1 Ma gubin e pinnʼey ma i guy e chitamag, ma i rungʼag, ma i weliy, u napʼan ni be paer u lan e tent, u lan e fare loway ku Lemuel, nge kub yoʼor boech banʼen, ni dabiyog i yoloey nga dakean e yuyang ney e plate.

2 Ere chiney, ni gube weliy morngaʼagen e pi yuyang i plate ney, ma gathi ireray e yungi plate ni nggu yoloey urngin chipin e pi gidiiʼ rog ngay ni kakrom; ya pi yungi plate niʼir e nggu yoloey urngin babyoren e gidiiʼ rog ngay e kug tunguy fithingan ni Nephi; Ere, kanoeg ni plate ku Nephi, ni kan tunguy fithingag ngay; ma yuyang ney e plate e kunoeg ni plate ku Nephi.

3 Machane, ke taw ba motochiyel rokʼ Somoel ngog ni thingar gu falʼeg e pi yungi plate ney, riffan e thingari yib ba babyor ni kan yoloey ni morngaʼagen e machib ko gidiiʼ rog.

4 Ma nga dakean fa yuyang nem e plate e thingar ni yoloey ngay babyoren e lung ko pi pilung, nge pi mael, nge pi maleʼeg thin ko gidiiʼ rog; ere yungney e plates e bagaʼ ni fan ko machib; ma yungin ni kubay e plates e bagaʼ ni fan ko lung ko pi pilung nge pi mael nge pi maleʼeg thin ko gidiiʼ rog.

5 Ere, fare Somoel e ke motochiyel nag ngog ni nggu falʼeg e yungi plate ney ni fan ngab lem ni tay nib gonop, nib lem ni dagnang fan.

6 Machane fare Somoel e manang urngin banʼen ni aram ko tabolngin; ere, ke tʼaer midlen ni nge yog ni muguʼuliy gubin e muruwel rokʼ u fithikʼ e pi gidiiʼ; ya musap gaed, gubin e gelingin ma bay rokʼ ni ra yog ni nge muguʼuliy urngin e thin rokʼ. Ere aram rogon. Amen.