“Fakatapui ʻo e Ngaahi ʻApí,” Ngaahi Ouau mo e Ngaahi Tāpuaki ʻo e Lakanga Fakataulaʻeikí (2018).
“Fakatapui ʻo e Ngaahi ʻApí,” Ngaahi Ouau mo e Ngaahi Tāpuaki ʻo e Lakanga Fakataulaʻeikí.
Fakatapui ʻo e Ngaahi ʻApí
ʻE lava pē ke fakatapui ʻe he kāingalotu ʻo e Siasí honau ngaahi ʻapi nofoʻangá ke hoko ko ha ngaahi fale toputapu ke lava ʻo nofoʻia ʻe he Laumālié pea lava ke lotu ai ʻa e kau mēmipa ʻo e fāmilí, malu ai mei māmani, tupulaki fakalaumālie ai, mo teuteu ki he feohi fakafāmili taʻengatá. ʻOku ʻikai fie maʻu ia ke ʻosi totongi kotoa ʻa e ngaahi moʻua ʻo e ʻapi-nofoʻangá kae toki lava ʻo fakatapui. ʻOku ʻikai fakatapui ʻa e ngaahi ʻapi nofoʻangá ki he ʻEikí, ʻo hangē ko e ngaahi falelotu ʻo e Siasí.
ʻE lava ʻe ha tokotaha maʻu Lakanga Taulaʻeiki Faka-Melekisēteki ʻo fakatapui ha ʻapi nofoʻanga ʻi he mālohi ʻo e lakanga fakataulaʻeikí. Kapau ʻoku ʻikai ke ʻi ai ha taha maʻu Lakanga Taulaʻeiki Faka-Melekisēteki ʻi he ʻapí, ʻe lava ʻe he fāmilí ʻo fakaafeʻi hanau kāinga ofi, ha tangata ngāue fakaetauhi, pe ha taha maʻu Lakanga Taulaʻeiki Faka-Melekisēteki kehe ke ne fakatapui ʻa e ʻapi nofoʻangá. Pe ko ha fakatahataha pē ʻa e fāmilí ʻo fai ha lotu ʻo kau ai ʻa e ngaahi meʻa ʻoku fakamatala ki ai ʻi he palakalafi ʻi ʻolungá mo ha ngaahi fakalea kehe ʻo fakatatau mo e fakahinohino ʻa e Laumālié.