« ៨. ធ្វើបច្ចុប្បន្នភាពលើផែនការមេ » សេចក្ដីណែនាំអំពីការដាក់ផែនការមេសម្រាប់សាលាប្រជុំ ( ឆ្នាំ ២០២២ )
« ធ្វើបច្ចុប្បន្នភាពលើផែនការមេ » សេចក្ដីណែនាំអំពីការដាក់ផែនការមេសម្រាប់សាលាប្រជុំ
៨.
ធ្វើបច្ចុប្បន្នភាពលើផែនការមេ
ន.ក.អ និងបុគ្គលិករបស់លោក ធ្វើការជាមួយគណៈប្រធានតំបន់ដើម្បីរក្សាឲ្យបាននូវផែនការយ៉ាងតិចណាស់សម្រាប់រយៈពេលប្រាំឆ្នាំ ។ ពួកចិតសិបនាក់ប្រចាំតំបន់អាចទាក់ទងទៅប្រធានស្តេកសារជាថ្មីដើម្បីធ្វើបច្ចុប្បន្នភាពលើផែនការ បើមានថ្នាក់ដឹកនាំបព្វជិតភាព ឬព័ត៌មានណែនាំណាមានការផ្លាស់ប្ដូរសំខាន់ទៅលើការប៉ាន់ស្មាន ការកែប្រែអង្គភាព ឬគម្រោងសាលាប្រជុំនោះ ។
ដោយពេលវេលាបានកន្លងទៅ ចាំបាច់ត្រូវផ្លាស់ប្តូរផែនការមេជាថ្មី ។ រៀងរាល់បីទៅបួនឆ្នាំម្តង ( ឬញឹកញាប់ជាងនេះបើចាំបាច់ ) នៅក្រោមការដឹកនាំរបស់គណៈប្រធានតំបន់ ពួកចិតសិបនាក់ប្រចាំតំបន់គួរតែធ្វើការជាមួយប្រធានស្តេក និង ន.ក.អ. និងបុគ្គលិករបស់លោកដើម្បីធ្វើបច្ចុប្បន្នភាពលើផែនការនោះ ។ នេះជាឱកាសដ៏ល្អដើម្បីវាយតម្លៃកិច្ចខិតខំលើការអនុវត្ត និងឥទ្ធិពលនៃកិច្ចខិតខំទាំងនេះលើការចូលរួម បន្ទាប់មកធ្វើបច្ចុប្បន្នភាពលើការប៉ាន់ស្មាននានា ។