Ni sa Kidavaki Mai

Na idusidusi ni itubutubu oqo ena vukei iko mo vulica na sala mo vukei ira kina na luvemu ena nodra vuli e koronivuli kei na itikotiko e vale.

Era vuli na gone mai vei ira na itubutubu kei na qasenivuli. Era vuli-ka talega ena cakacaka, qito, kei na taro era taroga. E sa ka bibi na matavuvale ka veivukei vei ira na gone me ra vuli. Ni ra tokoni na gonelalai mai na matavuvale ena vuli, era na vakila na gone na marau ka ra na yalo vinaka me baleti ira. Era na vinakata talega me ra vulica e vuqa tale na ka.

Veitalanoataka kei na nomu matavuvale na veika o vulica ni o wilika na idusidusi oqo. Masuta na veivuke mai vua na Tamada Vakalomalagi. Kevaka mada ga e sega ni levu na nomu vuli, e rawa ni o vukei ira tikoga na luvemu me ra vuli-ka. Ena vukei iko kei ira na luvemu na Turaga mo dou vuli-ka vata ni dou cakacaka, qito, veitalanoa vakai kemudou, kei na wiliwili.

Na iVakavakayagataki ni Dusidusi Oqo

E rawa ni ra vulica vata na itubutubu na idusidusi oqo, vata kei ira na luvedra, se vata kei ira na itubutubu tale eso. Sa rawa vei ira na iliuliu ni Lotu mera sureti ira na itubutubu me ra sota ka veitalanoataka na iulutaga ena idusidusi oqo. O ira na turaga kei na marama dauveiqaravi e rawa talega ni ra veitalanoataka na iulutaga e tiko ena idusidusi oqo vata kei ira na matavuvale era veiqaravi kaya.

veitalanoa tiko o rau na veiwatini

Na Sala me Vulica Kina na iUlutaga Yadua

Vakamuria na veikalawa oqo ni o vulica na iulutaga yadua ena idusidusi oqo:

1. Sureta eso tale me ra vulica vata kei iko, se vulica duadua na iulutaga.

2. Vakasamataka ka veitalanoataka na taro eso.

3. Wilika ka vakayacora na itaviqaravi.

4. Vakasamataka ka masulaka na veika o sa vulica.

5. Veitalanoataka na veika o sa vulica kei na nomu matavuvale.