பிரதான தலைமையிலிருந்து செய்தி

அன்பான சகோதர சகோதரிகளே,

இயேசு கிறிஸ்துவின் சுவிசேஷத்தை நீங்கள் கற்பிக்கவேண்டுமென்பது எத்தகைய ஒரு மகிமையான வாய்ப்பு! கற்பிக்க உங்களுக்கு ஒரு குறிப்பிட்ட அழைப்பு இருக்கிறதோ இல்லையோ நீங்கள் ஒரு ஆசிரியர். முதன்மை ஆசிரியரான இயேசு கிறிஸ்துவின் சீஷராக, நீங்கள் எங்கு சென்றாலும், வீட்டில், சபையில், மற்றவர்களுக்கு ஊழியம் செய்யும்போது, உங்கள் நண்பர்களிடையே அவருடைய ஒளியைப் பகிர்ந்துகொள்ள உங்களுக்கு வாய்ப்புகள் உள்ளன. சுவிசேஷத்தைக் கற்பிப்பது ஒரு பரிசுத்தமான நம்பிக்கை. இது கர்த்தருடைய பணியின் இன்றியமையாத பகுதியாகும், அவருடைய வழியில் நாம் அதைச் செய்யும்போது அது சிறப்பாகச் செயல்படுகிறது.

இயேசு கிறிஸ்துவைப்பற்றியும் அவர் எவ்வாறு சுவிசேஷத்தைப் போதித்தார் என்பதைப்பற்றியும் மேலும் அறிய நாங்கள் உங்களை அழைக்கிறோம். அவருடைய வார்த்தைகள், அவருடைய செயல்கள் மற்றும் அவருடைய பண்புகளை ஜெபத்துடன் படித்து, அவரை இன்னும் நெருக்கமாகப் பின்பற்ற முயற்சி செய்யுங்கள். இரட்சகரின் வழியில் போதித்தல் உங்கள் வழிகாட்டியாக இருக்க முடியும்.

பிரதான தலைமை