“ຈຸດປະສົງຂອງ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ: ສຳລັບທຸກຄົນທີ່ສິດສອນຢູ່ໃນບ້ານ ແລະ ໃນສາດສະໜາຈັກ (2022)
“ຈຸດປະສົງຂອງ ການສິດສອນໃນວິທີຂອງພຣະຜູ້ຊ່ວຍໃຫ້ລອດ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ
ຈຸດປະສົງຂອງ ການສິດສອນໃນວິທີຂອງພຣະຜູ້ຊ່ວຍໃຫ້ລອດ
ຫລັກທຳທີ່ບັນຍາຍຢູ່ໃນແຫລ່ງຊ່ວຍນີ້ສາມາດຊ່ວຍໃຫ້ຄູສອນພຣະກິດຕິຄຸນທຸກຄົນ ສິດສອນໃນວິທີຂອງພຣະຜູ້ຊ່ວຍໃຫ້ລອດ. ນັ້ນລວມທັງພໍ່ແມ່, ອ້າຍນ້ອງ ແລະ ເອື້ອຍນ້ອງຜູ້ປະຕິບັດສາດສະໜາກິດ, ຄູສອນຫ້ອງຮຽນ ແລະ ສະຖາບັນສາດສະໜາ, ແລະ ທຸກຄົນທີ່ການເອີ້ນໃນສາດສະໜາຈັກໃຫ້ໂອກາດເຂົາເຈົ້າໄດ້ສິດສອນ.
ທ່ານສາມາດສຶກສາແຫລ່ງຊ່ວຍນີ້ດ້ວຍຕົວເອງ ຫລື ໃຊ້ມັນເພື່ອນຳພາການສົນທະນາກັບຄົນອື່ນກ່ຽວກັບວິທີທີ່ຈະກາຍເປັນຄູສອນທີ່ດີກວ່າເກົ່າ. ຍົກຕົວຢ່າງ, ແຫລ່ງຊ່ວຍນີ້ສາມາດຖືກນຳໃຊ້ຢູ່ໃນການສັງສັນໃນຕອນແລງ, ການປະຊຸມຝ່າຍປະທານ, ການປະຊຸມສະພາຫວອດ ຫລື ສະເຕກ, ການປະຊຸມຫ້ອງຮຽນ ແລະ ສະຖາບັນສາດສະໜາໃນການຮັບໃຊ້, ແລະ ການປະຊຸມສະພາຄູສອນ (ເບິ່ງ “ສຳລັບຜູ້ນຳ—ການຊ່ວຍໃຫ້ຄູສອນປະສົບຜົນສຳເລັດ”).
ການຈັດລຽງແຫລ່ງຊ່ວຍນີ້
ພາກທີ 1 ເນັ້ນໜັກຄວາມສຳຄັນຂອງການສຸມໃສ່ພຣະເຢຊູຄຣິດ ເມື່ອໃດກໍຕາມທີ່ເຮົາສິດສອນຫລັກທຳພຣະກິດຕິຄຸນຂອງພຣະອົງ. ພາກນີ້ບັນຍາຍ ສິ່ງ ທີ່ເຮົາສິດສອນ.
ພາກທີ 2 ເນັ້ນໜັກຫລັກທຳຂອງການສິດສອນເໝືອນດັ່ງພຣະຄຣິດ. ພາກນີ້ບັນຍາຍ ວິທີ ທີ່ເຮົາສິດສອນ.
ພາກທີ 3 ໃຫ້ຄຳແນະນຳພາກປະຕິບັດເພື່ອຊ່ວຍຄູສອນ ນຳໃຊ້ ຫລັກທຳຂອງການສິດສອນເໝືອນດັ່ງພຣະຄຣິດ.
ພາບລວມຂອງການສິດສອນເໝືອນດັ່ງພຣະຄຣິດ
ຕາຕະລາງດັ່ງຕໍ່ໄປນີ້ໃຫ້ພາບລວມກ່ຽວກັບຫລັກທຳທີ່ສິດສອນຢູ່ໃນແຫລ່ງຊ່ວຍນີ້.