1 Tupu 19

Ua Fetalai le Alii ia Elia

Faalogoina o le siufofoga o le Alii.

Sa ta‘u atu e le Tupu o Aapo i le Masiofo o Iesepela na faatoilaloina e le Alii ia faitaulaga a Paala. Sa ita Iesepela ma fai mai o le a ia fasiotia le perofeta o Elia.

1 Tupu 19:1–2

Ina ia saogalemu, na tuua e Elia le nuu o Isaraelu. Sa malaga o ia mo le 40 ao ma le 40 po, ma anapogi a o alu. Ona ia sau lea i le Mauga o Sinai ma maua ai se ana e lafi ai. Na ta‘u atu e le Alii ia Elia e alu i le tumutumu o le mauga ina ia mafai ona Ia fetalai atu ia Elia.

1 Tupu 19:3, 8–11

Sa agi mai se matagi malosi ma nutililii ai maa faataamilo i le ana. Ina ua mavae lena, sa luluina e se mafuie le eleele. Ona amata lea o se afi. Sa faalogo Elia i leo tetele o le matagi, mafuie, ma le afi. Ae sa lei i ai le siufofoga o le Alii i na leo tetele.

1 Tupu 19:11–12

Ona faalogoina lea e Elia o se leo filemu, malu, ma le itiiti. Sa ia iloa o le Alii lea. Sa fesili atu le Alii ia Elia po o le a lana mea o fai iina.

1 Tupu 19:12–13

Fai mai Elia sa lafi o ia ina ia saogalemu. Na fasiotia uma perofeta, ma sa teena e tagata le Alii.

1 Tupu 19:14

Sa faamafanafana e le Alii Elia ma ta‘u atu ia te ia e toatele Isaraelu o loo tapuai pea i le Alii. Sa talosagaina e le Alii Elia e toe foi i le fale ma saunia se isi perofeta. O le igoa o lenei perofeta fou o Elisaia.

1 Tupu 19:15–18