“ພາບລວມຂອງການສິດສອນເໝືອນດັ່ງພຣະຄຣິດ,” ການສິດສອນໃນວິທີຂອງພຣະຜູ້ຊ່ວຍໃຫ້ລອດ (2022)
ພາບລວມຂອງການສິດສອນເໝືອນດັ່ງພຣະຄຣິດ
ຕາຕະລາງດັ່ງຕໍ່ໄປນີ້ໃຫ້ພາບລວມກ່ຽວກັບຫລັກທຳທີ່ສິດສອນຢູ່ໃນແຫລ່ງຊ່ວຍນີ້.
ສຸມໃສ່ພຣະເຢຊູຄຣິດ
ສິດສອນກ່ຽວກັບພຣະເຢຊູຄຣິດ ບໍ່ວ່າທ່ານກຳລັງສິດສອນຫຍັງ
-
ເນັ້ນໜັກຕົວຢ່າງຂອງພຣະເຢຊູຄຣິດ.
-
ສິດສອນກ່ຽວກັບຕຳແໜ່ງ, ບົດບາດ, ແລະ ຄຸນລັກສະນະຂອງພຣະເຢຊູຄຣິດ.
-
ຊອກຫາສັນຍາລັກທີ່ເປັນພະຍານເຖິງພຣະເຢຊູຄຣິດ.
ຊ່ວຍໃຫ້ຜູ້ຮຽນມາຫາພຣະເຢຊູຄຣິດ
-
ຊ່ວຍໃຫ້ຜູ້ຮຽນຮັບຮູ້ຄວາມຮັກ, ອຳນາດ, ແລະ ຄວາມເມດຕາຂອງພຣະຜູ້ເປັນເຈົ້າ ໃນຊີວິດຂອງເຂົາເຈົ້າ.
-
ຊ່ວຍໃຫ້ຜູ້ຮຽນເພີ່ມຄວາມເຂັ້ມແຂງໃຫ້ແກ່ຄວາມສຳພັນຂອງເຂົາເຈົ້າກັບພຣະບິດາເທິງສະຫວັນ ແລະ ພຣະເຢຊູຄຣິດ.
-
ຊ່ວຍໃຫ້ຜູ້ຮຽນຕັ້ງໃຈພະຍາຍາມເປັນເໝືອນດັ່ງພຣະເຢຊູຄຣິດຫລາຍຂຶ້ນ.
ຫລັກທຳຂອງການສິດສອນເໝືອນດັ່ງພຣະຄຣິດ
ຮັກຜູ້ທີ່ທ່ານສິດສອນ
-
ເຫັນຜູ້ຮຽນແບບທີ່ພຣະເຈົ້າເຫັນເຂົາເຈົ້າ.
-
ສະແຫວງຫາທີ່ຈະຮູ້ຈັກເຂົາເຈົ້າ—ເຂົ້າໃຈສະຖານະການ, ຄວາມຕ້ອງການ, ແລະ ຄວາມເຂັ້ມແຂງຂອງເຂົາເຈົ້າ.
-
ອະທິຖານເພື່ອເຂົາເຈົ້າໂດຍກ່າວຊື່.
-
ສ້າງສະພາບແວດລ້ອມທີ່ປອດໄພ ບ່ອນທີ່ທຸກຄົນໄດ້ຮັບຄວາມເຄົາລົບນັບຖື ແລະ ຮູ້ວ່າການມີສ່ວນຮ່ວມຂອງເຂົາເຈົ້ານັ້ນມີຄຸນຄ່າ.
-
ຊອກຫາວິທີທີ່ເໝາະສົມໃນການສະແດງຄວາມຮັກຂອງທ່ານ.
ສິດສອນໂດຍພຣະວິນຍານ
-
ກະກຽມຕົວເອງທາງວິນຍານ.
-
ພ້ອມສະເໝີທີ່ຈະຕອບຮັບການກະຕຸ້ນທາງວິນຍານກ່ຽວກັບຄວາມຕ້ອງການຂອງຜູ້ຮຽນ.
-
ສ້າງສະພາບແວດລ້ອມ ແລະ ໂອກາດສຳລັບຜູ້ຮຽນເພື່ອຮັບການສິດສອນໂດຍພຣະວິນຍານບໍລິສຸດ.
-
ຊ່ວຍໃຫ້ຜູ້ຮຽນສະແຫວງຫາ, ຮັບຮູ້, ແລະ ກະທຳຕາມການເປີດເຜີຍສ່ວນຕົວ.
-
ສະແດງປະຈັກພະຍານເລື້ອຍໆ, ແລະ ເຊື້ອເຊີນໃຫ້ຜູ້ຮຽນແບ່ງປັນຄວາມຮູ້ສຶກ, ປະສົບການ, ແລະ ປະຈັກພະຍານຂອງເຂົາເຈົ້າ.
ສິດສອນຄໍາສອນ
-
ຮຽນຮູ້ຄຳສອນຂອງພຣະເຢຊູຄຣິດເພື່ອຕົວທ່ານເອງ.
-
ສິດສອນຈາກພຣະຄຳພີ ແລະ ຖ້ອຍຄຳຂອງສາດສະດາຍຸກສຸດທ້າຍ.
-
ຊ່ວຍໃຫ້ຜູ້ຮຽນສະແຫວງຫາ, ຮັບຮູ້, ແລະ ເຂົ້າໃຈຄວາມຈິງຢູ່ໃນພຣະຄຳພີ.
-
ສຸມໃສ່ຄວາມຈິງທີ່ນຳໄປສູ່ການປ່ຽນໃຈເຫລື້ອມໃສ ແລະ ສ້າງສັດທາໃນພຣະເຢຊູຄຣິດ.
-
ຊ່ວຍໃຫ້ຜູ້ຮຽນພົບເຫັນຄວາມກ່ຽວຂ້ອງສ່ວນຕົວໃນຄຳສອນຂອງພຣະເຢຊູຄຣິດ.
ເຊື້ອເຊີນການຮຽນຮູ້ທີ່ພາກພຽນ
-
ຊ່ວຍໃຫ້ຜູ້ຮຽນຮັບຜິດຊອບຕໍ່ການຮຽນຮູ້ຂອງເຂົາເຈົ້າ.
-
ຊຸກຍູ້ໃຫ້ຜູ້ຮຽນມາຮູ້ຈັກພຣະຜູ້ຊ່ວຍໃຫ້ລອດໂດຍການສຶກສາພຣະກິດຕິຄຸນທຸກວັນ.
-
ເຊື້ອເຊີນໃຫ້ຜູ້ຮຽນກະກຽມທີ່ຈະຮຽນຮູ້.
-
ຊຸກຍູ້ໃຫ້ຜູ້ຮຽນແບ່ງປັນຄວາມຈິງທີ່ເຂົາເຈົ້າກຳລັງຮຽນຮູ້.
-
ເຊື້ອເຊີນໃຫ້ຜູ້ຮຽນດຳລົງຊີວິດຕາມສິ່ງທີ່ເຂົາເຈົ້າກຳລັງຮຽນຮູ້.