2

Vukei Ira na Luvemu me ra Vuli-ka

Taro me Veitalanoataki

1. Raici ira mada na itaba oqo. Na cava o raica kina?

2. Era vakavulici ira tiko vakacava na luvedra o ira na tina ena vei taba oqo?

3. Na cava e dua na ka o cakava mo vakavulici ira kina na luvemu?

o tina e vakavulici gone me taba piano

o tina e vakavulici luvena yalewa ena veicakacaka maqosa ni valenikuro

Vuli-ka

Era dau kauwaitaki ira na luvedra na itubutubu ena vuqa sara na sala. O sa vakalougatataki ira na luvemu ena veisiga ena nomu vukei ira me ra vuli-ka. Ni ra vuli-ka na gone, era dau yalo vinaka me baleti ira vakataki ira ka ra gadreva me ra vuli-ka vakalevu cake.

Eso tale na tamata e rawa ni ra vukei ira na luvemu me ra vuli-ka, ia o ira na itubutubu era qasenivuli taumada ka vinaka duadua. Sa rawa ni o vukei ira na luvemu me ra kila ni ra na vakataka cake na Tamada Vakalomalagi kei na Luvena, o Jisu Karisito, ni ra vuli-ka.

Era dau raica matua na luvemu na vei ka o vakayacora. Ni ra raica ni o solia na gauna mo vuli-ka kina, era na kila ni sa ka bibi na vuli. E vuqa tu na sala e rawa ni o vakuria kina na nomu vuli-ka:

lobi sulu sava o tina kei gone

• Vulica na ivolanikalou.

• Wilika na vei ivola eso.

• Veitalanoataka kei ira na tamata na itukutuku ni vei ka e yaco tiko vakavolivoliti iko kei na vuravura.

• Mo vuli-ka vakalevu cake ka mo cakava vakavinaka kina na nomu cakacaka.

• Vuli-ka vakalevu cake ka mo rawa pepa mai kina ena kena koronivuli.

• Vulica eso na kila vakacakacaka vou.

Vakasamataka ka Masulaka

Vakasamataka na veika o sa vulica oti. Vola na vakanananu cava ga e tiko vei iko se na vakasama eso e vu mai vua na Yalo Tabu. Na cava o nanuma ni na vinakata na Turaga mo na vakayacora? O na ivakaraitaki vakacava vei ira na luvemu ena nomu tomana tiko na nomu vuli-ka?

iTaviqaravi

O na vukei ira vakacava na lewe ni nomu matavuvale me ra vuli-ka? Tarogi ira na lewe ni nomu matavuvale ena veika era vinakata mera vulica kei na sala o na rawa ni vukei ira kina. Vola e ra na nodra isaunitaro.

Lewe ni Matavuvale	Na Cava era Gadreva me ra Kila?	E Rawa Vakacava ni o na Vukei Ira?
Lewe ni Matavuvale iVakaraitaki Derek (cauravou)	Na Cava era Gadreva me ra Kila? -Pasitaka na veitarogi me rawa ni toso ki na koronivuli torocake -Vulica vakavinaka cake na Vosa Vakavalagi	E Rawa Vakacava ni o na Vukei Ira? -Kila matua na tikinisiga ni veitarogi -Railesuva na vei ka ni vuli e vale -Vosa Vakavalagi ena neitou itikotiko

Veitalanoa kei na Nomu Matavuvale

Veitalanoataka kei na nomu matavuvale na veika o sa vulica. Veitalanoataka na vei taro ka toka e ra. Kerea na lewe ni nomu matavuvale mera wasea na nodra vakasama ka mera veirogorogoci.

• Ena vukei keda vakacava na vuli-ka me da vakataka cake kina na Tamada Vakalomalagi?

• Eda na vukei ira vakacava na lewe ni matavuvale taucoko me ra vuli-ka ka tomana na nodra vuli?

e vakavulici ira na gone ko tama