Lipōtí—Taimi Lōloa Tahá: Miniti ʻe 25
Ngaahi Tukupā ʻo e Uike Kuo ʻOsí
-
Akoako fakahoko mo vahevahe ʻa e tefitoʻi moʻoni Ko Hoku Fakavaʻé ʻo e uike kuo ʻosí.
-
Hoko atu hono tuku mavahe ha paʻanga ki heʻeku meʻa fakapaʻanga ʻoku fakamuʻomuʻá.
-
Aleaʻi ʻeku tali ki heʻeku “Vakaiʻi ʻo e Patisetí mo e Fakamolé” pea mo e teuteu ki he ngaahi palopalema fakapaʻangá he lolotonga ʻo e fakataha alēlea fakafāmilí.
-
Fetuʻutaki pea mo poupouʻi hoku hoa ngāué.
Sitepu 1: Vakaiʻi mo e Hoa Ngāué (miniti ʻe 5)
Fakaʻaongaʻi ha ngaahi miniti siʻi ke vakaiʻi ai hoʻomo ngāue ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Vakaiʻi ʻEku Ngaahi Ngāué” ʻi he kamataʻanga ʻo e tohi ngāue ko ʻení. Fevahevaheʻaki hoʻo vakaiʻí mo ho hoá pea aleaʻi mo ia ʻa e fehuʻi ʻi laló. Pea ʻe toki fakamoʻoni nounou leva ʻi he feituʻu ʻoku fakahaaʻi atú.
-
Aleaʻi:Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupā ʻi he uike ní?
Sitepu 2: Lipooti ki he Kulupú (miniti ʻe 8)
Hili hono vakaiʻi hoʻomo ngāué, toe fakataha mai ʻo lipooti hoʻomo ngaahi olá. Vilo takai ʻi he kulupú ke nau takitaha fakahā pe naʻe “kulokula,” “engeenga,” pe “lanumata” ʻenau tukupaá takitaha ʻi he uike kuo ʻosí.
Sitepu 3: Vahevahe Hoʻo ngaahi Aʻusiá (miniti ʻe 10)
Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.
-
- Aleaʻi:
-
Ko e hā ha ngaahi aʻusia naʻá ke maʻu ʻi hoʻo ako fakahoko pe vahevahe ʻa e tefitoʻi moʻoni Ko Hoku Fakavaʻé?
-
Naʻe fēfē hoʻomo aleaʻi hoʻo patisetí mo e fakamolé?
-
Ko e hā naʻá ke pehē te ke fai ke ke mateuteu lelei ange ai ki he ngaahi palopalema fakapaʻangá?
-
Sitepu 4: Fili ʻo e Ngaahi Hoa Ngāué (miniti ʻe 2)
Fili ha hoa ngāue mei he kulupú ki he uike ka hokó. Ko e ongo hoa ngāué, ʻi he angamahení, ko ha ongo tangata pe ongo fefine mei ha fāmilí kehekehe.
Tuku ha kiʻi miniti ke ke fakafeʻiloaki ai koe ki ho hoa ngāué. Mo fakafeʻiloaki ʻaki mo aleaʻi e founga ke mo fetuʻutaki ai he lolotonga ʻo e uiké.
Hingoa ʻo e hoa ngāué
Founga Fetuʻutaki ki aí
Hiki ʻa e founga mo e taimi te mo fetuʻutaki ai he uike ní.
|
Sāp |
Mōn |
Tūs |
Pul |
Tuʻa |
Fal |
Tok |
|---|---|---|---|---|---|---|