1 Ngan salit yana ako, hi Nephi, waray maghatag hin listahan han katulinan han akon mga amay ha parte hine nga akon sinurat; bisan san-o dire ko ito iguupod hine nga mga lamina nga akon ginsusuratan; kay ine in upod han mga sinurat nga gintitipigan han akon amay; sanglit, dire ko igsusurat dinhe hine nga binuhat.

2 Kay igo na nga igsiring ko nga kami in tikang ha tulin ni Jose.

3 Ngan waray bali ha akon nga ako in tukib nga maghatag han bug-os nga pangasoy han ngatanan nga mga butang han akon amay, kay dire mahisusurat dinhe hine nga mga lamina, kay karuyag ko nga magkamayada hin lugar han mga butang hiunong ha Diyos.

4 Kay an kabug-osan han akon panuyo amo an pag-aghat han mga tawo nga dumaop ha Diyos ni Abraham, ngan han Diyos ni Isaac, ngan han Diyos ni Jakob, ngan matalwas.

5 Sanglit, an mga butang nga nakakalipay han kalibutan in dire ko igsusurat, pero an mga nahuna-huna nga nakakalipay ha Diyos ngan hadton dire kalibutanon.

6 Tungod hine, ako in maghahatag han mga kasugoanan ngadto han akon tulin, nga dire butangan ine nga mga lamina han mga nahuna-huna nga waray gamit ngadto han anak han katawhan.