1 Me yibi buch ni kug non ngakʼ walageg, nug gaʼar: Ngad suloed bayay nga Jerusalem, ma ngad yulʼyulʼ gaed i koel falan e pi motochiyel rokʼ Somoel; ya ire bagael ko fayleng ni gaʼangin, ere mangfan ni dabi gel ngakʼ Laban nge wugem i gidiiʼ rokʼ, arragon, fa ku ragag e biyuʼ e gidiiʼ rokʼ?

2 Ere maroed nga daroed; ngad athamgiliyed ngad gel gaed ni boed rogon Moses; ya riyulʼ ni non ko day nu Red Sea me say nge yib barbaʼ aray me yaen barbaʼ aram, me yib e pi chitamangdaed riy ni kar chuw gaed u kalbus, u dakean e buutʼ nib malikʼ, me lay e salthaw rokʼ Pharaoh marbaed ri lumoch gaed nga fithikʼ e day nu Red Sea.

3 Ere mu guyew, gimew manang ni banʼen nib riyulʼ; ma kagmew manang ni baʼ ba angel ni ke non ngomew; ere rayog ni nge maerwaer u wunʼmew? Ere marow nga daroed, Somoel e ra ayuwegdaed, ni ku boed rogon ni rinʼ ngakʼ e pi chitamangdaed, ni ngad liiʼed Laban, ni ku boed rogon ni liiʼ e pi Egyptian.

4 Ere napʼan ni kug muʼ i yoeg e pi thin ney, ma kayow ba damomuw, ma kur ululiyew e nonnon; machane mar lakew gag iyaen nggu waroed gu madaʼ gaed nga wuruʼ e yoror nu Jerusalem.

5 Ma ngiyalʼ nem e banepʼ; me ere mug chiyliy ngoraed ni thingar miith gaed u wuruʼ e yoror. Me tomuren ni kar miith gaed, ma gag, Nephi, gu sinʼaegnʼaeg lingag iyaen nga langgin e binaw, mu guwaen iyaen ko tabinaew rokʼ Laban.

6 Ma i powiʼiyeg e Kan ni Thothup, ya dagur nang ko mang e pinʼen ni bay nga mʼon ni thingar gu rinʼ.

7 Machane mug waen iyaen, ma napʼan nug chuchugur iyib ko naʼun rokʼ Laban mug guy beeʼ nib moʼon, nib thig u butʼ u pʼoewcheg, ni bachan e ke chingnag ko waeyin.

8 Ma napʼan ni gub iyib ngakʼ mug pirʼeg ni ireram Laban.

9 Mug guy e sayden rokʼ, mug girngiy u tafen nga butʼ; ma kolngin e ba poloʼ i gol, nge rogon nni falʼeg e rib mangil, mug guy ni sayden riy e ni falʼeg ko wasey nib thʼabi mangil.

10 Me yibi buch ni tawasar e Kan ni Thothup ngog ni thingar gu liiʼ Laban nge yimʼ, mug gaʼar u lan gumʼirchaʼeg: Dariy bingyalʼ ni kug puʼoeg rachaʼen beeʼ. Me ere mug sulsul riy nga tomur, ya dabug ni nggu liiʼ nge yimʼ.

11 Me gaʼar fare Kan ni Thothup ngog bayay: Amuguy ke piiʼ Somoel e chaʼanir nga lan paʼam. Arragon, ma kug manang niki i gay rogon ni nge thang e pogofan rog; arragon, ma ku dabi motoyil ko motochiyel rokʼ Somoel; ma ki fek e chugum romaed.

12 Me yibi buch niki gaʼar fare Kan ni Thothup ngog bayay: Mu liiʼ nge yimʼ, ya ire ke piiʼ Somoel nga lan paʼam;

13 Amuguy, Somoel e ma liiʼ e piʼin kireb ngar mʼaed me yog ni ngan muguʼuliy e tirokʼ nib mangil. Kub felʼ ni ngemʼ taʼabeeʼ ko bin baʼaray ni nge waer e mich rokʼ ba ulung i gidiiʼ mar mʼaed.

14 Ere chiney, e napʼan ni gag, Nephi, e kug rungʼag e pi thin ney, me yib uran ngog e thin rokʼ Somoel ni yoeg ngog u wuruʼ e binaw, ni gaʼar: Nʼumngin i napʼan ni bay i fol pifakam ko motochiyel rog, ma bay ur monʼog gaed u lan fare nam nni michmicheg.

15 Arragon, ma kug lemnag ni dabiyog ni ngar fol gaed ko fapi motochiyel rokʼ Somoel ni boed rogon e motochiyel rokʼ Moses, nge madaʼ ko ngiyalʼ ni ke thap e motochiyel ngoraed.

16 Ma kug manang ni pi motochiyel nem e ni ker nga dakean e plates ni brass.

17 Ma bayay, kug manang ni Somoel e ke piiʼ Laban nga paʼag ni iraray fan—ni nge yog nug fek fapi chep ni boed rogon ni ke motochiyel nag.

18 Ere gufol u laman fare Kan ni Thothup, mug kol piyen loelugen Laban, mug thʼaeb kʼangan ko farengi sayden rokʼ nge mul loelugen.

19 Me tomuren ni kug thʼaeb loelugen ko farengi sayden rokʼ ke mul, mug fek madan Laban nggu chuw ngay; arragon, ni urngin yang; ma kug fek e mad ko talin e cham rokʼ nggu mʼag nga lukungug.

20 Me tomuren ni kug muʼ i rinʼ e pinnʼey, mu guwaen iyaen nga tafen e machaf rokʼ Laban, ma napʼan ni gube yaen iyaen nga tafen e machaf rokʼ Laban, ma faʼan gusap, mug guy e tapigpig rokʼ Laban niʼir e bay e key rokʼ ko re tafen e machaf nem. Ma aram mug non ngakʼ ni gube yaen u laman Laban, ni thingari un ngog nga langgin fare tafen e machaf.

21 Me lemnag ni gag e masta rokʼ, ni Laban, ya ke guy e mad rokʼ u dakeanag nge sayden rokʼ ni kug mʼag nga lukungug.

22 Me weliy ngog morngaʼagen e pi elder ko Jews, ya manang ni masta rokʼ, ni Laban, e immoy roraed e re nepʼ innʼem.

23 Mug non ngakʼ ni susun e gag Laban.

24 Ma aram e kugog ngakʼ ni thingar gufek fapi yol, ni kan ker nga dakean fayungi plate ni brass, ni nggu fek iyaen ngakʼ e pi walageg nib ilal, ni yaed bay u wuruʼ e binaw.

25 Ma aram e kugog ngakʼ ni nge lakeg.

26 Ma be lemnag ni gube weliy morngaʼagen e pi moʼon ni chongin e galasia, ma arame ribe lemnag ni gag Laban ni fachaʼ ni kug liiʼ ke yimʼ, ere me lakeg.

27 Me non ngog nib yoʼor yay ni be weliy morngaʼagen e pi elder ko Jews, u napʼan ni gube yaen iyaen ngakʼ walageg ni yaed bay u wuruʼ e binaw.

28 Me yibi buch u napʼan ni guyeg Laman me rus nib gel, ma ku aram rogon Lemuel nge Sam. Ma arame ra miil gaed ngar palog gaed rog; ya yaed be lemnag ni gag Laban, ni ke liiʼeg nggumʼ maki yib nibe gayraed ni nge liiʼraed ngar mʼaed.

29 Me yibi buch ni arame gu piningraed, mar rungʼaged lamag; mar talgaed ni dakur miil gaed rog.

30 Me yibi buch ni faʼan ni sap fare tapigpig rokʼ Laban ni guy pi walageg me daʼadaʼ ni murus, me yaen ni nge miil rog ni nge sul ko binaw nu Jerusalem.

31 Ma ngiyalʼ ney e gag, Nephi, e gag beeʼ nib moʼon ni gub gaaʼ ma gub nʼuw, ma ki piiʼ Somoel gelingig, ere gu malleʼ ngakʼ fare tapigpig rokʼ Laban, mug kol, ni nga dabi miil.

32 Me yibi buch nug weliy ngakʼ, ni faʼanra motoyil ko thin rog, ma woed nib fos Somoel, nge woed ni gub fos, e aram rogon ni nga i fol ko thin romaed, ma gamaed ra pag nge paer nib fos.

33 Mug non ngakʼ, ni gube michmicheg ngakʼ, ni dariy banʼen ni nge rus nag; ma rayog ni nge paer niʼir beeʼ nib pufpuf rogon ni boed gamaed ni faʼanra un ngomaed iyaen nga wuruʼ e binaw.

34 Ma kug non ngakʼ nug gaʼar: Riyulʼ ni Somoel e ke yoeg ngomaed ni nggu rinʼed e pinnʼey; ere gathi ngad kolayuw gaed i koel falan e pi motochiyel rokʼ Somoel? Ere, faʼan gara un ngomaed nga wuruʼ e binaw ngakʼ e chitamag ma bay taglʼim romaed.

35 Me yibi buch ni Zoram e mʼag u waenʼ fapi thin ni kugog. Ma Zoram fithingan fare tapigpig; me michmicheg ni nge un nga wuruʼ e binaw ngakʼ e Chitamangmaed. Arragon, maki michmicheg ngomaed ni nge paer romaed ko ngiyalʼ nem iyaen nga mʼon.

36 Chiney e gamaed baʼadag ni gomang e yigi paer romaed ni baʼaray fan, ni nga dabi nang e pi Jews morngaʼagen e miil romaed nga wuruʼ e binaw, ya gamaed be rus ngay ni yaedra nang min leakmaed ngan liiʼmaed nggu mʼaed.

37 Me yibi buch u napʼan ni ke michmich Zoram ngomaed, me mʼay e murus romaed ni bachan.

38 Me yibi buch ni gufeked fapi plate ni brass nge tapigpig rokʼ Laban, ma gamaed yaen nga wuruʼ e binaw, ma gamaed milekag iyaen ko tent rokʼ e Chitamangmaed.