1 Sanglit kamatuoran, ine nahitabo nga an Ginoo nakighimangraw han akon amay, ngan liwat, ha iya inop, ngan nagsiring ha iya: Bulahan ka Lehi, tungod han mga hitabo nga imo nahimo; ngan tungod nga ikaw in nagin tangkod ngan nagsumat hine nga mga tawo han mga pulong nga akon iginsugo ha imo, kamatuoran, karuyag nira nga kuhaon an imo kinabuhi.

2 Ngan ine nahitabo nga ginsugo han Ginoo an akon amay, ha usa nga inop, nga angay niya igupod an iya pamilya ngan lumakat ngadto ha kamingawan.

3 Ngan ine nahitabo nga hiya in nagin masinugtanon ha mando han Ginoo, sanglit hiya in nagsunod sugad han ginsugo han Ginoo ha iya.

4 Ngan ine nahitabo nga hiya in lumakat ngadto ha kamingawan. Ngan ginbayaan niya an iya balay, ngan tuna nga iya napanonod, ngan an iya mga bulawan, ngan salapi, ngan an marahalon nga waray kinabuhi nga mga butang, ngan waray hiya gindara, labot la han iya pamilya, ngan han mga kinahanglanon, ngan an mga tolda, ngan lumakat ngadto ha kamingawan.

5 Ngan hiya kumadto ha may ginkatakipan harani ha baybayon han Mapula nga Dagat; nga naglalakaton hiya ha kamingawan ha ginkatakipan nga mas harani ha Mapula nga Dagat, ngan hiya in naglalakaton ha kamingawan upod an iya pamilya, nga ginsasakopan han akon iroy, hi Sariah, ngan han akon mga magurang nga kabugtoan nga lalaki, nga hira Laman, Lemuel, ngan Sam.

6 Ngan ine nahitabo nga han iya paglalakaton sakob hin tulo ka adlaw ha kamingawan, iya igintindog an iya tolda ha usa nga kapatagan ha ligid han salog.

7 Ngan ine nahitabo nga hiya in naghimo hin usa nga altar nga bato, ngan naghimo hiya hin usa nga paghalad ha Ginoo, ngan naghatag hin pasalamat ngadto han Ginoo nga aton Diyos.

8 Ngan ine nahitabo nga gintawag niya an salog, nga Laman, ngan ine in naagos tipakadto ha Mapula nga Dagat, ngan an kapatagan amo in gintatakipan harani han bukana hito.

9 Ngan han pakakita han akon amay nga an tubig han salog naagos ngadto ha tuburan han Mapula nga Dagat, nagyakan hiya kan Laman, hin pagkasiring: O unta masugad ka hine nga salog, nga padayon an pag-agos ngadto ha tuburan han ngatanan nga pagkamatadong!

10 Ngan nagyakan liwat hiya kan Lemuel: O unta magin sugad ka hine nga kapatagan, madig-on ngan mailob, ngan dire nababantad hin pagtuman han mga kasugoanan han Ginoo!

11 Ngan yana ine iya naluwas tungod han kamatig-a han ulo nira Laman ngan Lemuel; kay kamatuoran nagngongorotob hira han damo nga mga butang kontra han ira amay, tungod kay hiya in usa nga tigurang nga lalaki nga may bisyon, ngan gindara hira tipagawas han tuna han Jerusalem, agud bayaan an tuna nga ira pinanunod, ngan an ira mga bulawan, ngan an ira salapi, ngan an ira marahalon nga waray kinabuhi nga mga butang, agud mamatay ha kamingawan. Ngan nagsiring hira nga ine in nahimo tungod han iya masinabtonon nga tinuyaw nga panhuna-huna.

12 Amo ine nga hi Laman ngan Lemuel, nga mga magurang, nagngongorotob hira kontra han ira amay. Ngan hira in nagngongorotob kay dire nira nahisabotan an mga buruhaton han Diyos nga amo an naghimo ha ira.

13 Dire ngani hira natuod nga an Jerusalem, an bantugan nga siyudad, marurun-og sugad han mga panagna han mga propeta. Ngan sugad hira han mga Judiyo nga nadidto ha Jerusalem, nga karuyag kuhaon an kinabuhi han akon amay.

14 Ngan ine nahitabo nga an akon amay naghimangraw ha ira ha kapatagan han Lemuel, nga may gahum, ngan puno han Espiritu, ngada nga an ira mga lawas in nangurog ha atubangan niya. Ngan hira in ginpanggupong, sanglit waray hira pagyakan kontra ha iya; sanglit, hira in sumunod sugad han iya pagsugo ha ira.

15 Ngan an akon amay inmokoy ha usa nga tolda.

16 Ngan ine nahitabo nga ako, hi Nephi, nga amo an pinakabata, pero dako an lawas, ngan mayada liwat dako nga hingyap nga mahisabotan an mga misteryo han Diyos, amo nga, ako nakimaluoy ha Ginoo; ngan kaluoy ginbisita niya ako, ngan nagin masinabtonon ako ngan akon gintuod an ngatanan nga mga tugon nga ginsiring han akon amay; sanglit, waray ako maglaris kontra ha iya sugad han akon kabugtoan nga mga lalaki.

17 Ngan nagyakan ako ngadto kan Sam, iginpahibaro ko ha iya an mga nahuna-huna nga iginpakita ha akon han Ginoo pinaagi han iya Baraan nga Espiritu. Ngan ine nahitabo nga tinuod hiya han akon mga tugon.

18 Kundi, kamatuoran, hira Laman ngan Lemuel dire namamati han akon mga tugon; ngan kay nagmamabido tungod han kamatig-a han ira mga kasingkasing nanginyupo ako ngadto ha Ginoo para ha ira.

19 Ngan ine nahitabo nga an Ginoo nagyakan ha akon, nga nagsiring: Bulahan ka Nephi, tungod han imo pagtuo, kay naguuyatom ka pagpamiling ha akon, nga may mapainobsanon nga kapasidad.

20 Ngan kun sugad nga magsusunod ka han akon mga sugo, ikaw in maghihingaupay, ngan pagtutugwayan ngadto han tuna nga iginsaad; ngan liwat, bisan han tuna nga igin-andam ko para ha imo; ngan liwat, usa nga tuna nga pinili nga labaw pa han iba nga katunaan.

21 Ngan tungod nga an imo kabugtoan in nakikiglaris kontra ha imo, hira in mahibubulag ha nahimumutangan han Ginoo.

22 Ngan tungod nga ginsusunod mo an akon mga sugo, ikaw in magigin usa nga pinuno ngan usa nga magturutdo ha imo mga kabugtoan.

23 Kay kamatuoran, nga hito nga mga panahon nga hira in makikiglaris kontra ha akon, igmamaldisyon ko hira hin usa nga masakit nga maldisyon, ngan dire hira magkakamayada gahum han imo tulin labot la kun hira an makiglaris liwat kontra ha akon.

24 Ngan kun ito nahitabo nga hira in makiglaris kontra ha akon, hira in magigin usa nga sirot ngada ha imo tulin, agud pukawon hira ha dalan han pagpahinumdum.