1 Tuh liye, Leum, Leum luhn Un Mwet Mweun, El uslah liki acn Jerusalem, ac liki acn Judah, ma mwet uh moulkihn ac mwet kol, mwe mongo, ac kof—

2 Mwet fokoko, ac mwet in mweun, mwet in nuhnuhnkuh, ac mwet pahluh, ac mwet etuh in liyacacng uh, ac mwet mahtuh;

3 Mwet kol un mwet mweun luhmngaul, ac mwet yohk wal la, ac mwet in kahsruh, ac mwet orekma usrnguck, ac mwet suhmaht ke sramsram.

4 Ac Nga fah sang tuhlihk nuh selos tuh elos in pa fihsrack lalos, ac ahwowo uh fah leum faclos.

5 Ac mwet uh fah ahkkweokyeyuck, kais sie sin sie pac, ac kais sie sin mwet tuhlan lal; ac tuhlihk fuhsr sac fah inse fuhlwact nuh sin mwet mahtuh, ac mwet srihk wal la lain mwet yohk wal la.

6 Ke sie mwet fah sruokyac tamuhlwel wiyacl ke lohm sin pahpah tuhmwacl, ac fah fahk: Oasr nuknuk lom, kom in mwet kol lasr, ac nikmet lwelah pacl upac se inge in puhtatyang nuh in poum—

7 Ke lwen sac el fah fuhlahk, fahk: Nga fah tiac sie mwet in ahkkweyelah; tuh lin lohm sihk wacngihn mongo kuh nuknuk; nikmet oruh tuh nga in mwet kol luhn mwet uh.

8 Tuh acn Jerusalem kuhnausyucklac, ac acn Judah ikori, ke srihpen sramsram lalos ac orekma lalos lain Leum, in pihrihk ngwetngwet luhn wolacna Lal.

9 Luhmahlos fahkwack kaclos, ac fahkwack ma koluk lalos oacna Sodom, ac elos tiac kuh in wihkihn. We nuh sin nguhnalos, tuh elos sang ma koluk nuh faclos sifacna!

10 Fahk nuh sin mwet suwohswohs lah wo nuh selos; tuh elos fah ipeis fukun orekma lalos.

11 We nuh sin mwet koluk, tuh elos fah misac; tuh fohlohksahkiyacn paholos fah tuhkuh nuh faclos!

12 Ac mwet Luhk, tuhlihk srihsrihk pa ac ahkkweokyaclos, ac muhtwacn uh leum faclos. O mwet Luhk, elos suc kol kowos oruh kowos in tahfonglac ac kuhnahoslah ohiyacn inkacnek lowos.

13 Leum El tuyak in tuhkahk, ac tuyak in nuhnuhnkuh mwet uh.

14 Leum El fah ahkolah in nuhnuhnkuh wi mwet mahtuh luhn mwet Lal ac mwet fihsrack lalos ohinge; tuh kowos kanglah imac in grape uh ac ma pihsreyucklac sin mwet suhkahsruhp ke lohm suwos an.

15 Meac kalmeyac suwos? Kowos uni mwet Luhk ne ip srihsrihklac, ac ililyac muhtuhn mwet suhkahsruhp, Leum God Kuhlacna El fahk.

16 Oacyacpac, Leum El fahk: Ke srihpen acn nuhtin Zion elos fihlacng, ac fahsr kwekweelihk inkwacwaclos ac tahfuhn ngwetngwet, forfor na orek luhmah, ac mwe lohl ke niyaclos srihfaclfacl—

17 Ke ma inge Leum El fah kalyeilos in macngsrasrlah insifen acn nuhtin Zion, ac Leum El fah sokwack ma lukmac lalos.

18 Ke lwen sac Leum El fah eislah mwe nahweyuck srihfaclfacl lalos, ac mwe afyucf sifac, ac mwe nahweyuck nuh ke sifac ma raun oacna mahlwem uh;

19 Sein ac lohlpo, ac nuknuk in afyucf muhta;

20 Susu, ac mwe nahweyuck kapihn niyac, ac nuknuk nuh ke sifac, ac ono, ac yacring;

21 Ring, ac ring nuh ke infwac;

22 Kain in nuknuk loeloes kahto, ac nuknuk in kuhfa, ac nuknuk in afyucf insucf ac kwacwac, ac pin in karak;

23 Kuhlahs, ac nuknuk srihk in muhta, ac mwe afyucf insucf, ac nuknuk in afyucf muhta.

24 Ac ma inge fah sikyak, fohloh kweng ac fah fofoul koluk; ac pacl infulwac eklac nuh ke, soko sucl; ac aunsucf mahtol ac eklac, macngsrasrlah; ac nuknuk kahto eklac nuh ke, nuknuk mihsacsac; tuhruhp liki na in oaskuh.

25 Mukul tomowos fah acnwucki ke katlas ac mwet fokoko lowos ke mweun.

26 Ac muhtuhnpot lal ac fah tuhng ac ahsor; ac el fah pihsaclah, ac fah oan infohk uh.