“Iakopo ma Lona Aiga,” Tala o le Feagaiga Tuai (2022)
“Iakopo ma Lona Aiga,” Tala o le Feagaiga Tuai
Kenese 27–33
Iakopo ma Lona Aiga
E faapefea e le Alii ona tausia Ana Folafolaga
Ua alu ese atu Iakopo mai lona fale e sola ese mai lona uso ita o Esau. Sa faamanuia e le tama ia Iakopo ia maua ma faaipoipo i se tamaitai e alofa i le Alii ma tausia Ana poloaiga.
A o malaga atu Iakopo, na asiasi atu le Alii ia te ia i se faaaliga. Na Ia folafola atu o le a faatasi ma Iakopo i taimi uma. Na folafola atu e Iakopo na te avatu i le Alii vaega e sefulua’i mea uma na te maua
Sa folafola atu e le Alii ia Iakopo o le a ia maua ni fanau e toatele. E auala atu i fanau a Iakopo, o aiga i le fogaelele o le a faamanuiaina ia latou iloa le Faaola. O le aiga o Iakopo i aso e gata ai ua ta’ua o le aiga o Isaraelu.
Kenese 28:3–4, 14; 1 Nifae 10:14
Ua malaga Iakopo i le nuu ua igoa ia Karana. O iina na alofa ai o ia i se tamaitai amiotonu o Rasela lona igoa.
Na malie Iakopo e faigaluega mo Lapana mo le fitu tausaga, pe a mafai e Lapana ona tuuina mai lona afafine o Rasela la te faaipoipo. Sa ioe i ai Lapana. Sa faigaluega Iakopo mo le fitu tausaga.
Sa manao Lapana i lona afafine matua o Lea e faaipoipo muamua. A o faia le faaipoipoga, na faatogafiti e Lapana ia Iakopo ma la faaipoipo ai ma Lea nai lo Rasela. Ae sa alofa lava Iakopo ia Rasela. Sa ia folafola atu e toe faigaluega mo le isi fitu tausaga pe a faapea la te faaipoipo foi ma ia. Sa malie Lapana, ma ua amata ona tupu le aiga o Iakopo.
Kenese 29:28–35; 30:3–13, 17–24; Iakopo 2:27–30
Sa le fetaui le totogi o Iakopo mai ia Lapana Ae sa faamanuia e le Alii ia Iakopo i le tele o ana manu ma fai atu ia Iakopo e toe fo’i i lona aiga.
Kenese 30:31, 43; 31:1-7, 17–18
A o malaga atu i lona aiga, na aoaoina e Iakopo o lona uso o Esau ma le 400 tagata o loo omai e faafetaiai ia te ia.
Sa manatu Iakopo o loo tumau pea le ita o Esau ia te ia. Sa popole Iakopo i le saogalemu o lona aiga, ona ia ave ai lea i se nofoaga saogalemu ma tatalo ai.
Sa tatalo Iakopo i le po atoa ma ua oo i le taeao. Na asiasi atu le Alii ia Iakopo ma faamanuia ia te ia. Na ta’u atu e le Alii ia Iakopo o le a avea o ia ma taitai maoae mo le toatele. Na suia e le Alii le igoa o Iakopo ia Isaraelu.
Mulimuli ane ua maua e Esau ma ana tagata ia Iakopo ma lona aiga. Ua le o toe i ai se ita o Esau ia Iakopo. Sa tamoe atu o ia e faafetaiai ia Iakopo ma fusi mai. Sa matuai fiafia lava o ia e vaai atu ia Iakopo ma feiloai ma lona aiga. Sa fiafia foi Iakopo e toe vaai atu ia Esau.
Na tausia e le Alii Lana folafolaga ia Iakopo i le aluga o lona olaga. Na taunuu Iakopo i lona aiga ma nonofo ai iina. Ma i lena taimi lava, na valaauina ai Iakopo o Isaraelu, ma o lona aiga ua taua o le nuu o Isaraelu. Sa ia faaauau pea ona tausia poloaiga ma auauna i le Alii.