பிள்ளைகளுடன் இயேசு அமர்ந்திருத்தல்

இயேசு கிறிஸ்துவின் சுவிசேஷத்தைக் கற்பிப்பவர்களாக, மற்றவர்கள் புரிந்துகொள்ளவும், அவருடைய போதனைகள், வல்லமை மற்றும் அன்பின் மீது சார்ந்திருக்கவும் நாம் உதவுகிறோம்.

இயேசு கிறிஸ்துவண்டை வர கற்பவர்களுக்கு உதவுங்கள்

பரலோக பிதாவையும் இயேசு கிறிஸ்துவையும் அறிந்துகொள்வதற்கும் அவர்களின் அன்பை உணருவதற்கும் உதவுவதை விட ஆசிரியராக நீங்கள் செய்யும் எதுவும் கற்பவர்களை ஆசீர்வதிக்காது (யோவான் 17:3 பார்க்கவும்). பரலோக பிதாவையும் இயேசு கிறிஸ்துவையும் அறிந்துகொள்ளவும் நேசிக்கவும் உங்களுக்கு உதவிய அனுபவங்களை நினைத்துப் பாருங்கள். அவர்களின் பண்புகள், வல்லமை மற்றும் அன்பைப்பற்றி அறிய நீங்கள் என்ன செய்தீர்கள்? பரலோக பிதா மற்றும் இயேசு கிறிஸ்துவின் மீதான உங்கள் அன்பு உங்களுக்கு எவ்வாறு மகிழ்ச்சியைத் தந்தது? பின்னர், நீங்கள் கற்பிக்கும் ஒவ்வொரு நபருக்கும் அவர்களின் அன்பும் வல்லமையும் என்ன செய்ய முடியும் என்று சிந்தியுங்கள். (ஆல்மா 26:16: மோசே 5:11 பார்க்கவும்.)

நமது பரலோக பிதாவைப் போல் அதிகமாக ஆகி, அவரிடம் திரும்புவதே இந்த வாழ்க்கையில் நமது இறுதி இலக்கு. அந்த இலக்கை நாம் நிறைவேற்றுவதற்கான வழி இயேசு கிறிஸ்துவண்டை வருவதே (யோவான் 14:6 பார்க்கவும்). அதனால்தான், நேபி தீர்க்கதரிசி கற்பித்தது போல், “நாங்கள் கிறிஸ்துவைப்பற்றி பேசுகிறோம், கிறிஸ்துவில் களிகூருகிறோம்” (2 நேபி 25:26).

தேவனின் ஒவ்வொரு பிள்ளைக்கும் இரட்சகரிடமிருந்து வரும் ஒளியும் சத்தியமும் தேவை, அதற்குப் பதிலளிக்க அவர்கள் தேர்ந்தெடுக்கலாம். இயேசு கிறிஸ்துவின் சுவிசேஷத்தைக் கற்பிப்பவராக இருப்பதென்றால், அவருடைய போதனைகள், மீட்பின் வல்லமை மற்றும் பரிபூரண அன்பு ஆகியவற்றைப் புரிந்துகொண்டு அதன்மீது சார்ந்திருக்க மற்றவர்களுக்கு உதவுவதாகும். இயேசு கிறிஸ்துவை நன்கு அறிந்து அவரைப் பின்தொடர மற்றவர்களை ஊக்குவிக்க பின்வரும் யோசனைகள் உங்களுக்கு எவ்வாறு உதவும் என்பதைக் கருத்தில் கொள்ளுங்கள்.

தங்களுடைய வாழ்க்கையில் கர்த்தருடைய அன்பை, வல்லமையை மற்றும் இரக்கத்தை அடையாளம் காண கற்பவர்களுக்கு உதவுங்கள்

இரட்சகரின் அன்பு, வல்லமை மற்றும் இரக்கத்தைப்பற்றி அறிந்து கொள்வது நல்லது, ஆனால் நாமும் அதை அனுபவிக்க வேண்டும். அவர் எவ்வாறு மக்களை ஆசீர்வதித்தார், குணப்படுத்தினார் என்பதை வேதங்களில் பார்ப்பது, அவர் நம்மை ஆசீர்வதித்து குணப்படுத்துவார் என்ற அதிக விசுவாசத்தை வளர்க்க உதவுகிறது. உதாரணமாக, நம்முடைய சொந்த சிங்கங்களின் குகை போன்றதை எதிர்கொள்ளும்போது கர்த்தரை நம்பும்படி அது நமக்கு உணர்த்தவில்லை என்றால் தானியேலின் அனுபவங்களைப்பற்றி அறிந்துகொள்வது முழுமையடையாது. .

கற்பவர்களுக்கு தேவனின் “உருக்கமான இரக்கங்களை” (1 நேபி 1:20) அடையாளம் காண நீங்கள் உதவுவதால், கர்த்தர் அவர்களுடன் இருக்கிறார், அவர்களுடன் அன்பாக நிற்பார் என்பதை வேதங்களிலும், அவர்களது சொந்த அனுபவங்களிலும், அவர்கள் உணருவார்கள், அறிந்துகொள்வார்கள், (கோட்பாடும் உடன்படிக்கைகளும் 68:6 பார்க்கவும்). அவர்கள் தங்கள் தனிப்பட்ட தேவைகளிலும் சூழ்நிலைகளிலும் தேவனின் அன்பு மற்றும் இரக்கத்தின் யதார்த்தத்தையும் கண்டு உணருவார்கள்.

மலைப்பிரசங்கத்தை இயேசு வழங்கிக்கொண்டிருத்தல்

இரட்சகருடைய அன்பை, வல்லமையை மற்றும் இரக்கத்தை அனுபவிக்க, கற்பவர்களுக்கு ஆசிரியர்கள் உதவலாம்.

பரலோக பிதாவுடனும் இயேசு கிறிஸ்துவுடனும் தங்களுடைய உறவைப் பெலப்படுத்த கற்பவர்களுக்கு உதவுங்கள்

இயேசு கிறிஸ்துவைப்பற்றி கற்பித்தல் மற்றும் கற்றுக்கொள்வதன் நோக்கம், ஒவ்வொரு நபரும் அவருடனும் நமது பரலோக பிதாவுடனும் நெருங்கி வர உதவுவதாகும். நீங்கள் கற்பிக்கும் நபர்களுக்கு அந்த நோக்கத்தின் பார்வையை ஒருபோதும் இழக்காமல் இருக்க உதவுங்கள். வேதவசனங்களைப் படிப்பதன் மூலமும், தொடர்ந்து மனந்திரும்புவதன் மூலமும், ஜெபத்தில் பிதாவிடம் பேசுவதன் மூலமும், பிதா மற்றும் குமாரனைப்பற்றி சாட்சியமளிப்பதன் மூலமும் பரலோக பிதாவுடனும் இயேசு கிறிஸ்துவுடனும் தங்கள் உறவை வலுப்படுத்த அவர்களை ஊக்குவியுங்கள். உடன்படிக்கைகளை உருவாக்குவதும் கடைப்பிடிப்பதும் அவர்களுடன் நம்மை எவ்வாறு பிணைக்கிறது என்பதை வார்த்தை மற்றும் எடுத்துக்காட்டு மூலம் கற்பவர்களுக்கு கற்பிக்கவும். நாம் அவர்களுக்கு எவ்வளவு விலையேறப்பெற்றவர்கள் மற்றும் அன்பானவர்கள் என்பதை அறிய அவர்களுக்கு உதவுங்கள். இயேசு கிறிஸ்துவின் பரிபூரண பாவநிவர்த்தியின் மூலம், நம் பிதாவிடம் திரும்புவதற்கான ஒரே வழி அவரே என்ற அவர்களின் விசுவாசத்தைப் பலப்படுத்துங்கள். “பிதா மற்றும் குமாரனைப்பற்றி சாட்சி கொடுக்கிற ” பரிசுத்த ஆவியின் சாட்சியைப் பெற கற்பவர்களுக்கு வாய்ப்புகளை வழங்கவும். (மோசே 5:9).

இயேசு கிறிஸ்துவைப் போலிருக்க மனமுவந்து முயற்சி செய்ய கற்பவர்களுக்கு உதவுங்கள்

இறுதியாக, இயேசு கிறிஸ்துவைப்பற்றிக் கற்றுக்கொள்ளுதல்,அதிகமாக அவரைப் போலாக நமக்கு உணர்த்துகிறது. ஆனால், அவருடைய முன்மாதிரியைப் பின்பற்றி அவருடைய கிருபையைப் பெறுவதற்கு வேண்டுமென்றே தேர்ந்தெடுப்புகளை செய்வதன் மூலம், வகுப்பிற்கு உள்ளேயும் வெளியேயும் நாம் விசுவாசத்தில் செயல்படும்போதுதான் அவரைப் போல் ஆகிவிடுதல் நேரிடுகிறது. அவர்கள் இரட்சகரைப் போல் ஆகக்கூடிய வழிகளைக் கண்டறிய, பரிசுத்த ஆவியின் உதவியைப் பெற கற்பவர்களை அழைக்கவும். கற்பவர்கள் அவரைப் போல் இருக்க வாழ்நாள் முழுவதும் முயற்சி செய்வதால் வழிகாட்டுதலையும் ஆதரவையும் வழங்குங்கள்.

“உலகத்தின் தொடக்கத்திலிருந்தே தேவனால் கொடுக்கப்பட்ட எல்லா காரியங்களும்” இயேசு கிறிஸ்துவைப்பற்றி நமக்குக் கற்பிக்க முடியும் என்று யாக்கோபு கற்பித்தான் (2 நேபி 11:4). அந்தக் காரியங்களில் ஒன்றாக உங்கள் கற்பித்தல் இருக்கலாம். ஒவ்வொரு கற்பித்தல் மற்றும் கற்றுக்கொள்ளுதல் அனுபவத்தின் மையத்தில் இயேசு கிறிஸ்துவை வைக்கவும். நீங்களும் கற்பவர்களும் “கிறிஸ்துவைப்பற்றிப் பேசும்போது, … கிறிஸ்துவில் களிகூரும்போது, … கிறிஸ்துவைப் பிரசங்கிக்கும்போது” (2 நேபி 25:26), பரிசுத்த ஆவியானவர் ஒவ்வொருவரின் மனதிலும் இருதயத்திலும் இரட்சகரின் சாட்சியை ஆழமாக விதைக்க முடியும். பரலோக பிதாவையும் இயேசு கிறிஸ்துவையும் தாங்களாகவே அறிந்துகொள்ள உங்கள் கற்பவர்களுக்கு நீங்கள் உதவும்போது, அவர்கள் தங்கள் வாழ்நாள் முழுவதும் உதவி, நம்பிக்கை மற்றும் குணப்படுத்துதலுக்காக அவர்களிடம் திரும்புவதற்கான வாய்ப்புகள் அதிகம்.