataka

   Na cava o gadreva mo vakavinakataka se veisautaka?

2. iTuvatuva:

   O na vakavinakataka se cakava vakacava na veisau? Na ikalawa cava soti o gadreva mo na vakayacora?

3. Cakava:

   Sa vukei iko vakacava na nomu vakabauti Jisu Karisito mo rawata kina na nomu takete? Na ikuri ni veivuke vakacava o na gadreva?

4. Vakasamataka lesu

   Na cava o sa vulica? O gadreva beka mo lalawataka e dua na takete vou se mo tomana tikoga na takete oqo?

Veitalanoa kei na Nomu Matavuvale

Veitalanoataka kei na nomu matavuvale na veika o sa vulica. Kerea na lewe ni nomu matavuvale mera wasea na nodra vakasama ka mera veirogoci.

• Vukei ira na luvemu mera lalawataka e dua na takete. Masu vata mera kila na ka mera na vakayacora.

• Vola na takete ni gone yadua e ra. Veivosakitaka na sala o na vukei ira yadua kina na gone mera rawata na nodra takete.

e rau vosa tiko na itubutubu vei goneyalewa