Seminare
Mataio 19–20; Mareko 10; Luka 18

Mataio 19–20; Mareko 10; Luka 18

Vaaiga Aoao

Sa tali e Iesu Keriso fesili ma aoao atu upumoni e uiga i le faaipoipoga ma le tatalaina o faaipoipoga. Sa Ia valaaulia ma le alofa i se alii talavou e faatau atu ana oloa ma mulimuli ia te Ia. Sa Ia faasoa atu foi se faataoto i le au faigaluega i le tovine, lea e faaali atu ai le alofa ma le alofa mutimutivale ua ia te Ia ma le Tama Faalelagi mo i tatou uma.

Ia Saunia e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

Mataio 19:1–12

Faamoemoega o le lesona: O lenei lesona e mafai ona fesoasoani i tagata aoga e malamalama ai pe faapefea ona saunia e le Tama Faalelagi ma Iesu Keriso se auala latou te maua ai se faaipoipoga fiafia, ma faavavau i o latou lumanai.

  • Sauniuniga a le tagata aoga: Valaaulia tagata aoga e mafaufau e uiga i mea e mafai ona latou faia i le taimi nei e saunia ai mo se faaipoipoga fiafia. Uunaia latou e saili fautuaga mai se tasi latou te iloa o loo i ai se faaipoipoga fiafia, ma amiotonu.

  • O le mea faitino: O se uili o se uila po o se isi lava uili ua i ai se auau i le ogatotonu.

  • O se failauga asiasi: Mafaufau e valaaulia se ulugalii faaipoipo mai se uarota, paranesi, siteki, po o se itu o le lotoifale e auai i le vasega ma faamatala ane le fiafia ua aumai e le faaipoipoga ia i laua, ma pe sa faapefea ona fesoasoani le Faaola ia te i laua i la laua faaipoipoga. Faamautinoa ua maua muamua se faatagaga mai le taitai perisitua ma le tagata S&I faamaopoopo o le lotoifale a o le i valaaulia i laua.

  • Vitio: “O Faaaliga o le Alofa” (3:26); “O Faamanuiaga e Faavavau o le Faaipoipoga” (15:02, matamata mai le faailotaimi 6:23 i le 8:40)

  • Fautuaga mo aoaoga i fesootaiga faavitio: Mafaufau e faaaoga se faiga faasuesuega i luga o le upega tafailagi mo tagata aoga e faaalia faalilolilo ai o latou lagona e uiga i le faaipoipoga i le tauamataga o le lesona.

Mataio 19:16–30; Mareko 10:17–31

Faamoemoega o le lesona: O le a uunaia e lenei lesona tagata aoga e aoao mai le Faaola se mea e finagalo o Ia latou te faia a o latou saili e mulimuli lelei atu ia te Ia.

  • Sauniuniga a le tagata aoga: Valaaulia tagata aoga e manatua se taimi sa latou faafetai ai ina ua faasaoina i latou e se tasi. E mafai faapefea ona avea le fesoasoani ia i tatou e iloa ai le mea e mafai ona faaleleia ai i tatou o se faailoga o le alofa?

  • Fautuaga mo aoaoga i fesootaiga faavitio: Mafaufau e faaaoga se manatu i le vaega o le “Gaoioiga Faaopoopo e Aoao Mai Ai” a le tusi lesona a le faiaoga e faaigoaina “Ina ia maua le ola e faavavau, e ao ina tatou loto e tuu atu soo se mea e finagalo ai le le Alii mo i tatou.” E aofia ai faataitaiga e pei o e sa taliaina le valaaulia a le Faaola e fai suiga e oo lava i le ositaulaga tele.

Mataio 20:1–16

Faamoemoega o le lesona: E mafai ona fesoasoani lenei lesona i tagata aoga e lagona ai le faamoemoe mo le mauaina o faamanuiaga e ofoina mai e Iesu Keriso e ala i Lona Togiola.

  • Sauniuniga a le tagata aoga: Valaaulia tagata aoga e fai se lisi o faamanuiaga na latou mauaina mai le Alii ona o le aoaoina o i latou i le talalelei a o laiti. I se isi itu, e mafai ona latou fai se lisi o avanoa atonu e misia e tagata pe afai e le aoaoina i latou i le talalelei seia oo i se taimi mulimuli ane o le olaga. Fesili i tagata aoga e mafaufau e uiga i mea e mafai ona latou aoao mai le lisi sa latou faia.

  • Fautuaga mo aoaoga i fesootaiga faavitio: Nai lo le tuuina atu i tagata aoga e faitau le lauga a Elder Jeffrey R. Holland, mafaufau e faasoa atu se vaega o le vitio “O le Au Faigaluega i le Tovine” lea e aofia ai lena saunoaga.

Toe Iloiloga o le Atamai Faapitoa i Aoaoga Faavae 8

Faamoemoega o le lesona: O lenei lesona e faamoemoe e fesoasoani i tagata aoga e taulotoina ni nai mau faasino ma fasifuaitau o faaupuga autu o tusitusiga paia mai fuaitau muamua e 11 o mau o le atamai i aoaoga faavae i le Feagaiga Fou.Manatua: E ono manaomia ona aoaoina se lesona tau fuaitau o atamai i aoaoga faavae nai lo lenei lesona toe iloilo. Taga’i i le kalena o le faasologa o lesona ua saunia e le taitai faatonu po o le taitai faamaopoopo o le eria po o le lisone e faamautinoa ai o le a aoaoina lesona taitasi tau fuaitau o atamai i aoaoga faavae a o faagasolo le seminare.

  • Sauniuniga a le tagata aoga: Valaaulia tagata aoga e aumai kopi o mekasini tuai o le Ekalesia e mafai ona latou tipitipi ma fai ai se gaoioiga vaaia mo le taulotoina o fuaitau o atamai faapitoa i aoaoga faavae.

  • Tufaaga: O le lisi o fuaitau o mau o le atamai i aoaoga faavae ma a latou fasifuaitau autu o tusitusiga paia e faatatau i ai

  • Mea e faaaoga: O mea e tusitusi ai, pepa, ma afai e mafai, seleulu, kelū, ma mekasini po o tusi lesona tuai a le Ekalesia e i ai ata

  • Fautuaga mo aoaoga i fesootaiga faavitio:E mafai e tagata aoga ona foafoaina se faaputuga o ata i luga o le upega tafailagi. A maea, e mafai ona faasoa le lau o a latou komepiuta e faaali atu ai a latou faaputuga o ata i le vasega.

Iloilo Lou Aoaoina 4

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatuina ma le aoaoina ma le tuputupu ae o le tagata lava ia na latou maua mai i a latou suesuega o le Feagaiga Fou.

  • Sauniuniga a le tagata aoga: Valaaulia tagata aoga e mafaufau loloto i le tuputupu ae faaleagaga ua latou aafia ai a o latou suesueina le Feagaiga Fou. O fesoasoani la latou suesuega o le Feagaiga Fou ia latou iloa, alofa, ma auauna atu ai i le Tama Faalelagi ma Iesu Keriso? O a ni aafiaga anoa na latou maua?

  • Ata: Ata o le falaoa ma le mamoe

  • Sapalai faatufugaga: Pepa ma penitala lanu, maka, ma penivali lanu

  • Fautuaga mo aoaoga i fesootaiga faavitio: Valaaulia tagata aoga e faasoa a latou kata faafetai po o le latou faamatalaga e ave i luga o le upega tafailagi i le mea pue ata.