3

Eda Sa Luve ni Kalou.

Taro me Veitalanoataki

1. Raici ira mada na vei itaba oqo. Na cava o raica kina?

2. Na cava o rawa ni cakava mo vukei ira kina na luvemu mera kila ni ra sa luve ni Kalou?

3. Ena vukea vakacava na nodra rawa-ka e koronivuli ni ra kila ni ra luve ni Kalou?

vakavulica tiko na luvena o tina

vakavulica tiko na luvena tagane o tama

Vulica

Vakavulica vei ira na luvemuni ni da sa luve ni Kalou. E rawa ni da yaco kece me da vakataki Koya ni da vuli-ka ka tubu. Vukei ira na luvemu me ra kila vakavinaka ni rawa ni ra rawa-ka e koronivuli baleta ni ra luve ni Kalou. Na vei vakasama ka toka e ra ena vukei ira na luvemu me ra rawa-ka vinaka e koronivuli:

Vakanamata Matua ena Vuli

Vukei ira na luvemu me ra lako ki koronivuli ka tiko e kea ena kena gauna. E dodonu me ra saga me ra lako ki koronivuli ena veisiga ka vakavakarau ki na veitarogi bibi.

Sasagataka Ena Nomu Igu

Vakavulici ira na luvemu me ra tovolea ena kena vinaka duadua ka me ra kakua ni soro ni sa dredre na veika eso.

Mo Talairawarawa

Vakavulici ira na luvemu mera talairawarawa ki na ivunau, nodra itubutubu, kei na lawa ni koronivuli. Era na vakalougatataki baleta ni ra sa talairawarawa.

Kerea na Veivuke.

Vakavulici ira na luvemu mera kere veivuke ka vuli mai vei ira na tani. Masu vata kei ira ni ra sega ni kila na sala me ra cakava kina e dua na ka.

Veitalanoa Kaya

Veitalanoa kei ira na luvemu, ka me ra kila ni ra na rawa ni ra lako mai vei iko ke ra vinakata na veivuke. Tarogi ira na veika e dredre tiko vei ira. Cakacaka vata me wali na vei leqa eso.

Vakabauti Iko Vakataki Iko

Vukei ira na luvemu me ra vakabauti ira vakataki ira ka vakasamataka na vakanananu vinaka. Ni ra vakasamataka na gone na veika vinaka me baleti ira, era na vakila ni ra na rawa-ka.

Vakasamataka ka Masulaka

Vakasamataka na veika o sa vulica. Vola na vakanananu cava ga e tiko vei iko se na vakasama eso e vu mai vua na Yalo Tabu. Na cava o nanuma ni na vinakata na Turaga mo na vakayacora? Na cava o rawa ni cakava mo vukei ira kina na luvemu me ra rawa-ka vinaka e koronivuli?

iTaviqaravi

Eda sa luve ni Kalou, ka sa lomani keda o Koya. E lomani iko kei na nomuni matavuvale. Vakasamataka na sala e raici ira kina na lewe ni nomu matavuvale yadua na Kalou. Ena lomanibai ka soli toka e ra, vola e vica na malanivosa se droinitaka na iyaloyalo me vakaraitaka e dua se rua na ka vinaka me baleta na tamata yadua ena nomu matavuvale. Wasea na vei ka oqo ki na nomu matavuvale;

iVakaraitaki

Kofi:

ivakatakilakila ni masu ni liga

E dau yalovinaka o Priscilla.

E dau marau o Fehi.

O Sione e dua na daucakacaka vakaukauwa.

Droinitaka eso na nomu iyaloyalo ka vola na nomu malanivosa ena vanua lala e ra:

Veitalanoa kei na Nomu Matavuvale

Veitalanoataka kei na nomu matavuvale na veika o sa vulica. Veivosakitaka na vei taro ka toka e ra. Kerea na lewe ni nomu matavuvale mera wasea na nodra vakasama ka mera veirogorogoci.

• Ena vukei keda vakacava ena noda bula ni da kila ni Kalou e raici ira ka lomani ira na Luvena?

• Ena vukei iko vakacava ena nomu rawa-ka e koronivuli ni o kila ni ko sa luve ni Kalou?

wilivola tiko vua na gone e dua na itubutubu