“Raava ma Tagata Matavao ,” Tala o le Feagaiga Tuai (2022)
“Raava ma Tagata Matavao,” Tala o le Feagaiga Tuai
Raava ma Tagata Matavao
O se filifiliga e laveai ai se aiga
O se fafine e igoa ia Raava sa nofo i Ieriko a o lei faatoilaloina e Isaraelu. Sa ia faalogo na vaeluaina e le Alii le Sami Ulaula mo Isaraelu. Sa iloa e Raava o le a fesoasoani le Alii ia Isaraelu e tau faasaga i lona aai. Sa amioleaga tagata i Ieriko.
Sa taitai e le perofeta o Iosua le autau a Isaraelu. Sa ia auina atu ni tagata matavao se toalua i Ieriko. Peitai sa vaaia tagata matavao, ma sa auina atu e le tupu o Ieriko ni leoleo e pue faapagota i latou.
Na o mai tagata matavao i le fale o Raava. Sa malie Raava e fesoasoani i tagata matavao, o lea sa ia nanaina ai i laua i luga o le taualuga o lona fale.
Sa saili e tagata a le tupu le fale o Raava ae sa le mafai ona maua tagata matavao. Ina ua la tuua, sa fai atu Raava i tagata matavao e puipui lona aiga pe a o mai le latou autau e tau faasaga ia Ieriko. Sa folafola atu e tagata matavao ia Raava o le a saogalemu lona aiga. Ona togi lea e Raava se maea i fafo o lona faamalama mo tagata matavao e faaaoga e sosola ese ai.
Sa toe foi atu tagata matavao i le perofeta o Iosua ma tau atu i le autau a Isaraelu e aua nei afaina se tasi i le fale o Raava. Mulimuli ane, ina ua tau Isaraelu ma Ieriko, sa latou tausia la latou folafolaga ia Raava. O le lototele o Raava na faasaoina ai lona aiga. Sa faatasi atu lona aiga i le nuu o le Alii.