Faapaiaina o Fale

E mafai e tagata o le Ekalesia ona faapaiaina o latou fale e avea ma nofoaga paia e mafai ona afio ai le Agaga Paia ma mafai ai e tagata o le aiga ona tapuai, maua ai le saogalemu mai le lalolagi, e tutupu ae ai faaleagaga, ma saunia ai mo sootaga faaleaiga e faavavau. E le tau manaomia le faapea se’i leai se aitalafu o le fale ona faapaiaina lea. E le pei o fale o le Ekalesia, o fale o aiga e le faapaiaina mo le Alii.

E mafai e se tasi o umia le Perisitua Mekisateko ona faapaia se fale i le mana o le perisitua. Afai e leai se tasi o umia le Perisitua Mekisateko i le fale, e mafai e se aiga ona valaaulia se tagata e vavalalata le sootaga faaleaiga, se uso o le auaunaga, po o se tasi tagata e umia le Perisitua Mekisateko na te faapaiaina le fale. E mafai foi ona potopoto se aiga ma faia se tatalo e aofia ai ia elemene o loo ta’ua i le parakalafa na muamua, ma isi upu e taitaiina ai e le Agaga.