Faamanuiaga Faatamā ma isi Faamanuiaga o le Faamafanafanaga ma Fautuaga

O faamanuiaga faatamā ma isi faamanuiaga o le perisitua e tuuina atu e avea ma taiala ma faamafanafanaga e pei ona taialaina ai e le Agaga.

O se tama e umia le Perisitua Mekisateko e mafai ona tuuina atu ia faamanuiaga i lana fanau. O nei faamanuiaga e mafai ona faapitoa le aoga pe a o atu fanau i le aoga, o misiona, faaipoipo, ulufale atu e tautua i le militeli, po o le feagai ai ma ni luitau faapitoa. E mafai e se aiga ona tusifaamaumau se faamanuiaga faatama mo faamaumauga faaleaiga, peitai e le teuina i faamaumauga a le Ekalesia. E tatau i matua ona fautuaina a latou fanau e saili atu faamanuiaga faatama i taimi e moomia ai.

E mafai e i latou o loo umia le Perisitua Mekisateko ona tuuina atu foi ia faamanuiaga o le faamafanafanaga ma fautuaga i isi tagata o le aiga ma isi e talosagaina i latou.

Ina ia tuuina atu se faamanuiaga faatamā po o se isi faamanuiaga o le faamafanafanaga ma fautuaga, e toatasi pe sili atu i latou e umia le Perisitua Mekisateko e tuu faamama o latou lima i luga o le ulu o le tagata. O le perisitua o loo tuuina atu le faamanuiaga na te:

1. Ta’u le tagata i lona igoa atoa.

2. Ta’u atu o le faamanuiaga o loo faatinoina e ala i le pule o le Perisitua Mekisateko.

3. Tuuina atu upu o le faamanuiaga e pei ona taitaiina ai e le Agaga.

4. Faaiu i le suafa o Iesu Keriso.