“O Isaraelu i le Vao,” Tala o le Feagaiga Tuai (2022)
“O Isaraelu i le Vao,” Tala o le Feagaiga Tuai
O Isaraelu i le Vao
Aoao e faalagolago i le Alii
E lei leva ona tuua e Isaraelu ia Aikupito, ae latou faitio i le le lava o a latou meaai. Sa latou fai mai e sili atu le avea ma pologa i Aikupito nai lo le matelaina i le vao.
Ina ia aoao Isaraelu e faalagolago ia te Ia, sa auina atu e le Alii le falaoa mai le lagi mo i latou e ao i aso taitasi. Sa latou faaigoaina le falaoa o le manai. Sa tofo e pei o le meli. E lei auina mai e le Alii le manai i le Sapati, le aso lona fitu o le vaiaso. O lea la, i le aso lona ono, sa Ia ta‘u atu ai ia i latou ia ao ia lava le manai mo aso e lua.
Mo se taimi, sa auina atu foi e le Alii salu mo Isaraelu e aai ai. I le taeao sa latou aoina le manai, ma i le afiafi sa latou aoina salu. Sa finagalo le Alii ia Isaraelu e aoao e faalagolago ia te Ia. I lea auala, sa Ia tausia ai i latou i le vao.