5

Vuli-ka Vata e Vale

Taro me Veitalanoataki

1. Raici ira mada na vei taba oqo. Na cava o raica kina?

2. Era vuli vakacava na gone ena cakacaka kei na qito vata?

3. Na cava o dau cakava vei ira na luvemu me ikuri ni veika era vulica mai koronivuli?

era vuli vata tiko na matavuvale

era qito vata tiko na matavuvale

Vulica

Na matavuvale e rawa ni cakava na itikotiko me vanua ena rawa ni vukei ira kina na Yalo Tabu mera vuli-ka. E rawa mera veitalanoataki Jisu Karisito ka tovolea mera vakataki Koya vakalevu cake. E rawa ni o vakayacora e vuqa na ka mo sureta kina na Yalo Tabu ki na nomu vale ka vakaqaqacotaka na nomu matavuvale. E rawa ni o masu ka wilika vakamatavuvale na ivolanikalou ena veisiga, bulataka na kosipeli, ka qaravi ira na tani.

Ni sa tiko e loma ni nomu vale na Yalo Tabu, era na veimaliwai ena veilomani kei na loloma na nomu matavuvale. Ni ra vakila na luvemu ni ra sa lomani, era na vakila na veitokoni era gadreva mera qaqa kina.

era qito tiko na gone

Na veika oqo ena vukea na nomuni vale me vanua ni loloma kei na vuli-ka:

• Mo dauvosota.

• Tovolea mo kakua ni dau cudru.

• Solia na gauna mo dou tiko vata.

• Dau marautaka na ka.

• Vakarorogo vakavinaka.

• Vakacaucautaki ira na luvemu ni ra saga mera vuli-ka.

• Vakayagataka na vosa vinaka.

Vakasamataka ka Masulaka

Vakasamataka na veika o sa vulica. Vola na nomu vakanananu se na vakasama eso e vu mai vua na Yalo Tabu. Na cava o nanuma ni vinakata na Turaga mo na cakava? Na cava soti o rawa ni cakava se mo vakaraitaka kina na nomu loloma ena nomu vuvale?

iTaviqaravi

Vakasamataka na veika ena vukea na nomu vuvale me vakasinaiti ena loloma. Vola e rua se tolu na vakasama ni veika eda raica, rogoca, ka vakila kevaka e vakasinaiti na noda itikotiko ena loloma.

ivakatakilakila ni mata

Na cava o raica ni o rai wavokita na nomu itikotiko?

• iVakaraitaki: Era veivukei vakai ira na tamata.

ivakatakilakila ni daliga

Na cava o rogoca ni ra veiwasei taka tiko na lewe ni matavuvale?

• iVakaraitaki: Vosa ena yalovinaka.

ivakatakilakila ni uto

Na cava era vakila na lewe ni matavuvale ni ra tiko e vale?

• iVakaraitaki: Era vakila ni ra lomani.

Vukei ira na luvemu ena gauna e dredre kina vei ira na vei ka eso. Oqo e dua na ivakaraitaki ni sala o rawa ni vakaraitaka kina na loloma kevaka e lako curuma tiko na dredre na nomu goneyalewa:

A dabeca na nona veitarogi levu na nomu goneyalewa. A cakacaka vakaukauwa sara o koya. Ia e a sega ni vinaka na maka ka rawata ka yalo rarawa kina o koya. E sa na dabeca tale kina o koya na veitarogi oqo ena ono na vula mai muri. Mo na sauma tale na isau vakailavo ni veitarogi.

E sega ni ka rawarawa oqo. Drau rarawa ruarua kei luvemu yalewa. Oqo eso na ka o rawa ni tukuna vua mo vakaraitaka kina na nomu loloma:

• Au lomani iko. Au kila ni o a cakacaka vakaukauwa sara. Au na tiko qo me baleti iko.

• Au rarawa ni o a sega ni rawata e dua na maka levu ena veitarogi. Au kila ni mositi iko sara oqo. Na cava me‘u cakava me‘u vukei iko kina?

Veitalanoa kei na Nomu Matavuvale

Veitalanoataka kei na nomu matavuvale na veika o sa vulica. Veivosakitaka na vei taro e sa toka e ra. Kerea na lewe ni matavuvale mera wasea na nodra vakasama ka mera veirogoci.

• Na cava eda rawa ni cakava vakamatavuvale me rawa ni tiko vakawasoma kina na Yalo Tabu ena noda vale?

• E rawa vakacava ni da vakaraitaka na loloma kei na veidokai?

• Ena vukei keda vakacava ena noda vuli-ka ni tiko na loloma ena noda itikotiko?

yayani tiko o tina kei nona cauravou