8

Vukei Ira na Gone ena Nodra Vuli Lesoni e Vale

Taro me Veitalanoataki

1. “Raici ira mada na vei itaba oqo. Na cava o raica kina?

2. O na vukei ira vakacava na luvemu ena nodra vuli lesoni e vale?

3. O cei e rawa ni veivuke ena nodra lesoni ni vuli na luvemu kevaka e sa rui dredre vei iko mo veivuke?

buli yaya ni vakatatalo o tina kei luvena tagane

volavola tiko o tama kei nona cauravou

Vulica

Ena so na gauna na ka era vulica na luvemu e koronivuli e dredre sara vei iko mo kila vinaka ka veivuke kina. E sega ni dua na ka kevaka o sega ni kila na veika kece. E levu sara na ka o sa rawa tikoga ni vukei ira kina na luvemu e koronivuli.

Cakacaka ni Vuli

vuli tiko o bubu kei makubuna yalewa

Vakavulici ira na luvemu mera vuli lesoni ena veisiga. Kevaka e tiko na lesoni ni vuli nodra na luvemu e dodonu mera vakacavara e vale, vukei ira ena kena cakacakataki. E rawa ni o vukei ira na luvemu mera cakava e dua na ituvatuva me vakacavari kina na lesoni ni vuli ena kena gauna. E rawa ni veivuke kevaka e soli vei ira na gone e dua na gauna ni vakanomodi kei na vanua mera vuli kina e vale. E rawa ni o vukei ira na luvemu mera taroga e dua na qasenivuli, itokani, se dua tale na uabula me veivuke kevaka sa rui dredre na nodra lesoni ni vuli.

Veitarogi

wilivola tiko e dua na gone

Tarogi ira na luvemu kevaka era kila na veika era sa vulica tiko. Tarogi ira na cava era gadreva mera kila me baleta na veitarogi. Kevaka era gadreva na veivuke, e rawa ni o veitalanoa kei ira na nodra qasenivuli se mera kere veivuke vei ira na nodra qasenivuli.

E rawa ni o vukei ira na luvemu mera vuli lesoni ni vakavakarau ki na veitarogi ena nodra sauma na taro ni veitarogi sa oti. E rawa talega ni o masulaka vata na veivuke. Tovolea mo vakani ka vagunuvi ira ni bera nira veitarogi me rawa nira vakasama vinaka ka sega ni via kana. Tukuna vei ira na luvemu ni o vakabauti ira ka ni o lomani ira kevaka sara mada ga era sega ni na maka vinaka ena nodra veitarogi.

Vakasamataka ka Masulaka

Vakasamataka na veika o sa vulica. Vola na nomu vakanananu se na vakasama eso e vu mai vua na Yalo Tabu. O na vukei ira vakacava na luvemu mera vuli lesoni ka vakavakarau ki na veitarogi?

iTaviqaravi

Raica na lisi ka koto e ra. Toqa e dua na maka ni jeke (✓) ena kato e toka tikiva na veika o na via cakava vata kei ira na luvemu.

ivakatakilakila ni vuvale

Vuli Lesoni e Vale

• Tarogi ira na luvemu na cava era sa vulica tiko.

• Veivuke ena nodra vuli lesoni na luvemu.

• Tovolea mo kunea e dua na gauna kei na vanua mera vuli lesoni kina na luvemuni.

• Tarogi ira na luvemu ena gauna e dodonu me soli kina vei ira na nodra qasenivuli na nodra cakacaka ni vuli.

• Kevaka era gadreva na veivuke, mera kere veivuke na luvemu vua e dua na itokani se dua na qasenivuli.

• Masulaka mo kila na sala mo vukei ira kina na luvemu.

ivakatakilakila ni vakatovotovo

Vakavakarau ni Veitarogi

• Tarogi ira na luvemu kevaka era kila na veika era sa vulica tiko.

• Tarogi ira na luvemu na cava era gadreva mera kila me baleta na nodra veitarogi.

• Mera vulica na luvemu na taro ni veitarogi sa oti.

• Solia vei ira na luvemu na kakana kei na wai ni bera nira veitarogi.

• Tukuna vei ira na luvemu ni o lomani ira kevaka era na sega ni maka vinaka ena nodra veitarogi.

Veitalanoa kei na Nomu Matavuvale

Veitalanoataka kei na nomu matavuvale na veika o sa vulica. Veivosakitaka na vei taro ka toka e ra. Kerea na lewe ni nomu matavuvale mera wasea na nodra vakasama ka mera veirogoci.

• Eda na vukei ira vakacava na lewe ni matavuvale ena nodra vuli lesoni?

• Na cava eda rawa ni cakava meda vukei ira kina na lewe ni matavuvale mera vakavakarau ki na nodra veitarogi?

• E vei na vanua e rawa ni ra vuli lesoni kina na lewe ni matavuvale e vale?

era vuli lesoni tiko na gone