Faaigoaina ma le Faamanuiaina o Fanau

O le faatinoina o lenei sauniga e manaomia ai le faatagaga mai se taitai perisitua o loo umia ia ki talafeagai pe o loo galue i lalo o le taitaiga a se tagata o loo umiaina na ki.

Taiala Lautele

“E tatau i tagata taitoatasi o le ekalesia a Keriso ua i ai fanau, ona aumai i latou i toeaina i luma o le ekalesia, o e e tatau ona faaee o latou lima i luga o i latou i le suafa o Iesu Keriso, ma faamanuiaina i latou i lona suafa” (Mataupu Faavae ma Feagaiga 20:70). Ina ia ogatasi ma lenei faaaliga, ua na o ē umia le Perisitua Mekisateko e mafai ona auai i le faaigoaina ma le faamanuiaina o fanau. E tatau i taitai perisitua ona logoina tagata o le ekalesia i lenei faatonuga a o lei faaigoaina ma faamanuiaina a latou fanau. A o tausia le natura mamalu o le faamanuiaga, e tatau i taitai ona faia ia taumafaiga lelei uma ina ia taofia ai le faamaina po o le faatiga i tagata taitoatasi po o aiga.

E masani lava ona faaigoa ma faamanuiaina fanau i le taimi o le sauniga anapogi ma molimau i le uarota o loo i ai pepa faamaumau o matua.

Faatonuga mo le Faaigoaina ma le Faamanuiaina o se Tamaitiiti

A faamanuia se pepe, e faapotopoto i se li’o i latou e umia le Perisitua Mekisateko ma tuu o latou lima i lalo o le pepe. A faamanuia se tamaitiiti matua, e tuu faamama e uso o latou lima i luga o le ulu o le tamaitiiti. O le tagata na te tuuina atu le faamanuiaga e:

1. Faalupe le Tama Faalelagi.

2. Ta’u atu o le faamanuiaga o loo faatinoina e ala i le pule o le Perisitua Mekisateko.

3. Tuu atu i le tamaitiiti se igoa.

4. Tuuina atu upu o le faamanuiaga e pei ona taitaiina ai e le Agaga.

5. Faaiu i le suafa o Iesu Keriso.