Faapaiaina o Tuugamau

O le faatinoina o lenei sauniga e manaomia ai le faatagaga mai se taitai perisitua o loo umia ia ki talafeagai pe o loo galue i lalo o le taitaiga a se tagata o loo umiaina na ki.

O le tagata e faapaiaina se tuugamau e tatau ona ia umia le Perisitua Mekisateko ma ua faatagaina e le taitai perisitua o loo taitaia le sauniga. Ina ia faapaiaina se tuugamau, na te:

Faalupe le Tama Faalelagi.
Ta’u atu faapea o loo ia faia i le pule o le Perisitua Mekisateko.
Ia faapaia ma faamanuia le tuugamau e avea ma nofoaga e malolo i ai le tino o le ua maliu.
Tatalo ina ia faapaiaina ma puipuia le nofoaga seia oo i le Toetu (i vaega e talafeagai ai).
Ole atu i le Alii ina ia faamafanafana i le aiga ma faailoa atu mafaufauga e pei ona taitaia ai e le Agaga.
Faaiu i le suafa o Iesu Keriso.

Afai e mananao ai le aiga, e mafai ona faia se tatalo i autafa o le tuugamau nai lo le faia o se tatalo o le faapaiaga.

Afai e susunuina le tino maliu o se tagata o le Ekalesia, e mafai e le taitai pulefaamalumalu ona faaaoga lana faautautaga i le fuafuaina pe faapaia le nofoaga e teu ai le lefulefu. Na te silasila i le manaoga o le aiga, o tu ma agaifanua, ma tulafono i le lotoifale. Afai e faapaia le nofoaga, e mafai e le o umia le perisitua ona fetuunai ia faatonuga mo le faapaiaina o se tuugamau.