Dagiti Pagbatayan ti Ministering, Septiembre 2019

Kasano KASANO A MATULONGANNAKA (KEN TULONGANNAKANTO) TI ESPIRITU nga Agminister

Ti naituding nga aramiden ti priesthood nga agminister, a naited nga agpada kadagiti lallaki ken babbai, iramanna ti kalintegan nga umawat ti paltiing.

Dagiti Pagbatayan iti Ministering, Septiembre 2019

Dagiti Panangiladawan manipud iti Getty Images

Ti awag nga agminister ken agserbi ken uray pay ti panagayat a kas iti inaramid ti Mangisalakan ket mabalin a no dadduma kasla maysa a karit—nangruna no pakainaigan ti panangtulong kadagiti mabalin a saantayo unay nga am-ammo. Ti kaadda iti minilion a wagas nga agminister, pagsiddaawantayo no kasano a maammuantayo dagiti kasayaatan a wagas a pakatulongan kadagiti naidutok kadatayo nga aywanan.

Saantayo a koma a masdaaw iti napaut gapu ta ti napasnek a panangikagumaantayo ket mabalin a tarabayennatayo ti Espiritu Santo.

“Ti sagrado a naituding nga aramidem iti ministering ket mangted kenka ti nadiosan a kalintegan iti inspirasion,” kinuna ni Sister Bonnie H. Cordon, Sapasap a Presidente ti Young Women. “Mabalinmo a sapulen ti inspirasion nga addaan iti panagtalek.”¹

No ikagumaantayo nga agserbi a kas iti inaramid ti Mangisalakan, matarabaynatayo ti isu met laeng nga Espiritu a nangtarabay Kenkuana. Nangnangruna a pudno daytoy no agserbitayo kadagiti naituding nga aramiden, kas iti ministering, a naaramid babaen iti turay dagiti tulbek ti priesthood ti bishop. Adtoy ti innem a singasing para iti ministering babaen ti Espiritu.

Kasano a Magun-odko ti Espiritu No Agministeringak?

• Agkiddaw iti Pannarabay. Kayat ti Nailangitan nga Ama a makisaritatayo Kenkuana babaen iti panagkararag. Ti kararag saan laeng a mamalubos kadatayo a suminged Kenkuana, ngem patalgedanna pay met dagiti “bendision a sitatallugoden nga ited ti Dios ngem agpannuray daytoy iti kondision no intay kiddawen ida.”² “No agkararagtayo ket agkalikagum a maawatan dagiti pusoda,” kuna ni Sister Cordon, “Paneknekak nga iturongnatayo ti Nailangitan nga Ama ken kuyogennatayo ti Espirituna.”³

• Saan nga Aguray iti Parikna. Agbalin managsakbay. Nasken a “siaanep a makiraman” (Doktrina ken Katulagan 58:27), ket makitayo a maiwanwan ken mapadur-as dagiti panagkagumaanyo. “Maysa a napateg a wagas ti panagtultuloytayo iti panagserbi ken panagtrabahotayo tapno maikaritayo para iti paltiing,” kinuna ni Presidente Dallin H. Oaks, Umuna a Mammagbaga iti Umuna a Panguluen. “Iti panagadalko kadagiti nasantuan a kasuratan nakitak a ti kaaduan a paltiing para kadagiti annak ti Dios ket sumangbay no madamada a maitigtignay, saan a no nakatugaw laeng nga agur-uray iti Apo nga ibagana kadakuada ti umuna nga addang nga aramidenda.”⁴

Kasano a Mabigbigko dagiti Parikna nga Agminister?

• Aramaten ti Balakad ni Mormon. Nasken a saantayo nga agay-ayuyang a masikuran no ti maysa a napanunot ket maysa a parikna wenno saan. Saan a no adda kadatayo ti tulbek ni Mormon iti nalaka a pannakaammo: No adda ti kapanunotam nga agparikna kenka nga agaramid iti nasayaat ken mamati wenno mangtulong kadagiti dadduma a mamati ken ni Cristo, maammuam a daytoy ket naggapu iti Dios (kitaen iti Moroni 7:16).

• Saan a Madanagan maipapan iti Daytoy. “Tumapuak lattan iti paglangoyan ket aglangoy,” kinuna ni Elder Jeffrey R. Holland ti Korum dagiti Sangapulo-ket-dua nga Apostol. “Agturong kadagiti agkasapulan. Saanka nga siiintek nga agsidsiddaaw no aramidem ti backstroke wennno dog paddle. No surotentayo dagiti kangrunaan a pagbatayan a naisuron, a maitunos kadagiti tulbek ti priesthood, ken kalikaguman a manggun-od iti Espiritu Santo a mangtarabay kadatayo, saantayo a mapaay.”⁵

Ania ti Kasayaatan a Wagas a Mangsurot iti Parikna?

• Madagdagus. Ni Sister Susan Bednar (asawa ni Elder David A. Bednar ti Korum dagiti Sangapulo-ket-dua nga Apostol) ket maysa a naindaklan a pagwadan iti panangsurot kadagiti parikna. Kalpasan ti panagkararag “tapno makita ti naespirituan a mata dagidiay addaan iti panagkasapulan,” kitaenna ti aglawlaw iti kongregasion ket masansan a “mariknana ti naespirituan a sagid a sumarungkar wenno agtawag ti telepono iti maysa a naipangruna a tao,” imbinglay ni Elder Bednar. “Ket no makaawat ni Sister Bednar iti kasta nga impresion, sumungbat a dagus ken agtungpal. Masansan daytoy a kasasaad apaman a naibaga ti ‘amen’ iti pangserra a kararag, makisarita isuna iti maysa nga agtutubo wenno mangarakup ti maysa a kabsat a babai wenno, into no nakaawid, dagus nga alaenna ti telepono ket agtawag.”⁶

• Natured. Ti panagbuteng a mapagkedkedan, ken rikna a managbabain, addaan ti pagkurangan, saan a kinakumbiniente ket manglapped kadatayo iti panangsurot ti parikna nga agminister. Kadagiti nadumaduma kadagiti panawen a tiempo ken wagas, mariknatayo amin ti kinaaddaan ti pagkurangan, kinaawan ti di kasiguraduan o, nalabit a di pannakaikari ket saan a maikari,” kinuna ni Elder Gerrit W. Gong ti Korum dagiti Sangapulo-ket-dua nga Apostol. “Ngem dagiti napudno a panangikagumaantayo nga ayaten ti Dios ken agminister kadagiti kaarrubatayo, mabalin a mariknatayo ti ayat ti Dios ket ti kasapulantayo a pammaregta para kadakuada ken kadagiti biagtayo iti baro ken nasansantuan a wagas .”⁷

  Imbinglay ti maysa a kabsat a lalaki no kasano isuna a nagkedked a mangtulong iti asawa ti maysa a babai a nagpanggep nga agpakamatay. Ngem idi agangay inawisna ti asawana a lalaki a mangaldaw. “Idi imbagak, ‘Nagpanggep ti asawam nga agpakamatay. Mabalin a nadagsen para kenka dayta. Kayatmo a pagsaritaanta maipapan iti daytoy?’ uray la nakasangit isuna,” imbinglayna. “Naaddaankami iti napintas ken nasinged a panagsarsarita ken napadur-as ti nakaskasdaaw a sinninged ken panagtalek iti uneg ti sumagmamano laeng a minuto.”⁸

© 2019 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/18.Pannakaanamongna a maipatarus: 6/18. Panakaipatarus ti Ministering Principles, September 2019. Ilokano.15770 864

Dagiti Nagadawan

1. Bonnie H. Cordon, “Becoming a Shepherd,” Liahona, Nob. 2018, 76.

2. Pangiwanwan iti Nasantuan a Kasuratan, “Kararag.”

3. Bonnie H. Cordon, “Becoming a Shepherd,” 76

4. Dallin H. Oaks, “In His Own Time, in His Own Way,” Liahona, Ago 2013, 24.

5. Jeffrey R. Holland, “The Ministry of Reconciliation,,” Liahona, Nob. 2018, 77.

6. David A. Bednar, “Quick to Observe,” Liahona, Dis. 2006, 17.

7. Gerrit W. Gong, “Our Campfire of Faith,” Liahona, Nob. 2018, 42.

8. Kitaen ti Bonnie H. Cordon, “Becoming a Shepherd,” 76.

Ti Pagwadan ti Mangisalakan

Naisagana ti Mangisalakan para iti panagministrona. “Pinulotan ti Dios ni Jesus a taga-Nazaret iti Espiritu Santo,” ket kalpasanna ni Cristo ket “napan a nagar-aramid iti kinaimbag” (Dagiti Aramid 10:38). Isu ket “napno iti Espiritu Santo” ken kanayon nga “inturong ti Espiritu” (Lucas 4:1). Sigurado a napan ni Cristo a nagar-aramid iti naimbag sakbay a napulotan iti Espiritu Santo, ngem ti pannakaawat ti Espiritu Santo ket gapu iti kinaadda Kenkuana ti karbengan iti pammaregta ket maysa a napateg a paset iti panagministrona—a kas met maysa a napateg a pasettayo.

Awis nga Agtignay

Bayat ti inaldaw a panangministeringyo, sikakararag a manggun-od ken mangsungbat kadagiti parikna ti Espiritu Santo. Laglagipen a ti Nailangitan nga Ama ket bendisionannakayto ken dagiti tao a pagministeringanyo bayat ti panangaramidyo!