Tamaitai Talavou
O Vasega ma Faatusa

Ofagapi, tausaga e 12 ma le 13

O le ofagapi na avea o se faatusa o le faifai mea faatasi, felagolagomai, ma le galulue mo uluai paionia o le Ekalesia. O le ofagapi foi sa avea ma igoa na muai faaigoa ai tamaitai talavou . O loo aoaoina e [tamaitai] ofagapi i le taimi nei e galulue faatasi i le felagolagomai ma faifai mea faatasi a o latou faamalolosia lo latou faatuatua ia Iesu Keriso ma saunia e tutu atu mo le upumoni ma le amiotonu. O le taimi lenei e “tutulai ma susulu atu” (MFF 115:5).

Maea Meite, tausaga 14 ma le 15

O le igoa Maea Meite e faasino i aso ua mavae i le Mutual Improvement Association, lea na faaaogaina le faailoga o le rosa e avea o se faatusa o le alofa, faatuatua, ma le mama a’ia’i. O loo aoaoina e [tamaitai] Maea Maite i le taimi nei le alofa, faatuatua, ma le mama a’ia’i a o latou faamalolosia a latou molimau ma talia ma ola i tulaga faatauaina a Tamaitai Talavou.

Lora, tausaga 16 ma le 17

Mo le tele o seneturi na avea ai le pale lora o se pale na lalagaina mai i laulaau o le lora. E tuuina atu i se tasi e maea ona ia faataunuuina se mea taua e fai ma faatusa o le mamalu ma le tulaga faamanuiaina. O [tamaitai] Lora i le taimi nei o loo faamae’aina a latou tapenapenaga e osia ma tausia feagaiga paia ma mauaina sauniga o le malumalu.