1 Ngan ine nahitabo nga ako nagyakan ha akon mga kabugtoan, nga nasiring: Pasingadto ngahaw kita ha Jerusalem, ngan kita in magintangkod han pagsunod han kasugoanan han Ginoo; kay kamatuoran hiya in labaw pa an kagamhanan kontra han ngatanan nga aada ha kalibutan, kun sugad kay ano nga dire hiya magiginlabaw nga makagarahum kontra kan Laban ngan han iya 50, sugad man, bisan han iya yinukot-yukot?

2 Kun sugad pakadto kita; magin makusog kita sugad kan Moises; kay tuod nga hiya nagyakan ngadto ha tubig han Mapula nga Dagat ngan adto natunga hin magkaluyo nga bahin, ngan an aton mga kaapoy-apoyan in nakatabok hin diritso, gawas han pagkabariga, ha mamara nga tuna, ngan an mga sundalo han Paraon nga naglanat ha ira in nagkalulumos ha tubig han Mapula nga Dagat.

3 Ngan yana sigurado nga maaram kamo nga ine matuod; ngan maaram liwat kamo nga an anghel in nagyakan ha iyo; kun sugad magruruhaduha pa ba kamo? Lakat na kita; an Ginoo in makakaakus pagtalwas ha aton, sugad han aton mga amay, ngan patayon hi Laban, sugad han mga taga Egipto.

4 Ngan yana han pagyakan ko hine nga mga tugon, hira in nasina, ngan nagpadayon hin pagnginorotob; kundi sinmunod hira ha akon tubtub nga kami umabot ha gawas han pader han Jerusalem.

5 Ngan gab-i na adto; ginpapagtago ko hira ha gawas han pader. Katapos nira magtago, hi ako, Nephi, naghinayhinay pagikid tipasulod ha siyudad ngan kumadto han balay ni Laban.

6 Ngan ako in gingiyahan han Espiritu, ngan ha tinikangan dire pa ako maaram han mga hitabo nga angay ko buhaton.

7 Nasugad man ako in nagpadayon, ngan han tipaharani na ako han balay ni Laban, nakita ko an usa nga tigurang nga lalaki, ngan hiya in nahuyatang ha tuna dida han akon atubangan kay hiya in hubog hin bino.

8 Ngan han akon pagharani ha iya nahisabotan ko nga hiya hi Laban.

9 Ngan nakita ko an iya espada, ngan ginhugot ko tikang ha takub; ngan an pulo hadto in puro na bulawan, ngan an pagkahimo hadto in duro hin kamaupay, nga nakita ko nga an kataruman hadto in hinimo hin pinakamahal nga asero.

10 Ngan ine nahitabo nga ako in naaghat han Espiritu nga angay ko patayon hi Laban; kundi nagsiring ako han akon kasingkasing: Waray pa ako makagpaturo hin dugo han tawo, Ngan ako in naghialang ngan hingyap ko nga dire hiya patayon.

11 Ngan an Espiritu in nagsiring na liwat ha akon: Sigurado, igintubyan hiya han Ginoo ha imo mga pagtimangno. Oo, ngan maaram liwat ako nga karuyag niya nga kuhaon an akon kinabuhi; Oo, ngan dire niya karuyag nga manmati han mga kasugoanan han Ginoo; ngan iya liwat gin-agaw an amon mga propyedad.

12 Ngan ine nahitabo nga an Espiritu in nagsiring liwat ha akon: Pataya hiya, kay igintubyan hiya han Ginoo ha imo mga pagtimangno;

13 Kamatuoran ginpapatay han Ginoo an magraot agud matuman an iya mga baraan nga mga panuyo. Mauroupay pa nga mamatay in usa nga tigurang nga lalaki kontra nga an usa nga nasud magtikainos ngadto han kawaray pagtuo.

14 Ngan yana, hi ako, Nephi, in nakabati hine nga mga tugon, nahinumduman ko an mga tugon nga iginyakan han Ginoo ha akon didto ha kamingawan, nga nasiring: Tungod kay an imo tulin in nasunod han akon mga kasugoanan, hira in magmamainoswagon ha tuna nga iginsaad.

15 Oo, ngan nahuna-huna ko liwat nga dire nira matutuman an mga kasugoanan han Ginoo subay han balaod ni Moises, labot la kun aada ha ira an balaod.

16 Ngan maaram liwat ako nga adto nga mga balaod in gin-ukit ha mga lamina nga tumbaga.

17 Ngan liwat, ako in maaram nga igintubyan han Ginoo hi Laban ha akon mga pagtimangno para hine nga panuyo — agud makuha an mga sinurat subay han iya mga kasugoanan.

18 Tungod hine ginsunod ko an tingog han Espiritu, ngan kinaptan ko hi Laban ha buhok ngan gintigbas ko an iya ulo han kalugaringon niya nga espada.

19 Ngan kahuman ko tigbasa an iya ulo han iya kalugaringon nga espada, kinuha ko an sul-ot ni Laban ngan iginsul-ot ko ha akon lawas; sugad man, bisan an pinakagudti nga butang, ngan iginhigot ko an iya armas ha akon hawak.

20 Ngan kahuman ko hine, ako in nagsingadto han burotangan han manggad ni Laban. Ngan samtang ako nagtikadto ha burotangan han manggad ni Laban, dagmit, nakita ko an suruguon ni Laban nga naghihimos han mga yabi han burotangan han manggad. Ngan ginsugo ko hiya ha tingog ni Laban, nga angay hiya umupod ngadto han burutangan han manggad.

21 Ngan nakasiring hiya nga ako amo an iya agaron, nga hi Laban, kay nakita niya an mga sul-ot ko ngan sugad man an espada nga nakatakon han akon hawak.

22 Ngan hiya in naghimangraw ha akon mahitungod han mga ansiano nga mga Judiyo, kay maaram hiya nga an iya agaron, hi Laban, in gumawas han gab-i kaupod nira.

23 Ngan nagyakan ako ha iya sugad kan Laban.

24 Ngan nagyakan liwat ako ha iya nga dadad-on ko an mga inukit, nga aada ha lamina nga tumbaga, ngadto han akon mga bugto nga magurang nga aada ha gawas han pader.

25 Ngan ginsiring ko hiya nga sumunod ha akon.

26 Ngan hiya, ha pakasiring nga an akon hindadabihan amo an mga kabugtoan ha simbahan, nga ako an tinood nga Laban nga akon ginpatay, tungod hine hiya in sumunod ha akon.

27 Ngan nakipaghimangraw hiya ha akon hin nakadamo ka beses hiunong han mga ansiano nga mga Judiyo, han tipakadto na ako han akon mga kabugtoan, nga aada ha gawas han pader.

28 Ngan nahitabo nga han masiplatan ako ni Laman hiya in duro hin kahadlok, ngan sugad man hi Lemuel ngan hi Sam. Ngan hira in nandadlagan pahirayo ha akon; ha pakasiring nga hi ako hi Laban, nga ako in iya napatay ngan karuyag nga patayon liwat hira.

29 Ngan ine nahitabo nga gintawag ko hira, ngan nabatian nira ako; sanglit umukoy hira hin pagdadlagan pahirayo ha akon.

30 Ngan ine nahitabo nga han pakakita han suruguon ni Laban han akon mga kabugtoan nagtikang hiya hin pangorog, ngan napalagiw unta pahirayo ha akon tipabalik ha siyudad han Jerusalem.

31 Ngan salit yana ako, hi Nephi, usa nga tigurang nga lalaki nga dako an lawas, ngan may dako nga kusog tikang ha Ginoo, tungod hito ginkaptan ko an suruguon ni Laban, ngan ginpugngan ko agud dire hiya makapalagiw.

32 Ngan ine nahitabo nga ako in nagyakan ha iya, nga kun pamamatian niya an akon mga tugon, samtang buhi an Ginoo, ngan samtang nga ako buhi, ngan kun manmamati hiya han amon mga tugon, papasagdan namon hiya nga mabuhi.

33 Ngan ako in naghimangraw ha iya, nga may pagsaad, nga dire hiya angay nga mahadlok; ngan hiya in magigin libre nga tigurang nga lalaki sugad ha amon kun maupod hiya ha amon ngadto ha kamingawan.

34 Ngan nagyakan liwat ako ha iya, hin pagkasiring: Tinuod nga an Ginoo an nagsugo ha amon nga buhaton ine nga buruhaton; ngan angay ba kami nga dire magin mauyatom han pagsunod han mga kasugoanan han Ginoo? Sanglit, kun maupod ka ha kamingawan ngadto han akon amay ikaw in magkakamayada hin lugar ha amon.

35 Ngan ine nahitabo nga hi Zoram in nagkamayada karigon ha buot han mga tugon nga akon ginluwas. Yana an ngaran hadto nga suruguon in amo hi Zoram, ngan nagsaad hiya nga maupod ha kamingawan ngadto han amon amay. Oo, nga nagsaad liwat hiya ha amon nga hiya in mag-uukoy ha amon tikang hadto.

36 Ngan yana ginhingyap namon nga mag-ukoy hiya ha lugar namon ha sugad hine nga panuyo, agud dire mahibaroan han mga Judiyo an amon pagpalagiw ngadto ha kamingawan, kay kun dire bangin kami in paglanaton ngan pamatayon.

37 Ngan ine nahitabo nga han pagsaad ni Zoram ha amon, an amon kahadlok in nawara hiunong ha iya.

38 Ngan ine nahitabo nga amon gindara an mga lamina nga tumbaga ngan an suruguon ni Laban, ngan lumakat ngadto ha kamingawan, ngan naglalakaton ngadto han tolda han amon amay.