Elisaia le Perofeta

O vavega a le Alii

E ala mai le perofeta o Elia, na saunia ai Elisaia e le Alii e avea ma perofeta e sosoo ai. Ona ave ai lea o Elia e le Alii i le lagi.

2 Tupu 2:1–15

Sa fesoasoani le Alii ia Elisaia e faataunuu vavega e tele. Na faamanuia foi e Elisaia le suauu a le fafine mativa ma tumu ai fagu e tele. Sa faatau atu e le fafine suauu e totogi ai ana aitalafu.

2 Tupu 4:1–7

I se tasi taimi, o le fafine faatuatua sa auauna atu ia Elisaia ma sa tele lona alofa mo ia Na fesili atu Elisaia ia te ia poo le a se mea e manao na te faia e auauna ai ia te ia. Sa ia faamoemoe mo sana tama. Sa faamanuia e Elisaia le fafine ma lana tane ia maua se la tama.

2 Tupu 4:8–17

Ae i ni nai tausaga, na ma’i le atalii ma oti ai. Na alu le tina e saili ia Elisaia aua sa iai lona faatuatua o le a ia toe faaola mai lana tama. Na sau Elisaia ma faamanuia le tama, ma toe ola mai ai. Sa fesoasoani le Alii ia Elisaia e faia vavega e tele. O ia o se perofeta maoae a le Alii.

2 Tupu 4:18–37 