Ha’api’ira’a a te mau Peresideni
Haapotoraa Aamu

Haapotoraa Aamu

E ere teie buka i te hoê buka aamu, e haaputuraa râ no te mau parau tumu o te evanelia tei haapiihia mai e te peresideni David O. McKay. Tera râ, no te faatu‘atiraa i ta’na mau haapiiraa i ni‘a i te tereraa o te aamu, i horo‘ahia’tu ai te tabula i muri nei. I roto i teie haapotoraa, e rave rahi mau tuhaa o to’na oraraa o tei haapaehia, mai te fanauraa o ta’na mau tamarii e o ta’na mau mootua.

1873, 8 no setepa:

Fanauhia i Huntsville, Utah, na David McKay e o Jennette Evans McKay.

1881:

Ua reva’tu o David McKay i British Isles (Te mau motu no te fenua Peretane) no te rave i ta’na misioni. Ua amo o David O. McKay e to’na metua vahine i te ohipa o te fare faaapu e o te utuafare. (7 ; teie numera i roto i te paruru, o te matahiti ïa o David O. McKay).

1887:

Ua farii oia i to’na haamaitairaa patereareha na roto mai ia John Smith (13)

1889:

Ua paturuhia oia ei papa‘i parau no te Haapiiraa Sabati no te Paroita no Huntsville (15).

1893–94:

Ua riro oia ei orometua haapii e ei faatere haapiiraa no te fare haapiiraa tuarua no Huntsville ; ua piihia oia ei orometua no te Haapiiraa Sabati no te paroita no Huntsville (19-20).

1894–97 :

Ua haere oia i te fare haapiiraa tuatoru no Utaha, e ua maitihia oia ei « valedictorian » (orero parau no te oro‘a opereraa i te parau tuite) (20-23).

1897–99:

Ua rave oia i te misioni e piti matahiti i te fenua Peretane. Taa ê noa’tu ta’na ohipa pororaa evanelia, ua riro oia ei faatere no te taatoaraa o te mau misionare i Etotia (23-25).

1899–1900:

Ua haapii oia i te Fare Vanaa no te Tĭtĭ no Weber i Ogden, Utah (25-26).

1900:

Ua maitihia oia i roto i te Apooraa faatere no te Haapiiraa Sabati no te Tĭtĭ no Weber (27).

1901, 2 no tenuare:

Ua faaipoipohia oia ia Emma Ray Riggs i roto i te Hiero no Roto Miti (27).

1902:

Ua piihia oia ei Raatira no te Fare Vanaa no te Tĭtĭ no Weber (28).

1906:

Ua faatoro‘ahia oia ei Aposetolo e te peresideni Joseph F. Smith (32).

1914–18:

Ua tupu te Tama‘i I no te Ao nei (40-44).

1918:

Ua maitihia oia ei ti‘a faatere rahi no te Taatiraa no te Haapiiraa Sabati no Deseret. Ua nene‘i oia i te « Ancient Apostles » (Te mau Aposetolo i Mutaa ihora) (45).

1919–21:

Ua riro oia ei Ti‘a Faatere no te tomite no te haapiiraa a te Ekalesia (45-47).

1920, ditema:

Na roto i te hoê faaueraa na te Peresideniraa Matamua, ua reva’tu oia hoê matahiti te maoro na muri iho ia Elder Hugh J. Cannon no te farerei i te mau misioni o te Ekalesia ati a‘e te ao nei (47).

1922–24:

Ua riro oia ei peresideni no te Misioni no Europa (49-51).

1934:

Paturuhia e faataahia ei tauturu piti no te peresideni Heber J. Grant (61).

1939–45:

Ua tupu te Tama‘i II no te Ao nei (65-71).

1945:

Paturuhia e faataahia ei tauturu piti no te peresideni George Albert Smith (71).

1950:

Paturuhia e faataahia ei peresideni no te pŭpŭ no te Tino Ahuru Ma Piti Aposetolo (77).

1951, 9 no eperera:

Paturuhia e faataahia te ivaraa o te peresideni o te Ekalesia, e o Stephen L Richards ei tauturu hoê, e o J. Reuben Clark Jr. ei tauturu piti. I taua taime ra, ua tae‘ahia te rahiraa melo o te Ekalesia i te hoê milioni (77).

1952, tiunu:

Ua reva oia no te hoê tere i Europa e iva hepetoma te maoro, i reira oia i farerei ai i te mau melo o te Ekalesia i roto i na fenua e 9 (78).

1953:

Ua farii oia i te faahanahanaraa teitei roa a‘e i roto i te ohipa Scout, oia te Puatoro Ario (79).

1954:

Ua haamata oia i te hoê tere farerei i te misioni e 32, 000-maile te atea ; oia te peresideni matamua o te Ekalesia tei ratere atu i roto i te mau misioni no Amerika Ropu e no Amerika Apatoa ; Oia atoa te Hui Mana Faatere Rahi matamua tei ratere atu i roto i te misioni no Afirita Apatoa (80).

1955, atete:

Ua ratere atu oia i Europa ma te apeehia-’tu e te Pŭpŭ Himene no te Fare Menemene (81).

1955, setepa:

Ua haamaitai oia i te hiero no Bern Switzerland (82).

1956, mati:

Ua haamaitai oia i te Hiero no Los Angeles California (82).

1956, atopa:

Ua haamaitai oia i te Fare no te Totaiete Tauturu (83).

1958, eperera:

Ua haamaitai oia i te Hiero no Hamilton New Zealand (84).

1958, setepa:

Ua haamaitai oia i te Hiero no Lonetona Peretane (85).

1964, novema:

Ua haamaitai oia i te Hiero no Oakland California (91).

1970, 18 no tenuare :

Ua pohe oia i te iva ma ono raa o to’na matahiti, i Salt Lake City, Utah. I te hopearaa o ta’na faatereraa, ua tae‘ahia te rahiraa o te mau melo o te Ekalesia i te faito e toru milioni.