Aloaiaina o le Tulaga Faatamaitai Talavou

A maea lau polokalama o le Alualu i Luma o le Tagata Lava Ia, o le a e agavaa loa mo le mauaina o le [taui] o le Aloaiaina o le Tulaga Faatamaitai Talavou. Ina ia mauaina la lenei taui:

• Auai e le aunoa i sauniga faamanatuga (pe a mafai).

• Ola i tulaga faatonuina o loo i le tusi Mo Le Malosi o le Autalavou.

• Fai ia maea ia mea e fai ma galuega faatino mo tulaga faatauaina taitasi e valu.

• Ia tusia ma tausia sau api o talaaga.

• Auai atu i le seminare pe fai lava sau suesuega na o oe (pe a mafai).

• Faitau e le aunoa le Tusi a Mamona.

• Ia tusi ma faamaumau lau molimau e uiga i le Faaola o Iesu Keriso.

O le taui lenei e aloaia ai oe i lou agavaa ma le faamaeaina o tulaga manaomia uma o le polokalama o le Alualu i Luma o le Tagata Lava Ia. I le avea ai o oe ma se tasi ua mauaina lenei taui, ua e faaalia ai ua e atiina ae se faatulagaga o le alualu i luma o lou olaga. Ua e saunia e osia ma tausia feagaiga paia o le malumalu. Ua e tautino atu e tausia poloaiga, auauna atu i isi, ma atiina ae ma fetufaai atu ou tomai ma taleni. O le a e taumafai e faamalosia lou aiga ma le auaiga.

O le taui o le Aloaiaina o le Tulaga Faatamaitai Talavou e mafai ona tauaaoina atu i se sauniga faamanatuga. A uma ona e mauaina le taui, e tatau ona faaauau pea lou ola ai ma le faamaoni i tulaga faatonuina o loo taua i le tusi Mo Le Malosi o le Autalavou. Ia faaaoga mea na e aoaoina ao e sauniuni pea e osia feagaiga paia i le malumalu faatasi ma le Tama Faalelagi. O le a e maua le olioli ma le fiafia pe a e faia lenei mea.