2 Tupu 5

Ua Faamalolo e Elisaia ia Naamanu

O le ala na mulimuli mai ai se vavega maoae i se faatuatua faatauvaa

Sa nofo mamao i Suria se tamaloa e igoa ia Naamanu. O ia o se kapeteni maoae i le autau a Suria. Ae sa i ai se faamai tiga o le pa‘u ia Naamanu e ta’ua o le lepela.

2 Tupu 5:1

O le auauna a le ava a Naamanu o se teine Isaraelu. Sa faatuatua le teine i le Alii. Sa ia fai mai afai e mafai e Naamanu ona asiasi atu i le perofeta o Elisaia, o le a faamaloloina Naamanu mai lana faama‘i.

2 Tupu 5:2–4

Sa malaga Naamanu i se auala umi e sue Elisaia. Sa manatu Naamanu o le a faamaloloina o ia e se vavega tele.

2 Tupu 5:5–8

Na sau Naamanu i le fale o Elisaia faatasi ma ana auauna, solofanua, ma kariota. Na auina atu e Elisaia lana auauna e avatu ia Naamanu faatonuga a le Alii. O le a faamaloloina e le Alii Naamanu pe afai e faafitu ona ia mulumuluina o ia lava i le Vaitafe o Ioritana.

2 Tupu 5:9–10

Sa ita Naamanu ona sa ia manao i le perofeta a le Alii e sau i fafo ma faamalolo vave o ia. Sa faitio Naamanu o le Vaitafe o Ioritana sa le lelei e pei o vaitafe tetele i Suria.

2 Tupu 5:11–12

Ae sa fesili auauna a Naamanu pe aisea o le a le faia ai e Naamanu sea galuega faigofie. E tusa lava pe sa le fetaui ia Naamanu, ae sa talosagaina o ia e le perofeta a le Alii e fai.

2 Tupu 5:13

Sa taofi e Naamanu le mitamita ma faalogo i ana auauna. Sa taele faafitu o ia lava i le Vaitafe o Ioritana. Ona faamalolo lea e le Alii ia Naamanu, e pei ona fai mai ai Elisaia. Na iloa e Naamanu o Elisaia o se perofeta ma e moni le Alii.

2 Tupu 5:14–15