1 Mga Taga-Corinto 2

Pagsabot sa Espirituwal nga mga Butang

Unsang mga kalibutanong ideya sa palibot nimo nga usahay makapalisod pag-ila sa kamatuoran? Ang mga Santos sa Corinto naglibog sa kalibotanong mga ideya, ug si Apostol Pablo misulay pagtabang kanila aron makita unsaon nila pagkat-on sa malungtaron nga espirituwal nga mga kamatuoran.Makatabang kini nga leksiyon nga imong madapit ang Espiritu Santo aron matabangan ka nga makat-on sa espirituhanon nga mga butang. 

Pagpahayag sa mga kamatuoran sa ebanghelyo sa imong kaugalingong mga pulong. Ang pagdasig sa mga estudyante sa pagpahayag sa mga kamatuoran sa ebanghelyo sa ilang kaugalingong mga pulong makatabang kanila nga masabtan ug malambigit ngadto sa mga baroganan nga anaa sa mga kasulatan. Mahimo usab nga makatabang ang paghangyo kanila sa pagpamalandong sa pagdawat sa kumpirmasyon gikan sa Espiritu nga ang ilang mga pamahayag tinuod.

Pagpangandam sa estudyante: Dapita ang mga estudyante sa pag-andam og mga tubag sa mosunod nga mga pangutana: Unsa ang pipila sa mga kamatuoran ang imong nahibaloan pinaagi sa Espiritu Santo? Giunsa sa Espiritu Santo pagkompirmar niini nga mga kamatuoran diha kaninyo?

Posible nga mga Kalihokan sa Pagkat-on

“Sultihi kuno ko giunsa nimo pagkasayod”

Basaha o dapita ang usa ka estudyante sa pagbasa sa mosunod nga asoy.

Ang konklusyon sa asoy ipaambit unya sa pagpadayon sa leksiyon.

Si Presidente Boyd K. Packer (1924–2015) sa Korum sa Napulog Duha ka Apostoles mipaambit sa mosunod nga asoy:

Naglingkod ako sakay sa usa ka eroplano tupad sa usa ka tawo nga dali nga miangkon nga usa siya ka atiyesta kinsa nangusog gayod sa iyang dili pagtuo sa Dios mao nga ako mipadayag sa akong pagpamatuod ngadto kaniya. “Sayop ka,” miingon ko, “adunay Dios. Ako nasayud nga Siya buhi!”

Miprotesta siya, “Wala ka masayud. Walay usa nga nasayud niana! Dili kana nimo masayran!” Sa dihang dili gayod ko moundang, ang atiyesta, kinsa usa ka abogado, nangutana sa tingali pinakalisod nga pangutana kabahin sa pagpamatuod. “Sige kuno,” siya miingon sa bugal-bugalon, matamayon nga paagi, “ingon nimo nasayud ka. Sultihi kuno ko giunsa nimo pagkasayod.’

(Boyd K. Packer, “The Candle of the Lord,” Ensign, Ene. 1983, 51)

• Sa unsang paagi nimo nakita kining klase sa pagpangutana sa kalibotan karon?

• Unsaon kaha nimo pagtubag ang pangutana sa tawo?

Sa imong pagtuon, pamalandongi kon unsa ka maayo ang imong pagsabot sa unsaon pagkat-on sa espirituwal nga mga kamatuoran ug pagpangita sa mga panabot nga mahimong makatabang kanimo aron mas makat-on og dugang.

Pagkat-on og espirituwal nga mga kamatuoran

Ang mga Santos sa Corinto naglibog sa kalibotanong mga ideya ug mga binuhatan sa pagpuyo sa ebanghelyo. Agig resulta, sila mihimo og daghang sayop nga mga pagpili. Si Pablo misulat kanila aron matabangan sila nga makasabot unsaon pagkat-on sa espirituwal nga mga butang.

Basaha ang 1 Mga Taga-Corinto 2:9–14 , dayon pangitaa ang mga panabot nga makatabang kanato sa pagkat-on og espirituwal nga mga kamatuoran.

Timan-i nga ang “natural nga tawo” sa bersikulo 14 mao ang “usa ka tawo nga naimpluwensyahan sa mga pangibog, mga tinguha, mga gana, ug pagbati sa unod kaysa sa mga pangaghat sa Espiritu Santo” (Guide to the Scriptures, “ Natural Man ,” scriptures.ChurchofJesusChrist.org).

• Unsa nga mga bersikulo o hugpong sa mga pulong ang nagpatigbabaw diha kanimo? Unsa ang inyong nagustohan mahitungod niini?

• Unsa ang imong nakat-onan mahitungod sa Langitnong Amahan ug sa Iyang gugma alang kanimo sa bersikulo 9 ?

• Unsang mga kamatuoran ang imong nakita mahitungod sa giunsa sa Langitnong Amahan pagpadayag sa kahibalo ngadto sa Iyang mga anak?

I-refer ngadto sa tabang sa pagtudlo sa sinugdanan niining leksiyon aron matabangan ang mga estudyante sa ilang pag-ila sa mga kamatuoran.

Usa ka kamatuoran nga gitudlo niini nga mga bersikulo mao nga kita masayod ug makasabot sa mga butang sa Dios pinaagi lamang sa Iyang Espiritu.

Isip usa ka posibleng pananglitan sa wala pagkasabot kon unsaon pagkat-on sa espirituwal nga kamatuoran, basaha unsa ang nahitabo dihang si Presidente Packer misulay pagpasabot kon giunsa niya pagkasayod nga ang Dios tinuod ngadto sa ateyista diha sa eroplano:

Sa dihang akong gigamit ang mga pulong nga Espiritu ug saksi, ang atiyesta mitubag, “Dili ko kasabot nianang imong gipangsulti.” Ang mga pulong nga pag-ampo, pag-ila [discernment], ug hugot nga pagtuo, puro walay kahulugan alang kaniya.

(Boyd K. Packer, “The Candle of the Lord,” Ensign, Ene. 1983, 51)

Pagkat-on pinaagi sa Espiritu

Sa imong journal sa pagtuon, paglista og pipila ka mga espirituwal nga mga kamatuoran nga imong nakat-onan pinaagi sa Espiritu Santo. Paglista usab og pipila ka mga kamatuoran nga gusto nimong makakuha og saksi. Pipila sa mga pananglit mahimong maglakip sa mosunod: Ang Langitnong Amahan tinuod ug nahigugma kanako, si Jesukristo mao ang akong Manluluwas, ug si Joseph Smith mao ang usa ka propeta sa Dios.

Pagpili og usa sa mga kamatuoran nga imong naila ug tubaga ang mosunod:

• Giunsa sa kalibotan pagsulti kanimo aron madiskobre ang kamatuoran mahitungod niining hilisgotan?

• Unsa ang imong gibuhat, o unsa ang imong mabuhat, aron makahibalo niining kamatuoran pinaagi sa Espiritu Santo?

Ikonsiderar ang pagdapit og mga boluntaryo aron mopaambit sa ilang mga tubag kon dili kini personal kaayo. Kon ang estudyante nagpaambit mahitungod sa usa ka kamatuoran nga gusto nilang mahibaloan, ikonsiderar ang pagpangutana sa lain pang mga estudyante nga gustong mopaambit sa ilang kasinatian sa pagkasayod niana nga kamatuoran. Ikonsiderar usab ang pagpaambit og personal nga mga kasinatian.

Sunda ang mga pag-aghat sa Espiritu aron maila kon ang mga estudyante makabenepisyo gikan sa dugang pagtuon sa unsaon pagkat-on pinaagi sa Espiritu. Gamita ang pipila o ang tanang mosunod nga mga kapanguhaan.

Kon gusto nimong makahibalo og dugang mahitungod sa pagkat-on sa kamatuoran pinaagi sa Espiritu Santo, ikonsiderar ang pagtuon sa pipila sa mosunod nga mga kapanguhaan:

• Mga Taga-Galacia 5:22–23 ; Doktrina ug Mga Pakigsaad 8:2–3 ; 9:7–8 ; 11:12–14, 21–22 ; ug 138:1–4, 11

• mga entry nga adunay mga titulo sama sa “ Espiritu Santo ” diha sa Ang Giya ngadto sa mga Kasulatan , ang Topical Guide , o sa Gospel Topics nga mga panid nga anaa sa topics.ChurchofJesusChrist.org

• mga pakigpulong ug mga artikulo mahitungod sa pagkat-on pinaagi sa Espiritu, sama sa David A. Bednar, “Learning in the Lord’s Way,” New Era, Okt. 2018, 50–53; o Richard G. Scott, “How to Learn by the Spirit,” New Era, Sept. 2014, 48

How Does the Holy Spirit Guide?

What is it like to be guided by the Holy Ghost? Ordinary people share their experiences.

Dapita ang mga estudyante sa pagpakigbahin sa unsay ilang nakaplagan.

Pagtabang sa uban nga makakat-on pinaagi sa Espiritu

Basaha ang mosunod aron kompletuhon ang sugilanon ni Presidente Packer. Sa dihang ang tawo diha sa eroplano misalikway sa mga pagpasabot ni Presidente Packer, si Presidente Packer mibati og kadasig sa pagpangutana sa tawo nga ihulagway ang lami sa asin:

Human sa pipila ka mga pagsulay, siyempre, dili siya makahimo niini. Dili siya makahulagway, pinaagi sa mga pulong lamang, sa ordinaryo kaayo nga kasinatian sama sa pagtilaw sa asin. Sa makausa pa mipadayag ako kaniya og pagpamatuod ug miingon, “Ako nasayud nga adunay Dios. Imong gibugal-bugalan kana nga pagpamatuod ug miingon nga kon nasayud pa gyud ko, makasulti unta gayod ako kanimo kon giunsa nako pagkasayod. Akong higala, sa espirituhanong pagkasulti, nakatilaw na ako og asin. Dili pud ko makahulagway kanimo pinaagi sa mga pulong kon sa unsang paagi kini nga kahibalo miabot sama nga ikaw makasulti kanako kon unsa ang lami sa asin. Apan sultihan ko ikaw pag-usab, adunay Dios! Buhi gayud Siya! Ug tungod lamang kay wala ka masayod, ayaw ko’g sultihi nga ako wala masayod, kay ako nasayod gayod!” …

Sukad niana nga kasinatian, wala na gayud ako maulawi o naulaw nga dili ako makapasabot pinaagi sa mga pulong lamang sa tanan nakong nasayran sa espirituhanong paagi.

(Boyd K. Packer, “The Candle of the Lord,” Ensign, Ene. 1983, 52)

• Nganong ang Espiritu Santo usa ka mas maayong tinubdan sa kahibalo kaysa sa kaalam ug pangatarungan sa kalibotan?

• Unsa ang inyong mabuhat sa pagpangita og kahibalo gikan sa Langitnong Amahan?

Ikonsiderar ang pagsulat diha sa inyong journal sa pagtuon unsa ang gusto ninyong buhaton aron makapadayon sa pagkat-on og kamatuoran pinaagi sa gahom sa Espiritu Santo.

Pagpaambit og personal nga pagpamatuod sa importansya sa pagkat-on og espirituwal nga mga butang pinaagi sa Espiritu. Pagpadayag og kompyansa nga samtang ang mga estudyante naningkamot sa pagkat-on mahitungod sa Langitnong Amahan ug ni Jesukristo, ang Espiritu motabang kanila.

Komentaryo ug Background nga Impormasyon

Unsay akong mahimo aron makakat-on og espirituwal nga mga butang?

Si Elder Paul V. Johnson sa Seventy mipahayag:

Ang mga tubag sa espirituwal nga mga pangutana gihatag ngadto sa mga indibidwal kinsa wala magpatig-a sa ilang mga kasingkasing; kinsa nangutana nga may hugot nga pagtuo, nagtuo nga sila makadawat; ug kinsa matinud-anong mosunod sa mga sugo.

(Paul V. Johnson, “Usa ka Sumbanan sa Pagkat-on sa Espirituwal nga Mga Butang” [Seminaries and Institutes of Religion satellite broadcast, Ago. 7, 2012], broadcasts.ChurchofJesusChrist.org)

Ang mga butang ba sama sa siyantipikong pamaagi ug lohika ang nag-inusarang magamit sa pagsabot sa mga kamatuoran sa ebanghelyo?

Si Presidente Dallin H. Oaks sa Unang Kapangulohan mipahayag:

Kamatuoran ug ang Plano

President Oaks teaches that we should seek truth from trustworthy sources and shares some fundamental truths that explain why Latter-day Saints live as we do.

Kon mangita kita sa kamatuoran mahitungod sa relihiyon, kinahanglan natong gamiton ang espirituwal nga mga paagi niana nga pagsiksik: pag-ampo, saksi sa Espiritu Santo, ug pagtuon sa mga kasulatan ug sa mga pulong sa mga propeta. Kanunay kong magsubo kon dunay moreport nga may tawo nga nawad-an og relihiyusong pagtuo tungod sa sekyular nga mga pagtulon-an. Kadtong nakasinati na og espirituwal nga panan-awon posibleng mag-antos sa tinuyo nga espirituwal nga pagkabuta. Sama sa giingon ni Presidente Henry B. Eyring, “Ang ilang problema wala mag-agad sa unsay ilang nasabtan; kon dili unsay dili nila masabtan.” [Henry B. Eyring, To Draw Closer to God: A Collection of Discourses (1997), 143].

Ang pamaagi sa siyensya motultol kanato ngadto sa gitawag nato og siyentipikanhong kamatuoran. Apan “ang siyentipikanhong kamatuoran” dili maoy kinatibuk-ang tuyo sa kinabuhi. Kadtong dili magkat-on “pinaagi sa pagtuon ug usab pinaagi sa hugot nga pagtuo” ( Doktrina ug mga Pakigsaad 88:118) nag-limit sa ilang panabot sa kamatuoran ngadto sa pwede nilang mapamatud-an sa siyentipikanhong pamaagi. Nagbutang kini og artipisyal nga mga kinutuban sa ilang pagtinguha sa kamatuoran.

(Dallin H. Oaks, “Kamatuoran ug ang Plano,” Liahona, Nob. 2018, 25)

Kon mangita kita sa kamatuoran mahitungod sa relihiyon, kinahanglan natong gamiton ang espirituwal nga mga paagi niana nga pagsiksik: pag-ampo, saksi sa Espiritu Santo, ug pagtuon sa mga kasulatan ug sa mga pulong sa mga propeta. Kanunay kong magsubo kon dunay moreport nga may tawo nga nawad-an og relihiyusong pagtuo tungod sa sekyular nga mga pagtulon-an. Kadtong nakasinati na og espirituwal nga panan-awon posibleng mag-antos sa tinuyo nga espirituwal nga pagkabuta. Sama sa giingon ni Presidente Henry B. Eyring, “Ang ilang problema wala mag-agad sa unsay ilang nasabtan; kon dili unsay dili nila masabtan.” [Henry B. Eyring, To Draw Closer to God: A Collection of Discourses (1997), 143].

Ang pamaagi sa siyensya motultol kanato ngadto sa gitawag nato og siyentipikanhong kamatuoran. Apan “ang siyentipikanhong kamatuoran” dili maoy kinatibuk-ang tuyo sa kinabuhi. Kadtong dili magkat-on “pinaagi sa pagtuon ug usab pinaagi sa hugot nga pagtuo” (Doktrina ug mga Pakigsaad 88:118) nag-limit sa ilang panabot sa kamatuoran ngadto sa pwede nilang mapamatud-an sa siyentipikanhong pamaagi. Nagbutang kini og artipisyal nga mga kinutuban sa ilang pagtinguha sa kamatuoran.

(Dallin H. Oaks, “Kamatuoran ug ang Plano,” Liahona, Nob. 2018, 25)

Sa unsang paagi lagmit ang Espiritu Santo makigsulti sa kamatuoran kanako?

Si Elder Richard G. Scott (1928–2015) sa Korum sa Napulog Duha ka Apostoles mipahayag:

Makakat-on kamo og hilabihan kaimportante nga mga butang pinaagi sa unsay inyong madungog ug makita ug, mas gani, pinaagi sa unsay inyong mabati, ingon nga giaghat sa Espiritu Santo. Daghang mga indibidwal naglimita sa ilang pagkat-on sa unsa lamang ang ilang napaminaw o nabasa. Pagmaalamon. Pagpalambo usab sa kahanas sa pagkat-on pinaagi sa unsa ang imong nakita ug ilabi na sa unsay giaghat sa Espiritu Santo kanimo nga mabati. Mahunahunaon ug makanunayong mangita aron makat-on pinaagi sa unsa ang imong nabati. Ang imong kapasidad sa pagbuhat sa ingon mopalapad pinaagi sa pagbalikbalik nga pagbansay. Mahinungdanong pagtuo ug paningkamot ang gikinahanglan aron makat-on pinaagi sa unsa ang imong nabati gikan sa Espiritu. Pangayo sa pagtuo alang sa samang tabang. Pagkinabuhi nga takos sa maong giya.

(Richard G. Scott, “How to Learn by the Spirit,” New Era, Sept. 2014, 48)

Dugang nga mga Kalihokan sa Pagkat-on

Pagpakita og gugma alang sa Langitnong Amahan ug ni Jesukristo

Ikonsiderar ang pagdapit sa mga estudyante nga basahon ang 1 Mga Taga-Corinto 2:9 , dayon ipapangita unsa ang mga plano sa Langitnong Amahan alang niadtong nagmahal Kaniya. Sila mahimong maghunahuna mahitungod sa mga panalangin nga ilang nadawat ug pangitaa ang mga kasulatan nga nag-ila sa mga panalangin nga moabot gikan sa pagsunod sa Langitnong Amahan ug ni Jesukristo (tan-awa sa Doktrina ug Mga Pakigsaad 76:50, 58–70 ug Mosiah 2:41). Ang mga estudyante mahimong dapiton sa pagbasa sa Juan 14:15 ug maghunahuna mahitungod sa mga sugo nga ilang gisunod sa mas hingpit agig usa ka paagi sa pagpakita sa ilang gugma alang Kanila.

Pagpakwalipikado alang sa Espiritu

Mahimong dapiton ang mga estudyante sa pagtuon sa unsa ang ilang mahimo aron makwalipikado nga matudloan pinaagi sa Espiritu Santo. Mahimo nilang basahon ang Alma 32:27–28 ; Doktrina ug mga Pakigsad 42:14 ; ug Juan 7:17 ug ipaambit unsa ang ilang nakit-an. Ikonsiderar ang pagdapit nila nga pamalandongan ang unsay ilang gibuhat karon ug unsa ang ilang mabuhat sa umaabot aron makwalipikado alang sa panag-uban sa Espiritu Santo.