“Tāpuakiʻi ʻo e Faʻitoká,” Ngaahi Ouau mo e Tāpuaki ʻo e Lakanga Fakataulaʻeikí (2018).
“Tāpuakiʻi ʻo e Faʻitoká,” Ngaahi Ouau mo e Tāpuaki ʻo e Lakanga Fakataulaʻeikí.
Ko Hono Tāpuakiʻi ʻo e Faʻitoká
ʻOku fie maʻu ki hono fakahoko ʻo e ouau ko ʻení hano fakamafaiʻi mei ha taki lakanga fakataulaʻeiki ʻokú ne maʻu ʻa e ngaahi kī totonú pe ʻoku ngāue ʻi he malumalu ʻo ha taha ʻokú ne maʻu ʻa e ngaahi kī ko iá.
ʻOku totonu ke maʻu ʻe ha tokotaha ʻokú ne tāpuakiʻi ha faʻitoka ʻa e Lakanga Taulaʻeiki Faka-Melekisētekí mo fakamafaiʻi ʻe he ʻōfisa lakanga fakataulaʻeiki ʻokú ne tataki ʻa e ouaú. Ke tāpuakiʻi ʻa e faʻitoká, te ne:
-
Fakataufolofola ki he Tamai Hēvaní.
-
Fakahaaʻi ʻokú ne fakahoko ʻeni ʻi he mafai ʻo e Lakanga Taulaʻeiki Faka-Melekisētekí.
-
Tāpuakiʻi mo fakatapui ʻa e konga kelekele ʻe telio aí ko ha mālōlōʻanga ki he sino ʻo e pekiá.
-
Lotu ke fakatapui mo maluʻi ia kae ʻoua ke hoko ʻa e Toetuʻú (ʻi he ngaahi feituʻu ʻoku taau ke fai ai ʻení).
-
Kole ki he ʻEikí ke ne fakafiemālieʻi ʻa e fāmilí mo fakahaaʻi ha ngaahi fakakaukau ʻo fakatatau mo hono fakahinohino ʻe he Laumālié.
-
Fakaʻosi ʻi he huafa ʻo Sīsū Kalaisí.
Kapau ko e loto ia ʻo e fāmilí, pea ʻe lava ke fai pē ha lotu he veʻe faʻitoká kae ʻikai ko ha lotu fakatapui.
Kapau ʻoku fakamomofi ha sino ʻo ha mēmipa ʻo e Siasí, ʻe ngāue ʻaki ʻe he maʻu mafai pulé ʻene fakakaukau lelei tahá ʻi hono fakafuofuaʻi pe ʻe fakatapui ʻa e feituʻu ʻe tauhi ai ʻa e efuefú. Te ne fakakaukauʻi ʻa e loto ʻo e fāmilí, ngaahi ʻulungāanga fakafonuá mo e ngaahi lao fakalotofonuá. Kapau ʻoku tāpuakiʻi ʻa e feituʻú, ʻe lava ke fulihi ʻe he tokotaha maʻu lakanga fakataulaʻeikí ʻa e ngaahi fakahinohino ki hono tāpuakiʻi ʻo e faʻitoká.