9

Mo Tiki ni Nodra Vuli na Luvemu

Taro mera Veitalanoataki

1. Raici ira mada na itaba oqo. Na cava o raica kina?

2. E rawa vakacava mo tiki ni nodra vuli na luvemu?

3. Era na tarogi ira vakacava na nodra qasenivuli o ira na luvemu kevaka era sega ni taura matata na lesoni?

e veivakavulici tiko o qasenivuli ki na kalasi ni gonelalai

na tina e wilivola tiko kei na luvena

Vuli-ka

E rawa ni o veitalanoa kei ira na luvemu, cakacaka vata kei ira, qito vata kei ira, wilivola vata kei ira, ka vakarorogo vei ira. Oqo ena vukei ira na luvemu mera vakila ni ra lomani. E rawa talega ni o tarogi vei ira na veika e ra sa vulica tiko e koronivuli. Tarogi ira se cava e rawarawa vei ira. Tarogi ira se cava e dredre. Taroga vei ira na nodra nanuma me baleti ira na nodra qasenivuli. Kevaka o nanuma ni na vukei ira na luvemu, kerei ira na nodra qasenivuli kevaka o rawa ni veitalanoa kei ira.

Era dau taleitaka na qasenivuli ni ra veitalanoa kaya kei ira na itubutubu ka me ra tarogi ena sala e rawa ni ra vukei ira kina na luvedra mera caka vinaka e koronivuli.

Ni bera ni o sota kei ira na qasenivuli, vola na taro eso o na via tarogi ira kina. Oqo eso na ka e rawa ni o vakayacora:

1. Vakavinavinakataki ira na qasenivuli ena nodra veivakavulici vei ira na luvemu.

2. Tarogi ira na qasenivuli se e vakaevei tiko na na nodra vakaitavi na luvemu ena nodra kalasi.

3. Tarogi ira na qasenivuli ena sala o na rawa ni vukei ira kina na luvemu mera na caka vinaka cake e koronivuli.

4. Tarogi ira na qasenivuli kevaka e tiko eso na tikinisiga bibi mo kila.

Kevaka o sega ni rawa ni sotavi ira na qasenivuli, sa rawa ni o veitaratara kei ira ena dua vei ira na sala oqo:

gone volavola tiko ena papaloaloa

• Vakauta ena tex e dua na itukutuku.

• Vakauta e dua na imeli

• Veitalanoa ena talevoni.

• Vola e dua na ivola.

Era lewe vuqa era vukei ira na luvemu ena vuli ena veisiga. Vakasamataki ira tale eso o na rawa ni veitalanoa kaya me baleta na nodra vuli na luvemu.

Vakasamataka ka Masulaka

Vakasamataka na veika o sa vulica. Vola na nomu vakanananu se na vakasama eso e vu mai vua na Yalo Tabu. Ena vukei ira vakacava na luvemu na nomu veitalanoataka kei na so tale me baleta na nodra vuli ka me na vinaka cake kina na nodra kila-ka?

iTaviqaravi

Vola e tolu na ka o na via taroga se veitalanoataka kei na nodra qasenivuli na luvemu se eso tale era veivuke ena nodra vuli.

Veitalanoa kei na Matavuvale

Veitalanoataka kei na nomu matavuvale na veika o sa vulica. Veitalanoataka na taro eso oqo. Kerea na lewe ni matavuvale mera wasea na nodra vakasama ka mera veirogoci.

• O cei so ena noda bula e vukei keda meda vuli-ka?

• Era veivuke vakacava na tani vei ira na lewe ni matavuvale yadua e koronivuli?

bubu e vukea tiko na gone me vuli lesoni