1 Ac ke lwen sac, muhtwacn itkohsr ac fah sruokyac mukul se, fahk: Kuht ac fah kang puhret nwacsr sifacna, ac nukum nuknuk lasr sifacna; lwelah kuht in pahngonyuck muhkwena ke inem in eislah mwekihn lasr uh.

2 Ke lwen sac lah luhn Leum ac fah kahto ac wolacna; fahko luhn facluh ac arulacna wo ac oaskuh nuh selos suc kahinglac liki acn Israel.

3 Ac ma inge fah sikyak, elos suc luhlah Zion ac muhta na Jerusalem e fah pahngpahng muhtahl, kais sie mwet suc sihmihsyucklac inmahsrlon mwet moul muhta fin acn Jerusalem—

4 Ke Leum El fah ohllah ma fohkfohk luhn acn nuhtin Zion, ac fah sislah srahn Jerusalem liki inmahsrlon ma inge ke nguhn luhn nuhnuhnkuh ac ke nguhn luhn fihrihr.

5 Ac Leum El fah oraclah ke acn in muhta nuhkwewa ke eohl Zion, ac nuh fin mwet muhta we, sie puhkuhnyeng ac kuhlahsr ke lwen uh ac kahlwem ke sie e fihrihr ke fong uh; tuh ke wolacna luhn Zion ac fah oasr sie ohiyac in karihngihnyuck.

6 Ac e fah oasr sie lohm nuknuk in sie mwe lul liki fol ke lwen uh, ac nuh ke sie acn in monglac, ac sie acn in wihklac liki pahkah ac liki af uh.