Esoto 2–3

Mose le Perofeta

Na valaauina e faasa’oloto tagata a le Alii

Ua tupu a’e Mose o se atalii o le afafine o Farao. Sa vaaia e Mose le agaleaga o tagata Aikupito i tagata Isaraelu. Sa ia faanoanoa ua faia e tagata Aikupito ia Isaraelu ma a latou pologa.

Esoto 2:10–11

I se tasi aso na vaaia ai e Mose le tagata Aikupito ua fasia le tagata Isaraelu. Mo le puipuia o le tagata Isaraelu, na fasiotia ai e Mose le tagata Aikupito.

Esoto 2:11–14

Ina ua iloa e Farao, sa ia manao e fasioti ia Mose, ae na sola ese Mose mai Aikupito.

Esoto 2:15

Na alu Mose i le mea ua ta’ua o Mitiana, o iina na ia feiloai ai ma le tamaitai e igoa ia Sepora Sa la faaipoipo ma maua ai ni fanau.

Esoto 2:21–22

A o nofo ai i Mitiana, na vaaia ai e Mose se laau talatala o loo mumu, ae e le’i faaumatia e le afi le laau talatala. Ua faailoa mai le Alii i le afi mumu ma talanoa ia Mose.

Esoto 3:1–6

Na fetalai atu le Alii ua Ia silafia o tagata Isaraelu o loo nofopologa i Aikupito. Na Ia poloaiina Mose e toe foi i Aikupito ma ta’u atu ia Farao ia faasaolotoina Isaraelu. Na ta’u atu e le Alii o le a Ia fesoasoani ia Mose e faasaoloto ia Isaraelu ma taitai atu i latou i le laueleele o le folafolaga.

Esoto 3:7–18