1 Na nau, lukim, ol brata bilong mi, mi save lavim, mi ting olsem yupela tingting planti long bel bilong yupela long wanem, yupela mas wokim bihain long yupela i bin go insait long strepela na liklik rot tru long dispela dua. Tasol, lukim, bilong wanem yupela tingting long ol dispela samting long bel bilong yupela?

2 Yupela i no tingim olsem mi bin tokim yupela olsem bihain yupela kisim Holi Spirit, yupela ken toktok wantaim tang bilong ol ensel? Na nau, yupela i no inap toktok long tang bilong ol ensel tasol wantaim pawa bilong Holi Spirit?

3 Ol ensel i save toktok wantaim pawa bilong Holi Spirit, olsem na, ol autim toktok bilong Krais. Long wanem, mi bin tokim yupela, skulim long toktok bilong Krais, bikos, lukim, ol toktok bilong Krais em bai tokim yupela long olgeta wanem samting yupela mas wokim.

4 Long wanem, nau bihain long mi autim ol dispela toktok, sapos yupela i no save long ol, em bikos yupela i no askim na tu yupela i no paitim dua, olsem na, yupela bai i no inap kisim kam long lait, tasol mas idai olgeta long tudak.

5 Long wanem, lukim, mi tokim yupela gen olsem sapos yupela go insait long stretpela na liklik rot tru long dispela dua, na kisim Holi Spirit, Holi Spirit bai soim yupela olgeta samting long wanem yupela mas wokim.

6 Lukim, olgeta samting mi bin toktok em i doktrin bilong Krais, na Bikpela bai i no moa givim doktrin i go inap long em bai soim em yet long yupela long skin. Na yupela bai bihainim olgeta samting em bai tokim yupela long wokim, taim em soim em yet long yupela long skin.

7 Na nau mi, Nifai, i no inap toktok moa, Spirit i pasim mi long toktok, na mi ken sore tasol bikos long nogat bilip, na pasin nogut, na long long pasin, na pasin kamapim bikhet bilong ol man, long wanem, ol bai i no inap painim save, na tu luk save long bikpela save tru, taim Bikpela i givim save long ol klia tru, tru tumas, long klia toktok tru.

8 Na nau, ol brata bilong mi, mi save lavim, mi lukim olsem yupela tingim yet long bel bilong yupela, na em i mekim mi sore nogut tru olsem na mi mas toktok long dispela samting. Long wanem, sapos yupela harim long Spirit em i lainim man long beten, yupela mas save olsem yupela mas beten, bikos nogut spirit i no save lainim man long beten, tasol em i lainim olsem ol man i no ken beten.

9 Tasol lukim, mi tokim yupela olsem yupela mas beten olgeta taim, na no ken hap idai, olsem bipo yupela wokim wanpela samting long Bikpela, yupela mas beten long Papa long nem bilong Krais, olsem Papa bai givim holi wok long yu, inap long em bai kamapim gut wok bilong yu long gutpela sindaun long sol bilong yu.