Doctrinal Mastery: 1 Corinto 11:11

Kailangan ang mga Lalaki at mga Babae sa Plano ng Ama sa Langit

Larawan

Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Sa iyong pag-aaral ng 1 Corinto 11, natutuhan mo kung paano tinitingnan ng Diyos ang mga natatangi at banal na tungkulin ng mga babae at mga lalaki. Layunin ng lesson na ito na tulungan kang madagdagan ang iyong kaalaman sa mga turong ito habang isinasaulo mo ang reperensya at mahalagang parirala ng banal na kasulatan para sa 1 Corinto 11:11, maipaliwanag ang doktrina, at maipamuhay ang mga alituntunin ng pagtatamo ng espirituwal na kaalaman sa sitwasyon sa tunay na buhay.

Paghahanda ng estudyante: Ipabasa sa mga estudyante ang bahagi 3 sa artikulong “Kalalakihan at Kababaihan sa Gawain ng Panginoon” ni Pangulong M. Russell Ballard ng Korum ng Labindalawang Apostol (Liahona, Abril 2014, 2–5), at alamin ang mga katotohanan na kailangan nating maunawaan tungkol sa doktrina ng Diyos tungkol sa mga lalaki at mga babae.

Mga Posibleng Aktibidad sa Pag-aaral

Ang doctrinal mastery passage lesson na ito ay ituturo pagkatapos ng lesson na “1 Corinto 11,” na siyang kontekstuwal na lesson para sa doctrinal mastery passage na 1 Corinto 11:11 . Kung kailangang ilipat ang doctrinal mastery passage lesson na ito sa ibang linggo, tiyaking ituro din ang kaukulang kontekstuwal na lesson sa linggong iyon.

Ipaliwanag at isaulo

Ang sumusunod na obserbasyon tungkol sa mga kamay ay hango sa mensahe ni Linda K. Burton na “Magkasama Tayong Aangat” (Liahona, Mayo 2015, 29–32).

Tingnan ang iyong mga kamay. Obserbahan kung paano magkatulad at magkaiba ang mga ito.

Sa iyong palagay, kung kaya ng bawat kamay na gumana nang mag-isa, bakit ginawa ng Ama sa Langit na may dalawang kamay ang Kanyang mga anak?
Paano nakatutulong sa iyo ang mga pagkakaiba sa iyong mga kamay para maisakatuparan ang mga gawain o gamitin ang iyong mga talento?
Paano nauugnay sa 1 Corinto 11:11 ang mga obserbasyong ito tungkol sa iyong mga kamay?

Bigyan ang mga estudyante ng pagkakataong isaulo ang reperensya at mahalagang parirala ng banal na kasulatan para sa 1 Corinto 11:11 . Ang sumusunod ay isang posibleng aktibidad sa pagsasaulo. Kung naaangkop, hikayatin ang mga estudyante na gamitin ang Doctrinal Mastery app upang rebyuhin at isaulo ang scripture passage na ito.

Ang sumusunod na aktibidad ay makatutulong sa iyo na isaulo ang doctrinal mastery reference na 1 Corinto 11:11 at ang mahalagang parirala nito na, “Sa Panginoon, kailangan ng babae ang lalaki at ang lalaki ay kailangan ng babae.”

Isulat ang mahalagang parirala ng banal na kasulatan at ang reperensyang banal na kasulatan. Basahin o bigkasin ang parirala at reperensya nang maraming beses, at magbura o mag-delete ng mga salita sa bawat pagkakataon. Magpatuloy hanggang sa maging komportable kang ulitin ang mahalagang parirala ng banal na kasulatan at reperensya nang hindi tumitingin sa mga salita.

Pagsasanay para sa pagsasabuhay

Sa iyong study journal, isulat ang mga sumusunod na alituntunin ng pagtatamo ng espirituwal na kaalaman:

Kumilos nang may pananampalataya
Suriin ang mga konsepto at tanong nang may walang-hanggang pananaw
Hangarin na mas makaunawa sa pamamagitan ng mga itinalagang sources na ibinigay ng Diyos

Ilarawan ang bawat alituntunin sa dalawa o tatlong pangungusap. Maaari kang sumangguni sa mga talata 5–12 sa Doctrinal Mastery Core Document (2022) upang masuri ang iyong kaalaman at magdagdag ng anumang mahalagang impormasyon na maaaring nakaligtaan mo.

Hikayatin ang mga estudyante na alalahanin ang natutuhan nila sa kanilang paghahanda para sa klase. Habang tinatalakay ng mga estudyante ang sumusunod na tanong, maaari mong isulat (o ipasulat sa mga estudyante) ang kanilang mga sagot sa pisara. Ang pagsusulat ng kanilang mga ideya ay tutulong sa mga estudyante na makaugnay sa natututuhan nila.

Sa 1 Corinto 11:11 , natutuhan mo na sa plano ng Ama sa Langit, kailangan ang mga babae at mga lalaki.

Paano nabibigyan ng maling pagpapakahulugan o nababalewala ang katotohanang ito sa lipunan?
Ano ang ilang sitwasyon sa iyong buhay kung saan maaaring nagkaroon ka ng pagkakataong ituro o ipagtanggol ang katotohanang ito?

Upang magkaroon ang mga ito ng mas personal na kaugnayan, maaari mong gamitin ang mga alituntunin ng pagtatamo ng espirituwal na kaalaman sa mga sagot ng mga estudyante sa mga naunang tanong. Kung kinakailangan, gamitin ang mga sitwasyong ibinigay sa lesson.

Maaaring makatulong na ipakita ang mga sumusunod na tanong para sa pagtatalakayan o ibigay sa mga estudyante ang kasamang handout.

Isipin kung paano pinakamainam na matututo ang mga estudyante mula sa aktibidad na ito. Maaari silang gumawa nang mag-isa, sa maliliit na grupo, o bilang isang klase. Maaaring makatulong na maglaan ng oras sa katapusan ng klase upang matalakay ang kanilang mga nalaman.

Larawan

Heavenly Father’s plan.

Pumili ng isa sa mga sumusunod na sitwasyon, at pag-isipan kung paano makatutulong sa isang tao ang pagpapamuhay ng mga alituntunin ng pagtatamo ng espirituwal na kaalaman para maunawaan ang katotohanan mula sa 1 Corinto 11:11 tungkol sa mga tungkulin ng mga lalaki at mga babae sa plano ng Ama sa Langit.

Narinig ng nakababatang kapatid ni Kalee na si Elle na sinabi ng ilang batang lalaki sa paaralan na mas mahalaga ang mga lalaki kaysa mga babae. Tinanong ni Elle si Kalee, “Hindi ba’t mahalaga rin ako tulad ng mga batang lalaki?”
Nag-alala si Reid dahil narinig niya ang ilan sa kanyang mga kapwa miyembro ng korum na nag-uusap tungkol sa mga kababaihan nang walang paggalang.
Pagkatapos manood ng isang sikat na pelikula, pinagtawanan ng isang grupo ng magkakaibigan ang mga nakatatawang ginawa ng gumaganap na ama. Sumang-ayon ang ilan na hindi kailangan ang ama, at sinabi ng isang kaibigan, “Ito ang dahilan kung bakit hindi kailangan ang lalaki sa pagpapalaki ng masayang pamilya.”
Naghahanda sina Esteban at Clara na magpakasal sa templo. Iminungkahi ng kanilang mga magulang na pag-usapan nila kung paano tutuparin ng bawat isa ang iba’t ibang tungkulin at responsibilidad sa kanilang magiging pamilya.

Kumilos nang may pananampalataya

Ano ang mga paraan na magagawa mo o ng indibiduwal sa sitwasyon na kumilos nang may pananampalataya bilang pagtugon sa isyung nabanggit?
Paano makatutulong sa pagsunod mo kay Jesucristo ang pagpapahalaga sa mga natatangi at mahahalagang tungkulin ng mga babae at mga lalaki?

Suriin ang mga konsepto at tanong nang may walang-hanggang pananaw

Ano ang nalalaman mo tungkol sa Ama sa Langit at sa Kanyang plano na makatutulong kung mahaharap ka sa sitwasyong katulad nito?
Ano ang ilan sa mga tungkulin ng mga lalaki at mga babae sa plano ng Ama sa Langit?

Maghanap pa ng impormasyon sa sources na itinalaga ng Diyos

Paano makatutulong sa iyo ang iyong pagkaunawa at patotoo tungkol sa mga katotohanang itinuro sa 1 Corinto 11:11 sa pagtugon sa sitwasyong ito?

Maaaring isa itong pagkakataon upang maibahagi ng mga estudyante ang natutuhan nila sa kanilang paghahanda para sa klase.

Ano pang mga turo na nagbibigay-inspirasyon mula sa mga banal na kasulatan o lider ng Simbahan ang makatutulong sa iyong tumugon nang tapat?

Pagrerebyu ng doctrinal mastery

Dapat gamitin ang sumusunod na aktibidad sa pagrerebyu sa isang lesson na ituturo sa hinaharap.

Isulat sa pisara ang mahalagang parirala ng banal na kasulatan para sa 1 Corinto 11:11 , at palitan ng mga blangko ang mahahalagang salita upang punan. Sabihin sa mga estudyante na isulat o bigkasin ang mahalagang scripture passage at reperensya, at punan nang tama ang mga blangko. Ipaulit sa mga estudyante ang reperensya at ang mahalagang parirala ng banal na kasulatan nang maraming beses.

Mga Karagdagang Aktibidad sa Pag-aaral

Sources na itinalaga ng Diyos

Maaari mong imungkahi ang mga ito o ang iba pang sources na itinalaga ng Diyos sa pagtugon ng mga estudyante sa mga sitwasyon:

M. Russell Ballard, “Kalalakihan at Kababaihan sa Gawain ng Panginoon,” Liahona, Abril 2014, 2–5Linda K. Burton, “Magkasama Tayong Aangat,” Liahona, Mayo 2015, 29–32Jean B. Bingham, “Nagkakaisa sa Pagsasakatuparan ng Gawain ng Diyos,” Liahona, Mayo 2020, 60–63

Ang kuwento ni Monika

Sa isang training broadcast para sa Seminaries and Institutes of Religion, tinalakay ni Brother Chad H Webb kung paano maiaangkop ang mga alituntunin ng pagtatamo ng espirituwal na kaalaman sa isang sitwasyon tungkol sa isang dalagang nagngangalang Monika. Pagkatapos marinig ang pagpaparatang na hindi pinahahalagahan ng Simbahan ang mga babae, hindi sigurado si Monika kung paano tutugon.

Maaaring makatulong sa mga estudyante na gamitin ang kuwento ni Monika upang matalakay ang mga katotohanang itinuro sa 1 Corinto 11:11–12 at magsanay na gamitin ang mga alituntunin ng pagtatamo ng espirituwal na kaalaman. Maaari mong ipakita sa mga estudyante ang mga bahagi ng mensahe ni Brother Webb bilang resource.

Tingnan sa Chad H. Webb, “Doctrinal Mastery” (mensaheng ibinigay sa Seminaries and Institutes of Religion annual training broadcast, Hunyo 14, 2016), https://www.churchofjesuschrist.org/broadcasts/article/satellite-training-broadcast/2016/06/doctrinal-mastery?lang=tgl

Pagtalakay sa pagpapakasal sa kapwa babae o kapwa lalaki

Habang tinatalakay ng mga estudyante ang mga sitwasyon kung saan maaaring ituro o ipagtanggol ang mga katotohanan sa 1 Corinto 11:11 , maaari nilang talakayin ang paksa tungkol sa pagpapakasal sa kapwa babae o kapwa lalaki. Tiyaking talakayin ang paksang ito nang may pagkasensitibo, pagkahabag, at pagmamahal. Maaari ding makatulong na isama ang 1 Corinto 11:8–9, 12 at mga talata 2 at 7 ng “ Ang Mag-anak: Isang Pagpapahayag sa Mundo ” (SimbahanniJesucristo.org).

Tandaan na ang layunin para sa mga aktibidad na ito ay hindi upang ibigay ng titser ang lahat ng sagot kundi upang magsanay ang mga estudyante sa paggamit ng mga alituntunin ng pagtatamo ng espirituwal na kaalaman. Hingin ang patnubay ng Espiritu habang nakikinig ka sa mga estudyante at nahihikayat kang magtanong upang tulungan silang mapag-isipan nang mabuti ang mga bagay na inaalala nila.

Ang sumusunod na sitwasyon ay magagamit na kapalit ng mga sitwasyong kasama sa lesson:

May ilang kaibigan si Olivia na nakadarama ng atraksiyon sa kapwa babae o kapwa lalaki. Sabi niya, “Nahihirapan akong maunawaan kung bakit patuloy na itinuturo ng Simbahan na mali ang pagpapakasal sa kapwa babae o kapwa lalaki. Bakit kailangang pagkaitan ang mga tao ng kaligayahan na nagmumula sa tapat na relasyon ng kapwa babae o kapwa lalaki?”