« ៥. ទទួលយកការអនុមតិនៃផែនការមេ » សេចក្ដីណែនាំអំពីការដាក់ផែនការមេសម្រាប់សាលាប្រជុំ ( ឆ្នាំ ២០២២ )

« ទទួលយកការអនុមតិនៃផែនការមេ » សេចក្ដីណែនាំអំពីការដាក់ផែនការមេសម្រាប់សាលាប្រជុំ

៥.

ទទួលយកការអនុមតិនៃផែនការមេ

ពួកចិតសិបនាក់ប្រចាំតំបន់ ប្រធានស្ដេក និង ន.ក.អ. ព្រមទាំងបុគ្គលិករបស់ពួកលោកធ្វើការជាមួយគ្នាដើម្បីបញ្ចប់ផែនការមេ ។ ផែនការមេដែលសម្រេចចុងក្រោយរួមមានធាតុសំខាន់ចំនួនពីរ ( ដូចបង្ហាញក្នុងរូបភាពទី ២ ) ៖

ការផ្លាស់ប្តូរព្រំប្រទល់អង្គភាពដែលបានដាក់ស្នើដោយអ្នកដឹកនាំបព្វជិតភាព ប្រសិនបើមាន
អនុសាសន៍អំពីសាលាប្រជុំ ប្រសិនបើមាន

ន.ក.អ. និងបុគ្គលិករបស់លោក ធ្វើបទបង្ហាញអំពីផែនការមេដែលបានសម្រេចចុងក្រោយ រួមបញ្ចូលទាំងឯកសារគាំទ្រ រួចចែកចាយបទបង្ហាញនោះជាមួយសមាជិកក្នុងក្រុមប្រឹក្សាសម្របសម្រួល ឬគណៈកម្មការពហុស្តេក ។

ផែនការដែលបានសម្រេចចុងក្រោយរួមបញ្ចូលទាំងសំណើផ្លាស់ប្ដូរយ៉ាងហោចណាស់សម្រាប់រយៈពេលប្រាំឆ្នាំ និងគួរតែបានចារគាំទ្រដោយថ្នាក់ដឹកនាំបព្វជិតភាព ។

ផែនការមេសម្រាប់សាលាប្រជុំគួរតែត្រូវបានអនុម័តរួមគ្នាដោយគណៈប្រធានតំបន់ ឬនាយកដ្ឋានអគារសាលាប្រជុំ ។
នៅពេលណាដែលអាចធ្វើបាន ន.ក.អ. និងពួកចិតនាក់ប្រចាំតំបន់ធ្វើបទបង្ហាញអំពីផែនការមេដល់គណៈប្រធានតំបន់សម្រាប់ការអនុមតិរបស់ពួកលោក ។ ប្រសិនបើមានការកែតម្រូវណាចាំបាច់នៅក្នុងផែនការរបស់ពួកបព្វជិតភាព នោះពួកចិតសិបនាក់ប្រចាំតំបន់ធ្វើការជាមួយប្រធានស្តេក និងបុគ្គលិក ន.ក.អ. ។
នៅពេលបានការអនុមតិពីគណៈប្រធានតំបន់ នោះ ន.ក.អ. ដាក់បញ្ជូនផែនការមេទៅកាន់នាយកដ្ឋានអគារសាលាប្រជុំនៅទីស្នាក់ការកណ្តាលសាសនាចក្រ សម្រាប់ការពិនិត្យមើល និងការអនុមតិរួមគ្នា ។
បន្ទាប់ពីទទួលបានការអនុមតិរួច ប្រធានស្តេក និងក្រុម ន.ក.អ. អនុវត្តផែនការនោះស្របតាមកាលវិភាគប្រាំឆ្នាំ ។

គំរូផែនការមេ

រូបភាពសេចក្តីសង្ខេបផែនការមេ — ជាទូទៅផែនទីនៃអង្គភាពនានាដែលកំពុងត្រូវបានធ្វើផែនការមេមានអមជាមួយនឹងសេចក្តីសង្ខេបនេះ ។