தலைவர்களுக்காக—ஆசிரியர்கள் வெற்றிபெற உதவுதல்

நேருக்கு நேரான தொடர்புகள்

ஆசிரியர்களின் தனிப்பட்ட தேவைகளைப் பூர்த்தி செய்வதற்கான சிறந்த வழி, ஒருவருக்கொருவர் தொடர்புகொள்வதாகும். எடுத்துக்காட்டாக, ஒரு தலைவராக, இரட்சகர் வழியில் போதித்தலின் கொள்கைகளைப்பற்றி கலந்துரையாட, வகுப்பிற்கு முன் அல்லது பின் ஆசிரியருடன் நீங்கள் சுருக்கமாக கலந்துரையாடலாம். ஆசிரியர் கற்பிப்பதைப் பார்த்து இந்த கலந்துரையாடலுக்கு நீங்கள் ஆயத்தமாகலாம். ஆசிரியரின் பலத்தை நன்கு புரிந்துகொள்ள நாடுங்கள், நீங்கள் ஆதரவை வழங்கக்கூடிய வழிகளைக் கண்டறியுங்கள்.

ஒரு ஆசிரியரின் பலத்தை கட்டியெழுப்புவது, முன்னேற்றத்திற்கான வாய்ப்புகளை அடையாளம் காண்பது போலவே முக்கியமானது. எது நன்றாக நடக்கிறது, எங்கு முன்னேற்றம் அடையலாம் என்று அவர்கள் நினைக்கிறார்கள் என அவர்களே கருத்தில்கொள்ள அவர்களைக் கேட்பதில், ஆசிரியர்களுடன் கலந்துரையாடலைத் தொடங்குவது உதவியாக இருக்கும்.

நீங்கள் ஆசிரியர்களைச் சந்திக்கும்போது, அவர்களைப் பலப்படுத்துவதற்கான வழிகளைக் கருத்தில் கொண்டு, அவர்கள் செய்யும் சேவைக்கு தயவுடனும் நன்றியுடனும் அவர்களை ஊக்கப்படுத்துங்கள்.

ஆசிரியர் ஆலோசனைக்குழு கூட்டங்கள்

ஒவ்வொரு தொகுதியும் காலாண்டு ஆசிரியர் ஆலோசனைக் கூட்டங்களை நடத்த வேண்டும், அதில் ஆசிரியர்கள் கிறிஸ்துவைப் போன்ற போதனையின் கொள்கைகளைப்பற்றி ஒன்றாக ஆலோசனை செய்யலாம். ஆசிரியர் ஆலோசனைக் கூட்டங்கள் பெற்றோருக்கும் நடத்தப்படலாம் (General Handbook: Serving in The Church of Jesus Christ of Latter-day Saints, 13.5, ChurchofJesusChrist.org பார்க்கவும்).

இந்தக் கூட்டங்கள் எப்போது நடத்தப்பட வேண்டும்?

ஞாயிற்றுக்கிழமை 50 நிமிட வகுப்பு நேரத்தில் ஆசிரியர் ஆலோசனைக் கூட்டங்கள் நடத்தப்படுகின்றன.

• ஆசாரியத்துவ, ஒத்தாசைச் சங்க மற்றும் இளம் பெண்கள் ஆசிரியர்கள் உள்ளூர் தலைவர்களால் தீர்மானிக்கப்படும் முதல் அல்லது மூன்றாவது ஞாயிற்றுக்கிழமைகளில் கலந்து கொள்ளலாம்.

• ஞாயிறு பள்ளி ஆசிரியர்கள் உள்ளூர் தலைவர்களால் தீர்மானிக்கப்படும் இரண்டாவது அல்லது நான்காவது ஞாயிற்றுக்கிழமைகளில் கலந்து கொள்ளலாம்.

• தொகுதி ஆரம்ப வகுப்பு மற்றும் ஞாயிறு பள்ளி தலைமைகள் தீர்மானிக்கும் வகையில், ஆரம்ப வகுப்பு ஆசிரியர்கள் எந்த ஞாயிற்றுக்கிழமையிலும் கலந்து கொள்ளலாம். விரும்பினால், ஆரம்ப வகுப்பு ஆசிரியர்கள் மற்ற ஆசிரியர்களிடமிருந்து தனியாகச் சந்தித்து பிள்ளைகளுக்குக் கற்பிப்பதன் தனித்துவமான அம்சங்களைப்பற்றி ஆலோசனை வழங்கலாம். இது 20 நிமிட பாடல் நேரத்தின் போது, வழக்கமான ஞாயிறு கூட்டங்களுக்கு முன் அல்லது பின் அல்லது வாரத்தின் மற்றொரு நாளில் நிகழலாம். அதே வாரத்தில் அவர்கள் அனைத்து ஆரம்ப வகுப்புகளைத் தவறவிடாமல் இருக்க, ஆரம்ப வகுப்பு ஆசிரியர்களுக்காக காலாண்டுக்கு ஒன்றுக்கு மேற்பட்ட ஆசிரியர் ஆலோசனைக் கூட்டங்கள் நடத்தப்படலாம். (குறிப்பு: தேவைக்கேற்ப, ஆரம்ப வகுப்பு தலைமை மாற்று ஆசிரியர்களை நியமிக்கிறது, வகுப்புகளை ஒருங்கிணைக்கிறது அல்லது ஆரம்ப வகுப்பு ஆசிரியர்களை ஆசிரியர் ஆலோசனைக் கூட்டங்களில் கலந்துகொள்ள அனுமதிக்க மற்ற ஏற்பாடுகளை செய்கிறது.)

• பெற்றோர்களுக்கான ஆசிரியர் ஆலோசனைக் கூட்டங்கள் தொகுதி ஆலோசனைக் குழு தீர்மானிக்கும் எந்த ஞாயிற்றுக்கிழமையும் நடத்தப்படலாம்.

யார் கலந்து கொள்ள வேண்டும்?

தொகுதியில் ஒரு குழுமம் அல்லது வகுப்பில் கற்பிக்கும் ஒவ்வொருவரும், அந்த குழுமங்களுக்கு அல்லது வகுப்புகளுக்கு பொறுப்பான ஆசாரியத்துவ அல்லது அமைப்பு தலைவர்களில் குறைந்தபட்சம் ஒருவருடன் கலந்துகொள்ள வேண்டும். தேவைப்பட்டால், பங்கேற்பாளர்கள் அவர்கள் கற்பிப்பவர்களின் தேவைகளுக்கு ஏற்ப குழுக்களாக பிரிக்கப்படலாம். எடுத்துக்காட்டாக, இளைஞர்கள் அல்லது பிள்ளைகளின் ஆசிரியர்கள், இளைஞர்கள் அல்லது பிள்ளைகளுக்குக் கற்பிப்பதற்கான குறிப்பிட்ட சிக்கல்களைப்பற்றி கலந்துரையாட தனித்தனியாக சந்திப்பதன் மூலம் பயனடையலாம்.

பெற்றோர்களுக்கான ஆசிரியர் ஆலோசனைக் கூட்டங்களுக்கு, குறிப்பிட்ட பெற்றோரை அழைக்க வேண்டுமா அல்லது பங்கேற்க விரும்பும் அனைவரும் வருகை புரிய வைப்பதா என்பதை தொகுதி ஆலோசனைக் குழு தீர்மானிக்கிறது.

இந்தக் கூட்டங்களை யார் நடத்துகிறார்கள்?

ஞாயிறு பள்ளி தலைமையின் உதவியுடன், தொகுதி ஆலோசனைக்குழு, ஆசிரியர் ஆலோசனைக்குழு கூட்டங்களை மேற்பார்வையிடுகிறது. வகுப்புகள் மற்றும் கூட்டங்களில் அவர்கள் கவனித்தவற்றின் அடிப்படையில் ஆசிரியர்கள் மற்றும் கற்பவர்களின் தேவைகளைப்பற்றி அவர்கள் ஒன்றாக ஆலோசனை வழங்குகிறார்கள். இரட்சகரின் வழியில் போதித்தலில் இருந்து எந்தக் கொள்கைகள் மற்றும் நடைமுறைகள் தாங்கள் அடையாளம் கண்டுள்ள தேவைகளைப் பூர்த்தி செய்யும் என்பதைத் தீர்மானிக்க அவர்கள் ஒன்றாக வேலை செய்கிறார்கள்.

வழக்கமாக, ஞாயிறு பள்ளித் தலைவர் ஆசிரியர் ஆலோசனைக்குழு கூட்டங்களை நடத்துவார். இருப்பினும், மற்ற தொகுதி உறுப்பினர்கள் அவ்வப்போது கூட்டங்களை நடத்துவதற்கு நியமிக்கப்படலாம். கூட்டத்தில் விவாதிக்கப்பட்ட கொள்கைகள் மற்றும் நடைமுறைகளை குழுமம் மற்றும் அமைப்பு தலைமைகள் தங்கள் ஆசிரியர்களுடன் வலுப்படுத்துகிறார்கள்.

ஆசிரியர் ஆலோசனைக்குழு கூட்டத்தில் என்ன நடக்கவேண்டும்?

ஆசிரியர் ஆலோசனைக்குழு கூட்டம் இந்த வடிவத்தைப் பின்பற்ற வேண்டும்:

• ஒன்றாகப் பகிர்ந்து ஆலோசனை செய்யவும். சமீபத்திய கற்பித்தல் அனுபவங்களைப் பகிர்ந்து கொள்ளவும், கற்பித்தல் தொடர்பான கேள்விகளைக் கேட்கவும், சவால்களை சமாளிப்பதற்கான யோசனைகளைப் பகிரவும் ஆசிரியர்களை அழைக்கவும். கூட்டத்தின் இந்தப் பகுதியில் முந்தைய கூட்டங்களில் விவாதிக்கப்பட்ட கொள்கைகளின் மதிப்பாய்வு அடங்கும்.

• ஒன்றாகக் கற்றுக்கொள்ளுங்கள். இந்த ஆதாரத்தில் வழங்கப்பட்டுள்ள பின்வரும் கொள்கைகளில் ஒன்றைப்பற்றி விவாதிக்க ஆசிரியர்களை அழைக்கவும்: இயேசு கிறிஸ்துவில் கவனம் செலுத்துங்கள், நீங்கள் கற்பிப்பவர்களை நேசிக்கவும், பரிசுத்த ஆவியின் மூலம் கற்பிக்கவும், கோட்பாட்டைக் கற்பிக்கவும் மற்றும் கருத்தாய் கற்றுக்கொள்ளவும் அழைக்கவும். கொள்கைகள் எந்த வரிசையிலும் குறிப்பிடப்படலாம், தொகுதி ஆலோசனைக்குழுவால் வழிநடத்தப்படாவிட்டால், கூட்டத்தில் பங்கேற்பாளர்கள் விவாதிக்க வேண்டிய அடுத்த கொள்கையைத் தேர்ந்தெடுக்கலாம். தேவைப்பட்டால், நீங்கள் ஒரு கொள்கையில் ஒன்றுக்கு மேற்பட்ட கூட்டங்களைச் செலவிடலாம்.

• திட்டமிட்டு அழைக்கவும். தாங்கள் கலந்தாலோசித்த கொள்கையை எப்படிப் பயன்படுத்துவார்கள் என்பதைத் திட்டமிட ஆசிரியர்களுக்கு உதவுங்கள். தகுந்தபடி, நீங்கள் கலந்தாலோசித்த ஒரு திறமையை நீங்கள் ஒன்றாகப் பயிற்சி செய்யலாம். அவர்களது கற்பித்தலில் கொள்கையை எவ்வாறு கடைப்பிடிப்பது என்பதைப் பற்றிய பதிவுகள் மற்றும் அவர்களின் வீடுகளில் கற்பிப்பதற்கான முயற்சிகள் உட்பட, அவற்றைப் பதிவுசெய்து செயல்பட அவர்களை அழைக்கவும். விவாதிக்கப்பட வேண்டிய அடுத்தக் கொள்கையைப் படிக்கத் தொடங்க அவர்களை ஊக்குவிக்கவும்.

முடிந்தவரை, ஆசிரியர் ஆலோசனைக்குழு கூட்டங்கள் விவாதிக்கப்படும் கொள்கைகளை முன்மாதிரியாகக் கொள்ள வேண்டும்.

கிறிஸ்துவைப் போன்ற போதனையின் கொள்கைகளை ஆசிரியர்கள் நன்றாகப் புரிந்துகொள்ளவும் பயன்படுத்தவும் ஆசிரியர் ஆலோசனைக்குழு கூட்டங்கள் உதவலாம்.

புதிதாக அழைக்கப்பட்ட ஆசிரியர்களை அறிமுகம் செய்தல்

ஒரு தலைவராக, உங்கள் அமைப்பில் “புதிதாக அழைக்கப்படும் ஆசிரியர்களைச் சந்திக்கவும்” “அவர்களின் அழைப்புக்குத் தயாராக அவர்களுக்கு உதவவும்” உங்களுக்குப் பொறுப்பு உள்ளது.(General Handbook, 17.3, ChurchofJesusChrist.org). இந்த கூட்டங்கள் புதிய ஆசிரியர்களை அவர்களின் பரிசுத்தமான அழைப்புகளுக்கு அறிமுகப்படுத்தி, இரட்சகரின் வழியில் போதிப்பது என்றால் என்ன என்ற பார்வையுடன் அவர்களை ஊக்குவிக்கும் ஒரு வாய்ப்பாகும். ஒரு தலைவராக, பின்வருவனவற்றைச் செய்வதன் மூலம் புதிய ஆசிரியர்களுக்கு சேவை செய்ய நீங்கள் உதவலாம்:

• அவர்களின் அழைப்பில் இரட்சகர் அவர்களுக்கு உதவுவார் என்ற நம்பிக்கையை வெளிப்படுத்துங்கள் (கோட்பாடும் உடன்படிக்கைகளும் 88:78 பார்க்கவும்).

• புதிய ஆசிரியர்களுக்கு இந்த ஆதாரத்தின் நகலைக் கொடுத்து, அவர்களின் கற்பித்தலில் அதன் கொள்கைகளைப் பயன்படுத்துவதற்கான வழிகளைத் தேட அவர்களை ஊக்குவிக்கவும்.

• உங்கள் அமைப்பைப்பற்றி புதிய ஆசிரியர்கள் தெரிந்துகொள்ள உதவியாக இருக்கும் எதையும் அவர்களுடன் பகிர்ந்து கொள்ளுங்கள்.

• தேவைக்கேற்ப, புதிய ஆசிரியர்களுக்கு எந்த அறையில் கற்பிக்க வேண்டும், எந்தப் பாடத்தைத் தொடங்க வேண்டும் என்று சொல்லுங்கள். அவர்களின் வகுப்பு மற்றும் வகுப்பு உறுப்பினர்களைப்பற்றி அவர்களுக்குத் தேவையான எந்த தகவலையும் வழங்கவும்.

• அவர்களின் அழைப்பிற்கு நீங்கள் அவர்களுக்கு உதவலாம் என்பதை புதிய ஆசிரியர்களுக்கு விளக்கவும். வகுப்பறையில் மற்றும் தேவைப்பட்டால் கற்பித்தல் ஆதாரங்களை அணுக ஆதரவை வழங்குங்கள்.

• ஆசிரியர்களின் வகுப்புகளை அவ்வப்போது கவனிக்கவும், பரிசுத்த ஆவியின் தூண்டுதலின்படி கருத்துக்களை வழங்கவும்.

• காலாண்டு ஆசிரியர் ஆலோசனைக்குழு கூட்டங்களில் பங்கேற்க ஆசிரியர்களை அழைக்கவும்.