Nongonongen Iamwir, January 2019

Ewe Popun Auchean Epwe Ekesiwin Ach Iamwir

Pokitan a tepetep ewe popun ren iamwir, ach angang epwe seni ach mochen ach sipwe anisi ekkoch ar repwe en me mefi anononun ar etiwa ewe kapas me winiti usun ewe Chon Amanau.

Liahona, January 2019

Nupwen sia tongei ekkoch usun met ewe Chon Amanau a fori, sia mochen anisir usun chok met A fori. Usun ewe Chon Masen Siip mi murino, Ii ewe ososan nenien apiru mi murino a aweweochu usun iamwiri.

Non napanapen ach angangen iamwiri usun Ii, a fokkun auchea ach sipwe chechemeni pwe An angang ren tong, eki, anisi, me efeiochu a fen fisina popun mi tekia me esap chok ren ach awesana ewe angang. Pwe Ii mi fen sinei usun ar kewe osupwang ran-me –ran me a fen umoumoch ngeni ir non ar kewe riafou. Iwe A echikara, amongoni, omusano, me afanafana. Nge I mochenin epwe sapwena fori nap seni an epwe chok anganga tumunun kaakan ikenai (nengeni John 4:13-14). A mochenin ekkewe chon nonom unukun repwe tapweno mwirin (nengeniLuke 18:22; John 21:22), sinei Ii (nengeni John 10:14; Doctrine and Covenants 132:22-24), me angei ar manauen fefeita (nengeni Matthew 5:48). Usun chok ewe ennet ikenai (nengeni Doctrine and Covenants 67:13).

Mi chommong anen ach sipwe aninis ne efeiochu ekkoch, nge nesoponon ach we kokoten iamwir ach sipwe anisi ekkoch ar repwe sinei ewe Chon Amanau me winiti usun Ii, sipwe fokkun angang ngeni ewe fansoun nupwen sisapw chiwen afanafana chon oruch ar repwe sinei ewe Samon pwe kich meinisin sia sinei Ii (nengeni Jeremiah 31:34).

An ewe Chon Amanau Ekieki mi ekieki mwach kan esap chok ekkewe osupwangan ikenai.

• Ekkoch ra feino ekis towaweno ne uweiato chiechier we mi mwok ngeni Jises epwe echikara. Nesoponon ewe Chon Amanau a echikara ewe mwan, nge a wesen mochen an epwe omusano ii seni an kewe tipis (nengeni Luke 5:18-26).

• Nupwen ekkewe aramas ra uweato ren Jises ewe fiin nisou, Ese mochen epwe chok anisi manaun non pekin aion. Pwe A mochen epwe pwan anisi manauan non pekin ngun, a apasa ngeni “feino, nge kosapw chiwen fori tipis” (nengeni John 8:2-11).

• Mary me Martha ra ouwou ar kapas ngeni Jises tingorei an epwe feito echikara Chienan we, Lazarus. Jises, a pwan echikara ekkoch non ekkoch napanap, a ekis mang an epwe tour tori an Lazarus a fen mano. Jises mi sinei met ewe famini ra mochen, pwe epwe amanauwata Lazarus seni mano, A apochokuna ar kapasen pwarata ren An manaman (nengeni John 11:21-27).

Ikefan ekkoch nenien apiru kopwe apachata ngeni ekei mak?

Met Sia Tongeni Fori?

Ika ach popun me auchean sipwe anisi ekkoch ar repwe winiti usun ewe Chon Amanau, epwe siwini usun ach iamwir. Ikei ekkoch an ei wewe epwe tongeni emweni ach angang ngeni iamwir.

Ekiek 1: Angangen Fiti ren ewe Chon Amanu

Meinisin ach angang murino mi fokkun namot, nge sia tongeni kutta ekoch anen ach sipwe aninis ren ach sipwe fiti ewe Chon Amanau. Ren awewe, ika ewe famini ke iamwiri mi semwen, mongo epwe fokkun murino, nge om angang ren tong epwe napono ren om kapasen pwarata usun an ewe Chon Amanau tong ngenir, Om aninis ren nimeti nukun im repwe fokkun kinisou ren, nge epwe kon mwirino ika ka effeiochur ren ewe efeiochun pristut.

Elter Neil L. Andersen seni ewe MWichen Ekkewe Engon me Ruemon Aposel a aiti kich usun: “Emon aramas a fokkun netipoch a tongeni anisi emon ne fori taia a mok, uweiano chon non imwan ngeni tokter, mongo ngeni emon a netipengaw, ika emwenimen me kapong ngeni io ren repwe fori met repwe pwapwa ren.

Nge ewe chon tapwena mwirin ewe aewin anuk epwe pachengeni ekkei auchean mokutukutun angang.”¹

Ekiek 2: Ekiek won ewe Anen Pwon

Nupwen akaewin kapas ngeni memper ren ewe Presetenin Mwichefen, Preseten Rusell M. Nelson a apasa, “nomw won ewe anen pwon.” Fori me aponueta ekkewe pwon “epwe suki ekkewe anen feioch me tufich mi wor.”²

Ren Aramas mi Pin non Fansoun Soponon, sia paptais, epinipin, me angei ewe nifangen Ngun mi Fel. Mwan nimenimoch ra angei ewe pristut. Sia feino ngeni ewe tempel ren ach angei ach pwusin affeioch me ririfengen ren famini ese much. Ekkei efeioch mi pin me ekkewe pwon ra fokkun auchea ngeni kich ach sipwe winiti usun Ii pwe sipwe tongeni nonom ren Ii.

Sia tongeni fori ekkoch napanap ach sipwe anisi ekkoch won ena an ren ach sipwe anisir repwe aponueta ar kewe pwon me moneta ngeni ar repwe fori ar pwon ³ Ifa usun om kopwe anisi emon me emon ika famini ke angang ngeni ar repwe angei ewe pwan eu efeioch a auchea ngenir? Ei a tongeni awewe ngeni anisi me amonata emon semenap epwe paptaisei noun nengin, awewei ekkewe feiochun ewe eu pwon epwe fori, ika aiti ngeni ekkoch anen ach sipwe mefi unusochun auchean asofosefani ach kewe pwon nupwen sia angei ewe sakrament.

Ekiek 3: Etiwa me Apochokuna

Nupwen a tufich, aurour ren ekkewe ka tonger fan iten ar ekesiwin me angang epwe usun Manauen Kraist Ait ngenir usun ewe pochokun rer ke kuna me om sani non ir. Eis inet ra mefi ar repwe tongeni awateno me kapas usun om kopwe tongeni anisir. Ren pwan ekkoch anen aurour fengen ren ekkewe ka kan iamwirir, nengeni “Aurour won Ar kewe Osupwang Liahona, Sept. 2018, 6-9.)

Kosapw nuokus om kopwe etiwer ar repwe tapweno mwirin ewe Chon Amanau me mut ngeni Ii epwe anisir non ar manauen fefeita. Ei etiwetiw a tongeni awora-ekesiwin, nupwen a chufengen me om pwarano om nukunuk non ir me om nuku non Ii.

Onu An Sia Tongeni Anisi Ekkoch Ar Repwe Fefeita non Kraist

Ekkei epwe kapas usun pesepesin ekkoch non ar aninis ren apochokun me fefeita ren ewe anen pwon. (Nengeni Preach My Gospel,sopun 11, ren ekkoch ekiek.)

1. Aea fengen. Kopwe wenechar me pochokun nupwen kopwe kapas usun an ewe Chon Amanau anisuk nupwen ka sotuni om kopwe arapakan ngeni Ii ren om aneasochisi ewe nongunongun kapas allim ika mo mi toruk osukosuk.

2. Pwonen feioch Aramas ra mochen eu popun ar repwe ekesiwin ewe akon auchea nap seni popun ar resapw ekesiwin. Awewei ekkewe feioch mi fiti foffor a tongeni awora pochokunen mokutukut (nengeni Doctrine and Covenants 130:20-21).

3. Etiwa. Manaueni ewe nongonongen kapas allim a wora eu kapasen pwarata mi ennet (nengeniJohn 7:17me emweni ngeni ewe anononun etiwan ewe kapas.⁴ Iteiten meinisin mokutukut epwe tongeni awora eu mecheresin etiwetiwen fofforun mettoch epwe tongeni anisir ar repwe fefeita.

4. Kokot fengen. Met a auchea epwe fisi ngenir ar repwe fokkun aponueta ar kewe pwon ar repwe ekesiwin? Ifa usun om kopwe anisir? Mi chok kouk fansoun?

5. Pesepes. Fansoun aninisoch, anapano eu nenien pesepes ren aramas ekkewe ra tongeni anisi emon me emon ar repwe pochokun me pwak. Kich meinisin a auchea an epwe wor nouch chon emweir.

6. Katon porousan Aea fengen fefeita iteitan. ekiekiochu ewe kokot nge anapano ika mi tufich. Nikitu, sopweno, me apochokun. A tongeni tam fansoun ekesiwin.

Etiwetiwen foffor

Ekieki anen om angangen iamwir—me ru wate me kukun-epwe tongeni anisi ekkoch epwe awateno ar ekesiwin me winiti usun ewe Chon Amanau.

© 2019 seni Intellectual Reserve, Inc. All rights reserved. A för non Amerika. Kapungunon non fosun Merika: 6/16. Kapungunon chiakun: 6/16. Chiakun Ministering Principles, January 2019. Chuukese 15762 901

Esinesin

1. Neil L. Andersen, “A Holier Approach to Ministering” (Brigham Young University devotionan, Apr. 10, 2018), 3, speeches.byu.edu.

2. Russel M. Nelson, “ As We Go Forward Together,”Liahona, Apr. 2018, 7.

3. Nengeni Henry B. Eyring, “Daughters in the Covenant,” Liahona, May 2014, 125-28.

4. Nengeni David A. Bednar, “Converted unto the Lord,”Liahona, Nov. 2012, 106-109.

“Nongonongen Iamwiri” nongonong ra kawor ar repwe anisi kich ach sipwe kaeo ne tumunu emon me emon-esapw kaeo fengen porous otun amwa. Nupwen sia sisinei ekkewe sia kan angang ngenir, ewe Ngun mi Fel epwe emweni kich ach sipwe sinei met porous a auchea ngenir epwe kapach ngeni ach tumun me tonger.