“ຂ່າວສານຈາກຝ່າຍປະທານສູງສຸດ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ: ສຳລັບທຸກຄົນທີ່ສິດສອນຢູ່ໃນບ້ານ ແລະ ໃນສາດສະໜາຈັກ (2022)
“ຂ່າວສານຈາກຝ່າຍປະທານສູງສຸດ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ
ຂ່າວສານຈາກຝ່າຍປະທານສູງສຸດ
ອ້າຍເອື້ອຍນ້ອງທີ່ຮັກແພງ,
ຊ່າງເປັນໂອກາດທີ່ດີເລີດແທ້ໆ ທີ່ທ່ານຈະໄດ້ສິດສອນພຣະກິດຕິຄຸນຂອງພຣະເຢຊູຄຣິດ! ບໍ່ວ່າທ່ານໄດ້ຮັບການເອີ້ນສະເພາະເພື່ອສິດສອນຫລືບໍ່, ແຕ່ທ່ານ ເປັນ ຄູສອນຄົນໜຶ່ງ. ໃນຖານະສານຸສິດຂອງພຣະອາຈານ, ພຣະເຢຊູຄຣິດ, ທ່ານມີໂອກາດໃຫ້ແບ່ງປັນຄວາມສະຫວ່າງຂອງພຣະອົງ ບ່ອນໃດກໍຕາມທີ່ທ່ານໄປຫາ—ໃນບ້ານ, ທີ່ໂບດ, ຂະນະທີ່ທ່ານປະຕິບັດສາດສະໜາກິດຕໍ່ຄົນອື່ນ, ແລະ ໃນທ່າມກາງໝູ່ເພື່ອນຂອງທ່ານ. ການສິດສອນພຣະກິດຕິຄຸນເປັນຄວາມໄວ້ວາງໃຈທີ່ສັກສິດ. ມັນເປັນພາກສ່ວນທີ່ສຳຄັນໃນວຽກງານຂອງພຣະຜູ້ເປັນເຈົ້າ, ແລະ ມັນໄດ້ຜົນດີທີ່ສຸດເມື່ອເຮົາເຮັດຕາມວິທີຂອງພຣະອົງ.
ພວກເຮົາຂໍເຊື້ອເຊີນໃຫ້ທ່ານຮຽນຮູ້ຕື່ມກ່ຽວກັບພຣະເຢຊູຄຣິດ ແລະ ວິທີທີ່ພຣະອົງໄດ້ສິດສອນພຣະກິດຕິຄຸນ. ຈົ່ງສຶກສາພຣະຄຳ, ການກະທຳ, ແລະ ຄຸນລັກສະນະຂອງພຣະອົງດ້ວຍການອະທິຖານ, ແລະ ພະຍາຍາມຕິດຕາມພຣະອົງຢ່າງໃກ້ຊິດ. ການສິດສອນໃນວິທີຂອງພຣະຜູ້ຊ່ວຍໃຫ້ລອດ ສາມາດເປັນແນວທາງໃຫ້ທ່ານໄດ້.
ຝ່າຍປະທານສູງສຸດ