Eseta 2–5; 7–9

Eseta le Masiofo

Lototoa i le taimi o lamatiaga

O ni isi Isaraelu sa ta’ua o tagata Iutaia. O Eseta o se Iutaia sa nofo i Peresia. Ua maliliu ona matua, ma o lona tausoga o Moretekai sa tausia o ia. Sa valaaulia o ia i le fale o le tupu faatasi ma isi tamaitai talavou i le malo. Sa manao le tupu i sana masiofo fou, ma na ia filifilia Eseta.

Eseta 2:2-7; 16 -17 

Sa i ai se auauna a le tupu e igoa ia Hamanu na tu mai ma le malosi tele. Na fesoasoani Hamanu i le tupu e pulea le malo. Sa faia e le tupu ia ifo tagata uma ia Hamanu.

Eseta 3:1–2 

Ae o Moretekai sa le ifo ia Hamanu. Ua na’o le Alii e ifo i ai Moretekai. O le mea lea na ita ai Hamanu. Sa manao o ia e faasala Moretekai ma tagata Iutaia uma.

Esoto 20:5; Eseta 3:5–6, 8

Sa ta’u atu e Hamanu i le tupu e le o mulimuli ia tagata Iutaia i lana tulafono Sa tuu atu e le tupu ia Hamanu e fai se tulafono fou: i se aso tonu lava, o le a fasiotia ai Iutaia uma.

Eseta 3:8–11, 13 

Na fai atu Moretekai ia Eseta e talanoa atu i le tupu. Atonu e sui e le tupu le tulafono a Hamanu ma laveaiina ai tagata Iutaia. Ae sa fefe Eseta. O ni isi taimi e fasiotia ai e le tupu tagata o e o atu e talanoa ia te ia e aunoa ma se valaaulia.

Eseta 4:5–11

Na fai atu Moretekai ia Eseta e mafaufau i tagata Iutaia o le a fasiotia. Na fai mai Moretekai atonu na tuuina e le Alii Eseta i totonu o le maota o le tupu ina ia faasaoina ai tagata Iutaia.

Eseta 4:13–14

Na iloa e Eseta e tatau ona ia talanoa atu i le tupu, tusa lava pe o le a oo ai le oti ia te ia. Sa talosagaina e Eseta tagata Iutaia uma ma ana auauna e anapopogi faatasi ma ia.

Eseta 4:15–16 

Ina ua uma ona anapogi mo le tolu aso, sa saunia e Eseta ia lava ma alu atu loa e vaai le tupu.

Eseta 5–1

Ina ua ia latalata atu i le tupu, sa ia sii i luga lona tootoo. O le uiga o lea mea ua fiafia le tupu e vaai mai ia te ia ma o le a le tuuina atu o ia e fasiotia. Sa ia fesili atu po o le a le mea ua ia manao ai. Ua ta’u atu e Eseta i le tupu o ona tagata ua lamatiaina. Ona o le tulafono a Hamanu, o ia ma Iutaia uma lava i le malo o le a fasiotia.

Eseta 5:2–3; 7:4–6

Sa ita le tupu ia Hamanu ma tuu atu ai o ia ia fasiotia. Sa faia e le tupu se tulafono fou e puipuia ai tagata Iutaia. O lea la ua faatagaina i latou e puipuia i latou lava pe a taumafai se tasi e faamanu’alia i latou.

Eseta 7:9–10; 8:10–11

O le faatuatua o Eseta i le Alii ma lona lototoa e talanoa atu i le tupu na faasaoina ai ona tagata. Nai lo le oti ma le faanoanoa, sa faia se taumafataga tele. Ua faia le fiafia a tagata Iutaia.

Eseta 8:16–17; 9:18–32