Kenese 39–41

Iosefa i Aikupito

Ua avea se pologa ma se taitai

Sa faatauina atu Iosefa o se pologa i se tagata e igoa ia Potifara. Sa galue Potifara mo Farao, le taitai o Aikupito. Sa mafai ona iloa e Potifara sa fesoasoani le Alii ia Iosefa. Sa ia faatuatuaina Iosefa ma tuu o ia e vaaia lona fale ma mea uma sa ia umia.

Kenese 39:1–6

Sa fiafia le ava a Potifara ia Iosefa. Sa manao o ia ia soli e Iosefa ia poloaiga a le Alii faatasi ma ia. Sa ta‘u atu e Iosefa ia te ia e leai.

Kenese 39:7–10

Sa le faalogo le ava a Potifara, o lea na sola ese ai Iosefa. Sa ita o ia ia Iosefa.

Kenese 39:11–12

Sa ia faaali atu ia Potifara se fasi lavalava o Iosefa. Sa pepelo o ia ia Potifara e uiga ia Iosefa. Sa tuu e Potifara ia Iosefa i le falepuipui.

Kenese 39:13–20

Sa vavaeese Iosefa mai lona aiga. Ua avea o ia ma pologa, ma o lenei ua avea o ia ma pagota. Ae sa fesoasoani pea le Alii ia Iosefa. Ae e lei faavaivai ai Iosefa. Sa faamanuia e le Alii le leoleo o le falepuipui e vaai i le lelei o loo ia Iosefa. Sa amata ona faatuatuaina o ia e le leoleo, o lea na ia tuu ai Iosefa e vaaia isi pagota.

Kenese 39:21

Sa feiloai Iosefa i ni pagota se toalua, o se tagata fai meaai ma se tautu uaina, o e sa faigaluega mo Farao. Sa i ai uma ni a la miti uiga ese. E ala i le mana o le Alii, na faamalamalama atu ai e Iosefa le uiga o a latou miti. O le miti a le tautu uaina o lona uiga o le a faasaolotoina le tautu uaina. E tolu aso mulimuli ane, sa faasaolotoina o ia e toe galue mo Farao.

Kenese 39:22–2340:1–21

I se tasi aso sa le fiafia Farao i ana miti. Sa leai se tasi na mafai ona ta‘u atu ia te ia le uiga o ana miti.

Kenese 41:1–8

Ona manatua lea e le tautu uaina e mafai e Iosefa ona faamatalaina miti.

Kenese 41:9–13

Na aumai Iosefa i fafo o le falepuipui e faamatala miti a Farao. Na fai atu Iosefa o miti o lona uiga o le a fitu tausaga o Aikupito ma le tele o meaai e sosoo ai ma le fitu tausaga o le oge i nai meaai laiti lava. Sa ta‘u atu e Iosefa ia Farao e tatau i Aikupito ona faasaoina ni meaai faaopoopo i tausaga lelei.

Kenese 41:14–36

Sa iloa e Farao o le mea na fai atu ai Iosefa e uiga i ana miti e moni. Sa ia faasaolotoina Iosefa mai le falepuipui ma avea Iosefa ma se taitai maoae i Aikupito. Mo le fitu tausaga, sa fesoasoani ai Iosefa i Aikupito e teu ni meaai faaopoopo.

Kenese 41:37–53

Ona o’o mai lea o le oge. I le taimi lea, e leai se tasi na mafai ona toto se meaai. Sa malaga atu tagata i Aikupito e faatau mai meaai sa teuina e Iosefa. Ona o Iosefa, sa lava meaai na faasaoina e tagata Aikupito e fesoasoani ai ia i latou ma isi ia sao mai le oge.

Kenese 41:54–57